Jeremías 10:20 - Biblia Enxet

²⁰ Kéletsagkassek sekpakxanma, kélyétekkessek ekyókxoho apxát'ák seknaqtete nak. Eyenyókek ma'a étchek, ¡Méko kaxwók aptáhak! Méko kaxwók hexátekhassásekxak sekpakxanma, méko kaxwók hepakxenchásekxa'.

Jeremías 10:20 ပူးပေါင်းရင်းမြစ်များ

Job 7:8

Méko sa' nahan héteyekxohok chá'a; hélanok sa' eykhe exchep, mehétyehek sa' eyke, hakte amassegwók sa'.

Proverbios 12:7

Apmassegwokmek agkok ma'a élmasagcha'a nak apkeltémakxa', metepagkehek chá'a, keñe m'a apkelpéwomo nak, etepagkok aqsa chá'a aptawán'ák neptámen.

Isaías 51:16

ekpeykessegkek axta ko'o m'a néten éláneyak axta nahan xapop. Ekméssegkek axta ko'o exchep nélxekmowásamáxche ahagkok, eyáhakkassegkek axta emék sekmasma. Axta ektemék ko'o sélanagkama énxet'ák apheykha nak Sión se'e: ‘Kéxegke kélteme énxet'ák ahagkok.’”

Isaías 51:18

Méko xama enxoho étchek xe' yaqwayam enxoho éntamha chá'a; méko xama enxoho étchek xe' éktegkesso nak yaqwayam emha chá'a ámek.

Isaías 54:2

Kayánchásekxoho sa' ekpakxanma, kapeykásekxa sa' néten ekpakxanma ekhamakxa nak chá'a kóneg meyke ektamheykha awáxok; kalwenaqteyásekxoho sa' ma'a táma' eknaqtete nak chá'a, kalyennaqtésho sa' nahan élatchesso xapop ma'a yámet apagkok eknaqtete nak chá'a,

Jeremías 30:17

Alyennaqtéssók sa' makham, altaqmelchessessók sa' kélyense, sa' etnehek eykhe elpaqmétek kélenmexma s'e: ‘Taqmópegkek Sión, méko ekyetnakhássawo awáxok.’ Ko'o sekxeyenma xa, sektáha nak Wesse'.”

Jeremías 31:15

Aptáhak Wesse' egegkok se'e: “Legáxcheyk ekpayheykha kélátog ma'a Ramá, kéllekxagweykha yetlo ekyentaxno agko' kélwáxok. Raquel ma'a, élekxagweyncha'a nak, eñama aptekyawa étchek, yámenyeyk nahan kóltaqmelchessásekxak awáxok, hakte apkeletsekkek étchek.”

Jeremías 4:20

Wa'akteyk aqsa chá'a amya'a ekmaso; ekmaso tamhákxak ma'a ekyókxoho apkelókxa. Kélmasséssekmek ekmanyehe agko' ma'a sélpakxenéyak nak, éltawassáseyha agko' ma'a sekpakxanma nak.

Lamentaciones 1:5

Kóneg aptemessásekxak ma'a apkelenmexma, tásek ekteyapma aqsok apkelánéyak ma'a apkelenmexeykha nak chá'a. Wesse' egegkok apyentaxnéssesso apheykha m'a, eñama ekxámokma m'a melya'assáxma. Kélnaqlákxeyk megkatnahakxa apkelókxa m'a apketchek, apnaqlákxeyk ma'a apkelenmexma nak.

Miqueas 2:9

Kélántekkessegkek axanák éltaqmeleykegkaxa nak awáxok neyseksa ekheykha m'a kelán'ák, keñe étchek kélyementameykegko, cham'a sélmésso axta ko'o.