Jeremías 12:4 - Biblia Enxet

⁴ ¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 12:4 ပူးပေါင်းရင်းမြစ်များ

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Salmos 50:21

Cháxa kéltémakxa kéxegke xa ektáha nak, ekwanmagkamchek eyke aqsa ko'o; ¡kélanagkamchek axnémók ko'o kéxegke! Kélnápaqta'awók sa' ko'o alxénchásekxohok kéltémakxa, ¡ayaqmagkásekxak sa' mók kéltémakxa!

Isaías 24:4

Yamakak xapop, kesagkeyk nahan, yamakaxma ekyókxoho keso nélwanmégkaxa, kelyameygkek aqsok yókxexma, yaqhapchexma m'a néten tén han keso náxop.

Isaías 24:6

Cháxa keñamak ekmasséssekmo nak xapop ma'a sẽlyemneykha ekmaso nak, tén han apkellegágkoho kéllegassáseykegkoho m'a énxet'ák apheykha nak kañe'. Cháxa keñamak apweywento nak énxet apheykha keso náxop, apqántawók apagko' apkeleymékpok.

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 23:10

Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.

Jeremías 4:25

Eksawheyha axta exma, méko axta kaxwók xama énxet enxoho, kelchampa'ak axta élxeganakmo ekyókxoho náta.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Jeremías 5:13

Máxa éxchahayam ma'a apkellegasso nak Dios appeywa, hakte megkeytnók apkelwáxok ma'a Dios appeywa. Keso aptáhakxa exchek ko'o seyáneya Wesse' egegkok Dios ekha nak apyennaqte s'e: “Keso yaqwánxa sa' katnehek, eñama aptamhéyak chá'a apkelpaqmeyesma apkelxeyenma aqsok ma'a: Máxa táxa sa' ko'o atnéssesek sekpeywa apekkenchesek ma'a apátog nak xép, keñe sa' énxet'ák etnahagkok máxa yántapák, kalwatnek sa' xa táxa nak.”

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Jeremías 7:20

Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Jeremías 9:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Joel 1:18

¡Kelpáwaha kélnaqtósso! Chaqhók ektegyágko pa'at weyke; apkeletsekkek ma'a nepkések.

Amós 1:2

Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.

Habacuc 3:17

Keñe sa' kapayhekxohok agko' ko'o ewáxok eñama m'a Wesse' sewagkasso nak teyp. Megkalyapwék sa' eykhe higo yámet, alpeykeshok sa' eyke, megkeyxek sa' eykhe han ma'a anmen yámet, tén han ma'a olivo yámet; megkanakxaxcheyk sa' eykhe han aqsok ma'a namyep; esawhakpok sa' eykhe han nepkések méko sa' eykhe han katnehek weyke m'a axanák nak.

Zacarías 1:12

Aptáhak axta Dios apchásenneykha s'e: “Wesse' ekha apyennaqte, wokmek kaxwók setenta apyeyam aptaqnagko m'a Jerusalén tén han ma'a tegma apkelyawe nak Judá. ¿Háxko sa' ekwánxa elásekhekxoho?”