Jeremías 1:18 - Biblia Enxet

¹⁸ Sakhem ko'o sekteméssesa exchep apho tegma apwányam apyennaqte, apho sawo émhal'a, apho tegma kélhaxtegkesso nepyáwa sawo ekyexwase, yaqwayam sa' elenmexek ma'a apyókxoho énxet'ák apheykha nak yókxexma Judá: cham'a kelwesse'e apkelwányam apagkok nak, apkelámha apmonye'e tén han ma'a apkelmaxnéssesso nak énxet'ák ahagkok, tén han ma'a énxet'ák apheykha nak apkelókxa.

Jeremías 1:18 ပူးပေါင်းရင်းမြစ်များ

Isaías 50:7

Wesse' egegkok chá'a ko'o sepasmo: Ékeso éñamakxa mañeykegko nak chá'a m'a sélya'ásseyam ekmaso nak; Ékeso éñamakxa sekyennaqtama nak, máxa ektemék ma'a ektémól'a meteymog, hakte ekya'ásegkók peya mamegqágwakxeyk natámen.

Jeremías 1:17

Xép akke, énnaqteyásekxoho sa' apwáxok; exeg sa' eltennássók ekyókxoho m'a séltamhókxa enxoho eltennaksek. Nágye' aqsa, hakte sa' agkok etnahak xa, alpexyennegkesek sa' ko'óxa exchep apmonye'e xa énxet'ák nak.

Jeremías 1:19

Yenmexekxak sa' xép xa énxet'ák nak, mexók sa' eyke, hakte sekxegexma sa' ko'o atnehek xép, yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Jeremías 15:20

Máxa sawo ekyexwase kélhaxtegkessól'a tegma apwányam sa' ko'o atnéssesek xép nepyeseksa xa énxet'ák nak, megkólaqtassól'a. Yempakhakpok sa' eykhe, mexók sa' eyke, hakte ko'o sekxegexma exchep, yaqwayam awagkasek teyp, tén han amallahanchesek. Ekméssek ko'o sekpeywa, sektáha nak Wesse' apagkok.

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 21:4

aptáha appeywa Wesse' egegkok, Dios apagkok nak Israel se'e: ‘Wának sa' ko'o elaqxegenták sẽlpextétamo kélagkok apkelnápeykpo nak wesse' apwányam Babilonia tén han caldeos ma'a teyp nak kélhaxtegkesso s'e tegma apwányam nak, wánchásekxak sa' ko'o apkelmeykha nak apkenchesso kempakhakma s'e nepyeseksa nak tegma apwányam.

Jeremías 26:24

Appaqmetchek axta Ahicam, Safán axta apketche apmeyawa m'a Jeremías, cháxa aptáhakxa axta xa megkólmésa énxet'ák yaqwayam yaqhek.

Jeremías 34:3

Mopwanchek sa' xép éxánegkesek ma'a, emok sa'; egkésakpohok sa' aqsa nahan xép ma'a, keñe sa' natámen kélyentameykekxa m'a aphakxa nak, kólyentemekxa sa' ma'a Babilonia.

Jeremías 37:7

kélápháseykha axta: “Kóltennés sa' wesse' apwányam Judá, apkeláphasso exchek hélyo'ótak ko'o, apkeltaqháwo makham Egipto m'a faraón sẽlpextétamo apagkok, apkelxegakmo excheykhe yaqwayam epasmok kéxegke.

Jeremías 38:18

Sa' agkok egkeyásekpok xép ma'a, emok sa' caldeos tegma apwányam, keñe sa' ewatnekxa', mopwanchek sa' xép yegketakpok.’

Jeremías 38:2

“Keso aptáhakxa exchek Wesse' egegkok se'e: ‘Kempakhakma sa' yetsapok ma'a apheykekxa enxoho tegma apwányam, essenhan meyk, tén han negmasse. Keñe sa' ma'a apteyapma enxoho, apmeyásamap enxoho m'a caldeos, ewagkasakpok sa' teyp.’

Jeremías 42:22

Kólya'asagkoho sa' peya kóletsapwók kempakhakma, meyk tén han negmasse m'a apchókxa kélmakókxa nak kólhók.”

Jeremías 6:27

Aptáhak ko'o seyáneya Wesse' egegkok se'e: “Xeyep sa' agkések yaqwayam elyepkeynek énxet'ák ahagkok. Elano sa', yaqwayam sa' elanok háxko apkeltémakxa.”