Jeremías 10:7 - Biblia Enxet

⁷ ¿Yaqsa megkakyek xép, Wesse' apwányam apagkok nak pók aptémakxa énxet'ák? Payhawók xép yeykpok. Méko ekhawo exchep nepyeseksa m'a apkelya'áseykegkoho nak aqsok, tén han kelwesse'e apkelwányam nak keso nélwanmeygkaxa.

Jeremías 10:7 ပူးပေါင်းရင်းမြစ်များ

2 Reyes 17:39

ko'o sa' aqsa chá'a wánxa hélpeykesho', sektáha nak Dios Wesse' kélagkok, alwagkasek sa' ko'o teyp kéxegke neyseksa apkelma m'a kélenmexma.”

1 Crónicas 16:25

hakte Wesse' egegkok apteme apwányam apagko', payhawók ólteméssesek apcheymákpoho, apcheymáp nahan neyseksa m'a ekyókxoho aqsok ekha nak élmowancha'a.

Ester 1:13

apkelmaxneyáncha'a m'a apkelya'áseyak nak ektémakxa m'a segánamakxa, hakte axta apkeltémakxa chá'a ekyetna enxoho ektemegweykmohóxma apagkok ma'a kelwesse'e apkelwányam nak, eláneyha axta chá'a m'a apkelya'áseykegkoho nak ektémakxa m'a segánamakxa tén han apkeltennasso nak chá'a ekpayhawo etnahagkok.

Salmos 147:5

Apwányam apagko' ma'a Dios egagkok, awanhek han apmopwána; méko néxa m'a apya'áseykegkoho.

Salmos 22:28

Hakte Wesse' egegkok apteme Wesse' Apwányam, cha'a apkeláneykha chá'a apyókxoho pók aptémakxa énxet'ák ma'a.

Salmos 47:3

Ẽlmallahanchessek nepyeseksa énxet'ák, ẽlméssek yaqwayam anlanha m'a pók aptémakxa énxet'ák.

Salmos 72:11

¡Apyókxoho kelwesse'e apkelwányam sa' eltekxeyagkok aptapnák apmonye'! ¡Apyókxoho pók aptémakxa énxet'ák sa' elyahakxoho'!

Salmos 76:7

¡Yeykpohok xép! ¿Yaqsa katnemekxak xép apmonye' aplawa enxoho?

Salmos 86:8

Wesse', ¡méko aqsok kéláyókxa aghéshok xép! ¡Méko kaxhok élane m'a aqsok apkelane nak xép!

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Éxodo 8:10

—Saka sa' —axta aptáhak faraón. Tén axta Moisés aptáha apchátegmowágkokxo s'e: —Hoy, sa' katnehek ma'a, yaqwayam sa' ey'asagkohok méko ekhawo xama enxoho m'a Dios Wesse' egegkok.

Éxodo 9:14

hakte keso kaxwo nak, aláphaksek sa' ko'o ekyókxoho mók ektémakxa aqsok nenlegeykegkoho aphakxa exchep, tén han ma'a apkeláneykha, ekweykekxoho m'a énxet'ák apagkok, yaqwayam sa' ey'asagkohok xép, méko pók sekhawo ko'o ekyókxoho nak keso náxop.

Isaías 2:4

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Jeremías 10:6

Wesse', méko ekhawo exchep, xép apteme apwányam apagko', ekwányam ma'a apwesey, tén han ekteme ekyennaqte.

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Daniel 2:27

Apchátegmowágkek axta Daniel: —Méko xama énxet ekha nak apmopwána, tén han apya'áseykegkoho nak aqsok ekpowásamáxche, tén han apkeltámésamap nak aptegye apmopwána, tén han apwetayo nak chá'a aqsok yaqwánxa katnehek, apmopwána eltennaksek aqsok magya'áseyak apkeltamho nak xép ey'asagkohok wesse'.

Daniel 2:28

Apheyk eyke xama Dios ma'a néten, senxekmóssamo nak ektémakxa aqsok magya'áseyak, apya'assásegwokmek xép yaqwánxa katnehek egmonye' wesse'. Altennaksek sa' xép ektémakxa apwanmagko, wesse', tén han aqsok apwete neyseksa apteyenma:

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Josué 4:24

Sa' katnehek ma'a ekyókxoho yókxexma apheykegkaxa nak énxet'ák, elya'ásegwók sa' ekha apmopwána Wesse' egegkok, keñe sa' kéxegke kóltéhek chá'a kéláyo megkatnégwayam néxa m'a Dios Wesse' kélagkok.”