Jeremías 12:2 - Biblia Enxet

² Xeyep apkeneykekxa m'a, ektémól'a yámet, kaxek chá'a kepmenák, kawanák chá'a, keñe keyxek. Apkelpeywa aqsa chá'a kaltaqmalmakha exénmakha exchep ma'a, keñe m'a apkelwáxok nak, megkaxegkáseykencha'a kaltaqmalmakha apkelwáxok élxéneykha exchep.

Jeremías 12:2 ပူးပေါင်းရင်းမြစ်များ

Job 24:12

Ellekxámog chá'a ketók apkeletsapmakxa nak ma'a tegma apwányam, elápentegmakha chá'a, meñék eyke Dios ma'a apkelmaxneyéyak.

Job 5:3

Óthok chá'a ko'o énxet ekyeyháxma kataqmelek apha, megkawegqók eyke chá'a, yahamok eyke han chá'a kólmasséssessók ma'a apxagkok nak.

Salmos 37:35

Ekwet'ak ko'o énxet ekmaso nak aptémakxa eyeymáxkoho agko' apwáxok, apsawheykekxoho yókxexma ektémól'a yámet ekyawe ekxámokmal'a áwa';

Isaías 29:13

Aptáhak ko'o seyáneya Wesse' egegkok se'e: “Apkelpeywa aqsa chá'a ko'o apkelxeyenmak sétleykencha'a xa énxet'ák nak, apatña'ák aqsa apkelxeyenmak chá'a ko'o seyáyo, keñe m'a apkelwáxok nak megkalxegkáseykencha'a heyáwhok ko'o, énxet apkeltémókxa antéhek nahan chá'a m'a aptamheykegkaxa nak chá'a hélpeykesho', apkeltámésamap apagko'.

Jeremías 11:17

Apkeltamhók kéxegke káhapwak aqsok ekmaso m'a Wesse' ekha nak apyennaqte ektáha axta apkelheyáseykha s'e xapop nak, eñama aqsok ekmaso apkeláneyak ma'a énxet'ák Israel, tén han ma'a Judá, hakte aplókassegkek apkelméssama chá'a aqsok ánek ekmátsa nak ekpaqneyam éten agkok ma'a Baal.

Jeremías 3:10

Axta nahan ko'o hey'ékekták Judá, yetlo segkéssamo agko' awáxok, cham'a seyenseykmo nak ko'o sétleykha, natámen élane xa ekyókxoho aqsok nak, élyexancháseykha axta aqsa chá'a. Ko'o sekxeyenma xa, sektáha nak Wesse'.”

Jeremías 45:4

eyáphássek nahan apkeltamho atnehek wának xép se'e: ‘Alyaqnegkesagkok chá'a ko'o m'a ektáha axta sélane, alpátekkeshok nahan chá'a m'a ektáha axta séneykekxa. Sa' atnéssesek nahan ekyókxoho xapop.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Oseas 7:14

Elpáxamha eykhe chá'a ekyennaqte neyseksa aphéyak néten apkelyetnamakxa', háwe eyke ekmámnaqsoho chá'a sewóneykha. Elyensasha chá'a apyempe'ék sélmaxneya enxoho chá'a hótáhap tén han vino, ¡énmexeykekxeyk ko'o m'a!

Habacuc 1:13

Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?