Jeremías 10:9 - Biblia Enxet

⁹ Sawo ekmope ekmomnáwa aqsa m'a kéleykmássesso apagkok nak, éleñama nak kélseykenta m'a Tarsis, tén han sawo ekyátekto ekmomnáwa, éleñama nak kélseykenta m'a Ufaz; aqsok apkelane nak chá'a m'a énxet apkeleykmassáseykha nak chá'a aqsok, tén han ma'a apkelane nak chá'a sawo ekyátekto élmomnáwa, kéltaxneyáseykekxa nak chá'a m'a apáwa hómáyok, tén han ma'a apyexwase, énxet apmopwána apkeleykmassáseykha apkelane ekyókxoho xa.

Jeremías 10:9 ပူးပေါင်းရင်းမြစ်များ

1 Reyes 10:22

hakte cham'a yántakpayhe nak Tarsis, apagkok axta m'a wesse' apwányam, xama ekweykta axta chá'a katnehek apqántánxo apyeyam, yetlo m'a Hiram nak yántakpayhe apagkok, kalsanták axta chá'a sawo élyátekto élmomnáwa, sawo élmope élmomnáwa, yánnapóxeg apma'ák, yetsene tén han yágkenáteg.

2 Crónicas 9:21

hakte kamyekxohok axta chá'a wesse' apwányam yántakpayhe apagkok ma'a Tarsis, yetlo Hiram apkeláneykha, xama ekweykta axta chá'a katnehek apqántánxo apyeyam, kalsanták axta chá'a sawo élyátekto élmomnáwa, sawo élmope élmomnáwa, yánnapóxeg apma'ák, yetsene tén han yágkenáteg.

Salmos 115:4

Sawo ekyátekto ekmomnáwa, tén han sawo ekmope ekmomnáwa kéleykmássesso apagkok ma'a pók énxet'ák nak, aqsok apkelane apagko' nak chá'a m'a énxet:

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Isaías 23:6

Sa' etnehek elpaqmétek se'e: “Kólmohok sa' Tarsis, kóllekxagwaha sa' kóllanok ma'a énxet'ák apheykha nak neyáwa wátsam ekwányam.”

Isaías 40:19

Elának chá'a xama aqsok kéleykmássesso m'a énxet apkeleykmassáseykencha'awo nak chá'a ektémakxa xama aqsok, keñe m'a apkelane nak chá'a aqsok étkók éltaqmalma, elyepetchesek chá'a émpehek ma'a sawo ekyátekto ekmomnáwa, elanaksek nahan chá'a eknatanma m'a sawo ekmope ekmomnáwa nak.

Ezequiel 27:12

Xámok agko' axta m'a aqsok apagkok, Apkelyánmagkásamákpek axta chá'a m'a énxet'ák Tarsis, egkések axta chá'a ekyaqmageykekxa aqsok apkexeykekxa m'a sawo ekmope ekmomnáwa, tén han ma'a sawo ekyentaxno, tén han ma'a sawo ekpexpope ekmanyehél'a kapayhekxa' tén han ma'a yáma énmaga aktek ekmomhápal'a.

Ezequiel 27:7

Keñe axta apáwa apagkok kélpeykeseykekxa nak chá'a néten aptáha m'a apáwa apkeláxñe kéleykmassáseykha nak chá'a kélótma apkeñama nak ma'a Egipto, apáwa kélmakheyáseykha néten apagkok axta nahan apteméssessók ma'a; tén axta kélpakxenchesso nak chá'a aptáha m'a apáwa hómáyok tén han apyexwase, apkeleñama axta kélseykenta m'a nekha wátsam ekwányam Elisá.

Daniel 10:5

Élyaháha axta, ekwet'ak xama énxet apkelántaxno apkelexyawe tén han aptete nepxet sawo ekyátekto ekmomnáwa agko'.

Oseas 8:6

israelitas? ¡Háwe Dios ma'a weyke étkok kennawók eñama nak Samaria! Apmopwána apkeleykmassáseykha apkelane xa, nekha'a étkók sa' kóltemessásekxa'.

Jonás 1:3

Axta eyke elyahákxohok Jonás, xénchek axta aqsa apwáxok éxánegkesek Wesse' egegkok, tén axta apmahágko m'a ekhágweyktamxa axta chá'a yántakpayhe tegma apwányam Jope. Apwetágwokmek axta xama yántakpayhe ketók ekteyapmakxa ekmako kamhagkok ma'a Tarsis; apyánmagkassek axta apchánta apmako emhagkok ma'a.

Habacuc 2:19

¡Kéxegke la'aye, kéltémo nak kaxatakhak kéleykmássesso élánamáxche nak yántéseksek, tén han kéltémo nak katnamha meteymog meyke nak ekpeywa! ¿Awancheya kaltennaksek amya'a m'a? ¡Yawanche', méko énnama m'a, sawo ekyátekto ekmomnáwa eykhe kélyepetchesso m'a émpehek nak, tén han sawo ekmope ekmomnáwa!