Jeremías 12:1 - Biblia Enxet

¹ Wesse', élátegmoweyxchek agkok ko'o exchep, xeyep aqsa chá'a kapayhohok aptáhakxa appeywa; peyk eykhe almaxneyha ko'o exchep ektémakxa aqsok sekwete. ¿Yaqsa enxoho ektéma ektaqmalma chá'a ekteyapma aqsok apkelánéyak ma'a élmasagcha'a nak apkeltémakxa? ¿Yaqsa enxoho ektéma megkatnegweykmoho chá'a exma apheykha m'a appelakkassesso nak chá'a elsexnenak apnámakkok?

Jeremías 12:1 ပူးပေါင်းရင်းမြစ်များ

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

Esdras 9:15

“Wesse', Dios nak Israel, péwók negko'o nenteméssessamakxa exchep, apchahayók xép eleymakpok neghekha meletsapma, negwet'a nak makham se'e kaxwo' nak. Naqsók negko'o nélsexnánémaxko nápaqtók xép; cháxa keñamak magkegwagko nak ólwakxak ma'a aphakxa nak.”

Nehemías 9:33

Payhawók xép henteméssesek ekyókxoho m'a senteméssessamakxa nak, hakte mehegkexeykha negko'o exchep neyseksa nenlánéyak aqsok ekmaso.

Job 12:6

Méko katnehek ektáhakxa apheykha apxanák ma'a apkelmenyexma nak; tásek katnehek apheykha m'a apkelenmexeykha nak chá'a Dios, yáwhok chá'a m'a ektémakxa ekha apkelyennaqte.

Job 13:3

Émenyeyk eyke ko'o apaqhetchesek ma'a Dios, émenyeyk alpaqhetchesaxkohok ma'a ekha nak Apyennaqte.

Job 24:12

Ellekxámog chá'a ketók apkeletsapmakxa nak ma'a tegma apwányam, elápentegmakha chá'a, meñék eyke Dios ma'a apkelmaxneyéyak.

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.

Job 8:17

élpextehetmal'a kepmenák ma'a meteymog, tén han élyepetchél'a,

Salmos 116:5

Wesse' egegkok apteme appéwomo, tén han apmopyósa henlano'; Dios egagkok apteme ekyawe segásekhayo.

Salmos 119:137

Wesse', xép apteme appéwomo; kelpéwók han ma'a apchánamakxa nak antéhek.

Salmos 119:75

Wesse', ekya'ásegkók ko'o apchánamakxa nak antéhek ekteme élpéwomo, ekya'ásegkók han chá'a ekpayhawo m'a señássásegkoho enxoho chá'a.

Salmos 145:17

Péwók ekyókxoho aqsok apkelane nak Wesse' egegkok, kataqmalmakha chá'a apwáxok elanok ma'a aqsok apkelane nak.

Salmos 37:1

Nágkallókas aqsa apwáxok elanok ma'a énxet'ák élmaso nak apkeltémakxa, nágkayásekkes aqsa apwáxok apkeltémakxa m'a énxet'ák apkeláneykegkoho nak aqsok ekmaso,

Salmos 37:35

Ekwet'ak ko'o énxet ekmaso nak aptémakxa eyeymáxkoho agko' apwáxok, apsawheykekxoho yókxexma ektémól'a yámet ekyawe ekxámokmal'a áwa';

Salmos 51:4

Xép aqsa énmexmak séláneya may'assáxma, xép aqsa énmexmak séláneya aqsok ekmaso aptaqnagkamo nak chá'a exchep. Cháxa keñamak ekpayhawo nak ma'a yaqwánxa nak hetnéssesek; naqso' agko' ma'a ektémakxa nak xép segyekpelchémo.

Salmos 51:6

Naqsók chá'a exchep yásekhohok ma'a megkeyxamaxkoho nak chá'a apwáxok, egkéssegkek sekya'áseykegkoho ekweykmoho kañók agko' nak élchetámeykegkaxa ewáxok.

Salmos 92:7

Apxámákxeyk agkok ma'a élmasagcha'a nak apkeltémakxa ektémól'a pa'at, tén han ma'a apkeláneykegkoho nak chá'a aqsok ekmaso, kélmassésseyam meyke néxa aqsa chá'a etnahagkok ma'a.

Proverbios 1:32

Meyke apkelya'áseyak aqsok chá'a kalnápok ma'a melya'áseyak nak aqsok, keñe m'a élyeyháxma nak kalnápok chá'a m'a meyke nak élyetnakhayo apkelwáxok;

Eclesiastés 8:14

Cháxa ektémakxa nak aqsok ekyeyháxma keso náxop, ellegagkohok chá'a m'a énxet'ák éltaqmalma nak chá'a apkeltémakxa, máxa chá'a kólteméssesek ma'a apkeláneyak nak aqsok ekmaso, keñe ma'a énxet'ák élmasagcha'a nak apkeltémakxa, tásek chá'a katnehek apheykha, máxa chá'a etnahagkok ma'a éltaqmela enxoho apkeltémakxa. ¡Ekxénchek nahan ko'o ekteme aqsok eyaqhémo agwetak xa!

Isaías 41:21

Aptáhak Wesse' egegkok se'e, Jacob wesse' apwányam apagkok nak: “Kéleykmássesso, kólchempoho, kólyentementa apkelmasma nak chá'a, kólmeyágwata m'a ektémakxa nak chá'a kélsexnánémaxche'.

Isaías 48:8

Meñeyk xép kaxénaxchek xa, meteyk nahan, hakte yókxoho ekhem ekteme meyke apeyk'ák. Ekya'ásegkók ko'o exchep apteme melane chá'a m'a aptáhakxa enxoho appeywa, apkeltamhomakpek axta exchep ekyennaqte apwáxok ma'a apyetnamakxa axta egken awáxok.

Jeremías 11:20

Wesse' ekha nak apyennaqte, xép akke apteme segyekpelchémo appéwomo; apya'ásegkók xép ekweykmoho kañók agko' elchetámeykha apwáxok énxet. Yána ko'o alanha yaqwánxa etnéssesek apkellegassáseykegkoho xa énxet'ák nak, hakte ekméssek ko'o exchep ma'a setnamakxa nak.

Jeremías 12:6

Weykmók xép apkelenmexeykekxa m'a apkelyáxeg'a apancha'awo nak, tén han ma'a apnámakkok apagko' nak, neptámen chá'a elpáxegkesha ématchesha. Nágyáwho aqsa exchep ma'a, tásek sa' eykhe chá'a katnehek apkelpeywa elána'.’

Jeremías 3:20

Kéltemék kéxegke sélyenseykmo sélyetleykha m'a, ektémól'a kelán'a ektawáseykegkoho atáwa' élánegwayam la'a chá'a pók énxet megkatnahakxa atáwa'. Ko'o sekxeyenma xa, sektáha nak Wesse'.

Jeremías 3:7

Énagkamchek axta ko'o hey'ótak makham natámen élane xa ekyókxoho aqsok nak, neyke hey'ékekta'. Wetayak axta han yáxeg Judá xa, cham'a seyenseykmo nak ko'o sétleykha;

Jeremías 32:16

“Ekpenchessek axta ko'o sélmésso weykcha'áhak ekxeyenma nak negmeykekxa aqsok ma'a Baruc, Nerías axta apketche. Keñe sektáha sekpaqhetchesa sélmaxneya Wesse' egegkok se'e:

Jeremías 5:11

Eyamasmeyk ko'o m'a énxet'ák Israel tén han Judá. Ko'o sekxeyenma xa, sektáha nak Wesse'.”

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Lamentaciones 1:18

Apkeláneyak Wesse' egegkok ma'a ekpayhawo nak elána', hakte énmexeykekxeyk ko'o m'a apchánamakxa nak antéhek. ¡Énxet'ák, kóleyxho sekpeywa kélyókxoho nak; kóllano ektémakxa seklegeykegkoho! ¡Apkelmomakpek ma'a wokma'ák ahagkok tén han kelán'a étkók, kélnaqleykekxo megkatnahakxa élókxa'!

Ezequiel 18:25

Hélxének sa' ko'o kéxegke megkapayhawo aqsok sélane; kóleyxho, kéxegke énxet'ák Israel. ¿Xéncheya kélwáxok kéxegke megkataqmela aqsok sélane? ¿Háweya kéxegke m'a megkataqmalma nak chá'a aqsok kéllánéyak?

Daniel 9:14

Wesse' egegkok, cháxa keñamak senlánéssama nak negko'o yaqwayam henlegássesagkohok xa aqsok ekmaso nak, tén han apcháphasa negyeseksa negko'o; hakte péwók chá'a katnehek ma'a ekyókxoho aqsok apkelane nak xép, Dios Wesse' egegkok; makke negko'o agmáheyók ageyxhok chá'a exchep.

Daniel 9:7

Wesse' egegkok, xép apteme appéwomo, keñe negko'o nenteme nak énxet'ák judíos, nélmegqaktegkek kaxwo'; weykekxók ma'a apheykha nak Jerusalén tén han ma'a pók énxet'ák nak Israel, tén han ma'a apheykha nak keto' keñe han ma'a apheykha nak makhawo', apheykha nak ma'a apkelókxa apkexakhagweykenxa axta exchep eñama apkenmexeykekxa'.

Oseas 6:7

“Aphawók Adán ma'a énxet'ák ahagkok, meláneykegkok ma'a ekhémo mók nélpaqhetchásamáxkoho ahagkok, eyamasmeyk nahan sélyetleykha.

Habacuc 1:4

Megkalánamáxchek ma'a ektémakxa nak chá'a segánamakxa, kelyeykhamaxchek aqsa m'a ekpayhawo nak antéhek, apnaqtawáseykegkók chá'a élmasagcha'a nak apkeltémakxa m'a éltaqmalma nak apkeltémakxa, apkelyetnakhásseykmek ma'a ekpéwomo nak nentémakxa.

Sofonías 3:5

Aphegkek eyke Wesse' egegkok ma'a tegma apwányam nak; apkeláneyak chá'a aqsok ektaqmela m'a, melaneyk chá'a m'a aqsok ekmaso nak. Yókxoho axto'ók chá'a yának kalanaxchek ma'a aqsok ekpéwomo, meyke kélyeykhasso. Keñe m'a ekmaso nak aptémakxa mey'ásegweykmok ektémakxa m'a negmegqakto.

Malaquías 2:17

Leklágweykmek apháxenmo kéxegke Wesse' egegkok; kóltéhek chá'a kólmaxneyekxohok se'e: “¿Háxko nentémakxa chá'a neganagkama negko'o ekleklágweykmo nak segháxenmo?” Kélxeyenmeyk chá'a kéxegke Wesse' egegkok ekleklamo apwáxok ma'a apkeláneykegkoho nak chá'a aqsok ekmaso, tén han ekpayheykekxoho chá'a apwáxok apkelányo, kóltéhek han chá'a s'e: “¿háxko aphakxa m'a Dios ekpéwomo aptémakxa nak?”

Malaquías 3:15

Negweteyak chá'a negko'o élpayheykekxo apkelwáxok ma'a apkeleymákpoho nak, tén han ektaqmalma chá'a aqsok apkelánéyak ma'a énxet'ák élmasagcha'a nak apkeltémakxa, elyepkeynek chá'a Dios, tén mellegássesagkók chá'a.”

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!