Jeremías 11:4 - Biblia Enxet

⁴ Hakte cháxa ekhémo mók nélpaqhetchásamáxkoho sélánéssama axta ko'o m'a apyapmeyk nano', sélántekkessama axta m'a Egipto, apchókxa ekhémókxa axta táxa axagkok kélpeykeseykekxexal'a sawo. Axta ektemék ko'o sélanagkama s'e: Hélyahakxoho sa', kóllána sa' chá'a ekyókxoho m'a séltamhókxa enxoho chá'a kóllána', keñe sa' ko'o atnehek kéxegke énxet'ák ahagkok, keñe sa' kéxegke héltéhek ko'o Dios kélagkok.

Jeremías 11:4 ပူးပေါင်းရင်းမြစ်များ

Génesis 17:8

Agkések sa' ko'o exchep ma'a ekyókxoho xapop nak Canaán, tén han ma'a aptawán'ák neptámen nak, apheykegkaxa nak se'e kaxwo' nak, etnehek sa' apagkok megkatnégwayam néxa, ko'o sa' han atnehek Dios apagkok ma'a.

1 Reyes 8:51

Hakte xép énxet'ák apagkok ma'a, apagkok han; xép axta apkelántekkesso m'a Egipto, ekhémókxa axta táxa axagkok kélpeykeseykekxexal'a sawo.

2 Reyes 18:6

Axta eyenseykmok apyetleykha Wesse' egegkok, axta han eyámasmak xama enxoho, apkeláneyak axta ekyókxoho segánamakxa apagkok, apkeltémókxa axta etnehek Wesse' egegkok ma'a Moisés.

Éxodo 20:6

Altaqmelcheshok eyke chá'a ko'o ekyetlómo sélásekhayo m'a énxet'ák ektáha nak chá'a seyásekhayo, tén han ma'a apkeláneyo nak chá'a m'a segánamakxa ahagkok ekweykekxoho m'a apketchek, tén han ma'a aptawán'ák megkatnégwayam néxa.

Isaías 30:6

Aqsok kélnaqtósso élxénamaxche', élleykha nak ma'a Négueb: Apkelpeywomók chá'a apkelmeyeykekxo Egipto apkelpátegkessama yámelyeheykok tén han yányátnáxeg apkelseykekxo aqsok élmomnáwa apagkok tén han mók aqsok apagkok israelitas ma'a yókxexma, ekxámokmakxa nak aqsok élmasagcha'a, élleykegkaxa nak ma'a méwa élyexweyweykegkól'a, tén han ma'a yéwa, tén han ma'a yéwa ekwányam élchampayól'a, apheykegkaxa nak ma'a énxet'ák mékcha'awo,

Isaías 48:10

Ekmopessáseykekxeyk axta apyempehek, háwe eyke m'a kélteméssessamakxal'a sawo ekmope, axta eyke eyaqxegkessók ma'a kañe' ekyetnamakxa nak nenlegeykegkoho ekmáske, ekho nak táxa axagkok.

Jeremías 11:7

Xama axta ko'o sélántekkessama kélyapmeyk nano' axta kéxegke m'a Egipto, ektaqmelchessamók axta sélpaqhetchesso séltémo hélyahakxohok ko'o, makhemek eyke makham sélpaqhetchesso s'e negwánxa nak eyeynamo m'a sekxók axta sélántekkessama.

Jeremías 24:7

Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Jeremías 26:13

Kóltaqmelchásekxa kéltémakxa tén han aqsok kélláneyak, kólyahakxoho Dios Wesse' kélagkok, keñe sa' megyehék ma'a nenlegeykegkoho ekmaso apkeltennassama axta chá'a.

Jeremías 32:28

Ektáhak ko'o seyáneya exchep se'e: Wának sa' ko'o emok Nabucodonosor se'e tegma apwányam nak, wesse' apwányam nak Babilonia, tén han ma'a caldeos.

Jeremías 38:20

Aptáhak axta Jeremías apchátegmowágkokxo s'e: —Wesse', memhehek sa' eyke exchep ma'a. Elyahakxoho Wesse' egegkok appeywa, séltennasa exchek xép wesse', keñe sa' tásek katnehek apha, ewagkasakpok sa' teyp.

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Ezequiel 14:11

yaqwayam sa' meheyenyewekxók ko'o kaxwo' ma'a énxet'ák Israel, yaqwayam sa' megkalpeysegkásekxeyk kaxwók ma'a aqsok ekmaso nak apkelánéyak. Énxet'ák ahagkok sa' ko'o atnehek ma'a, keñe sa' hetnehek ko'o Dios apagkok. Ko'o sekxeyenma, sektáha nak Wesse'.”

Ezequiel 36:28

kólhakha sa' ma'a apkelókxa sekméssamakxa axta m'a kélyapmeyk nano', énxet'ák ahagkok sa' atnehek, keñe sa' ko'o héltéhek Dios kélagkok.

Ezequiel 37:23

Kamaskok sa' nahan enaqtawasakpok elpeykeshok ma'a aqsok kéleykmássesso élmasagcha'a agko' nak tén han apkelánéyak chá'a ekyókxoho m'a mók ektémakxa nak chá'a melya'assáxma. Alwagkasek sa' ko'o teyp neyseksa m'a ekyókxoho apkeltémakxa ekmaso, aláxñassásekxak sa' ma'a melya'assáxma. Énxet'ák ahagkok sa' ko'o atnehek ma'a, keñe sa' ma'a etnahagkok ko'o Dios apagkok.

Ezequiel 37:27

Axek sa' chá'a ko'o nepyeseksa m'a, ko'o sa' etnehek Dios apagkok, keñe sa' ko'o atnehek énxet'ák ahagkok ma'a.

Daniel 3:26

Apkenegwokmek axta Nabucodonosor ma'a átog nak táxa axagkok, aptáhak axta apkelwónencha'a s'e: —¡Sadrac, Mesac tén han Abed-negó, kélteme nak apkeláneykha m'a Dios meyke ekhémo, kólántép, kólmeyenta s'e! Apkelántekkek axta neyseksa táxa eyáléwe m'a apqántánxo nak,

Levítico 26:12

aweynchamha sa' chá'a ko'o kélnepyeseksa kéxegke, Dios kélagkok sa' atnehek, keñe sa' ko'o kéxegke atnehek énxet'ák ahagkok.

Levítico 26:3

“Kéltemék agkok ma'a ektémakxa nak segánamakxa ahagkok, kélyahákxoho enxoho m'a séltémókxa nak kóltéhek, tén han kéllana enxoho,

Zacarías 6:15

Makhawók sa' eleñék énxet elwa', yaqwayam epásegwak apxátekháseykekxa m'a Wesse' egegkok tegma appagkanamap apagkok; keñe sa' kólya'ásegwók kéxegke aptáha ko'o seyáphasso m'a Wesse' egegkok ekha nak apyennaqte. Sa' eyke katnehek kélleg'a sa' kéxegke Dios Wesse' kélagkok appeywa xa tén han kélyahákxoho sa'.

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Deuteronomio 11:27

Tásek sa' chá'a katnehek kélheykha, kélyahákxoho enxoho chá'a m'a Dios Wesse' kélagkok nak segánamakxa apagkok, séltamho exchek ko'o kóllának se'e sakhem nak.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.

Deuteronomio 5:6

‘Ko'o sekteme Dios Wesse' kélagkok, ektáha axta sélántekkesso kéxegke m'a Egipto, kéltémakxa axta kélásenneykha naqsa.

1 Samuel 15:22

Keñe axta Samuel aptáha s'e: “Wánxa eyke aqsa kapeykesekxak apwáxok Wesse' egegkok kélyahákxoho enxoho, kaxnók kólmések ma'a aqsok ektekyawa nak, keñe han ma'a kélwatno nak; tásek kólyahakxoho, tén han kóleyxhok chá'a appeywa, kaxnók kólmések ma'a aqsok ektekyawa, tén han ma'a nepkések apkelennay'a nak pexmok apagkok.