Jeremías 11:22 - Biblia Enxet

²² aptáhak apkeláneya Wesse' ekha nak apyennaqte s'e: “Ayaqmagkásekxak sa' ko'o mók kéltémakxa kéxegke: neyseksa kempakhakma sa' eletsapok ma'a wokma'ák, keñe sa' kélketchek apkelennay'a tén han kelwán'ák kaletsapok meyk élnapma.

Jeremías 11:22 ပူးပေါင်းရင်းမြစ်များ

2 Crónicas 36:17

Tén axta Wesse' egegkok apkeltamho ektamagkok ma'a wesse' apwányam apagkok nak caldeos apkelnapchek axta apketkók ma'a kañe' tegma appagkanamap nak, axta elepyósak apkelano m'a wokma'ák tén han kelán'a étkók, keñe han ma'a apkelwányam, tén han ma'a meyke aptapnák nak. Apméssek axta Wesse' egegkok yaqwayam elmok ma'a apyókxoho nak.

Jeremías 18:21

¡Yána kaxwók eletsapok apketchek meyk élnapma, essenhan sókwenaqte kélyetxaqxo; tampe sa' katnahagkok ma'a apnaqteyegka'a nak, tén han meyke étchek! ¡Yána kalnápok negmasse m'a apkelennay'a nak énxet'ák apagkok, keñe sa' wokma'ák eletsapok kempakhakma!

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 44:13

Allegássesagkohok sa' ko'o apheykha nak Egipto, ektéma axta séllegassáseykegkoho m'a énxet'ák Jerusalén, kempakhakma sa' alha', meyk, tén han negmasse.

Jeremías 49:26

Exnagkok sa' aphopák wokma'ák apagkok ámay xa ekhem nak, eletsapok sa' apyókxoho m'a kempakhakma yapmeyk apagkok, Ko'o sekxeyenma xa, sektáha nak Wesse' ekha sekyennaqte.

Jeremías 9:21

“Taxneyk enxanák nétsapma, wokmek ma'a tegma apkelyawe egagkok apkeltaqmalma nak; kelnapchek sakcha'a apkelennay'a m'a ámay nak, tén han wokma'ák ma'a apheykegkaxa nak chá'a énxet'ák elweynchamha.

Lamentaciones 2:21

Aphágkek aphopák ámay ma'a wokma'ák tén han ma'a apkelwányam nak; aptekyókek ma'a wokma'ák, tén han kelán'a étkók, kélyetxégko chá'a sawo. ¡Apkelnapchek axta exchep ma'a aplawa axta meyke apmopyósa apkelányo!

Amós 4:10

“Eyhayak axta negmasse ekmaso, seyáphassama axta m'a Egipto; éltémók axta eletsapok wokma'ák kélagkok ma'a neyseksa kempakhakma, eyhayók axta elmagkok yátnáxeg kélchánte m'a kélenmexma nak; émpassegkek axta ekpaqneyam ektahapma kélhapák ma'a kélpakxeneykegkaxa axta. ¡Axta eyke hélye'eykekták ko'o kéxegke!” Wesse' egegkok apxeyenma xa.