Jeremías 10:22 - Biblia Enxet

²² ¡Kóltaqmelchesho kélháxenmo! ¡Wa'ak xama amya'a! Xegakmek éxtegyawà ekyawe eñama m'a apchókxa nexcheyha, yaqwayam sa' katnessásekxak yókxexma meykexa énxet ma'a tegma apkelyawe nak Judá, wánxa sa' aqsa katnehek élleykegkaxa m'a semheg nawha'ák éllo.

Jeremías 10:22 ပူးပေါင်းရင်းမြစ်များ

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Jeremías 1:14

Keñe axta aptáha seyáneya Wesse' egegkok se'e: “Nexcheyha sa' kañék katyapok nenlegeykegkoho ekmaso káhapwak nepyeseksa apyókxoho énxet'ák apheykha nak se'e apchókxa nak.

Jeremías 1:15

Naqsók ko'o peya alwónmakha apyókxoho énxet'ák apheykha nak apchókxa nexcheyha, ko'o sektáha nak Wesse' kélagkok. Elxegmak sa' ma'a apkelwesse'e apkelwányam apagkok, enegkenwak sa' apkeltaháno éltaqmalma m'a nentaxnamakxa agko' nak ma'a Jerusalén, ekpayho nak ekyókxoho m'a kélhaxtegkesso nak nepyáwa ekwakhaya nak, tén han ekpayho nak apyókxoho m'a tegma apkelyawe nak Judá.

Jeremías 2:15

¿Yaqsa eyke ektéma kélchetámeykmo nak ektémól'a yámakméwa, yetlo kélpáxegkáseykha ekyennaqte? Ekmaso kéltemessásekxak ma'a apchókxa; kélwatneyáseykekxók nahan ma'a tegma apkelyawe apagkok, méko nahan xama énxet enxoho apheykekxa m'a.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 4:15

Wokmók Dan tén han egkexe Efraín ma'a amya'a ekmaso, ektéma nak se'e:

Jeremías 4:6

Kólye'és néten bandera kólenmexcheshok ma'a ekpayho nak Sión; ¡kóltegyaha kélyexanmomakxa, nágkólchaqnágwom aqsa! Hakte nexcheyha sa' ko'o kañék asógmak ekyawe agko' nenlegeykegkoho ekmaso, tén han sẽlmassésseyam nak.

Jeremías 49:33

Yókxexma meykexa énxet meyke néxa sa' etnekxak ma'a Hasor, élleykegkaxa m'a semheg nawha'ák. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam.”

Jeremías 5:15

Aptáhak Wesse' egegkok se'e: “Israel, anaqlókásegmak sa' ko'o exchep énxet'ák, apkeleñama nak makhawók agko', cham'a énxet'ák apkelyennaqte nak tén han nanók agko' énxet'ák nak. Mopwanchek xép apkelpeywa m'a, mey'asagkek han ma'a aptáhakxa enxoho apkelpeywa.

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.

Jeremías 6:22

Aptáhak Wesse' egegkok se'e: “Apkelánekxeyk aptamhágkaxa peya elxegmak énxet'ák apkelyennaqte, apheykha nak ma'a apkelókxa makhawók agko', ekpayho nak nexcheyha.

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Lamentaciones 1:4

¡Yaqhapmók exma m'a ámay nak Sión! ¡Méko xama énxet apye'eykekta kélessawássessamo! Meyke énxet aptáhak ma'a atña'ák nak tegma apyawe, apkellekxagweykha m'a apkelmaxnéssesso nak Dios énxet'ák apagkok, kelyaqhápeyha awáxok ma'a kelán'a étkók, legágkók ekmáske m'a Jerusalén.

Ezequiel 12:19

Etne sa' elának énxet'ák apheykha nak apkelókxa s'e tén han ma'a Jerusalén tén han ma'a apyókxoho énxet'ák Israel: ‘Keso aptáhakxa exchek appeywa Wesse' egegkok se'e: Kóltawagkok sa' kéltéyak yetlo ektamheykha agko' kélwáxok, kólyenagkok sa' nahan yegmen yetlo kélmenaye ekyawe agko'; kólmasséssók sa' ma'a apkelókxa, meyke xama aqsok sa' katnehek, eñama apnaqtawáseykegkoho apnámakkok ma'a énxet'ák apheykha nak ma'a kañe'.

Malaquías 1:3

keñe Esaú sektaqnagkama. Meyke xama aqsok axta ko'o ektemessáseykekxak ma'a Esaú apchókxa, élámhakxa axta m'a meteymog, keñe xapop apagkok sektemessáseykekxo wánxa élleykegkaxa aqsok nawha'ák.”