Jeremías 1:11 - Biblia Enxet

¹¹ Epaqhetchessek axta ko'o Wesse' egegkok. Aptáhak axta seyáneya s'e: “Jeremías, ¿Yaqsa apwet'a?” “Xama almendro yámet aktog” —axta ektáhak ko'o seyátegmowágkokxo.

Jeremías 1:11 ပူးပေါင်းရင်းမြစ်များ

Génesis 30:37

Apkelyaqténchek axta han yámet álamo aktegák axnancha'ák, tén han almendro keñe han castaño, apkelpexyawássek axta émpe'ék yaqwayam enxoho agyekpelkohok élpéwayam élmope émpe'ék,

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Jeremías 24:3

Aptáhak axta ko'o sélmaxneyeyncha'a Wesse' egegkok se'e: “Jeremías, ¿yaqsa apwet'a?” Ektáhak axta ko'o seyátegmowágkokxo s'e: “Higo ekyexna. Keltásek agko' ma'a éltaqmalma nak; keñe m'a élmasagcha'a nak, asagcha'awók agko', mogwanchek antók.”

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Ezequiel 12:28

Etne sa' elának se'e: ‘Keso aptáhakxa exchek appeywa Wesse' egegkok se'e: Megkatnehek sa' ko'o megkatne m'a sekpeywa; sektáhakxa enxoho sekxeyenma, katnehek sa'. Ekméssek ko'o sekpeywa, sektáha nak Wesse'.’”

Ezequiel 7:10

“¡Keso ekhem se'e! ¡Wa'ak kaxwo'! ¡Xegakmek yaqwayam kólmasséssók! Sawhekxók ekmaso m'a ekyókxoho yókxexma, xámákxeyk agko' nahan ma'a megkeyxnegwayam nak nempeywa.

Amós 7:8

Keñe axta aptáha sélmaxneyeyncha'a s'e: —Amós, ¿yaqsa apwet'a? —Xama táma' kélpékessamól'a apxega yátaphémekcha'ák apmeykencha'awól'a apkelane tegma —axta ektáhak seyátegmowágkokxo. Tén axta aptáha seyáneya s'e: —Keso táma' kélpékessamo nak chá'a apxega yátapheymekcha'ák apmeykencha'awól'a chá'a m'a apkelane tegma, sa' amha ko'o alanok apkeltémakxa ekpéwomo m'a énxet'ák ahagkok Israel. Malásekhekxók sa' chá'a ko'o kaxwók xama enxoho m'a.

Amós 8:2

tén axta aptáha sélmaxneyeyncha'a s'e: —Amós, ¿yaqsa apwet'a? —Xama hówenaq apxagkok kélxata yámet ekyexna élmakhetma —axta ektáhak seyátegmowágkokxo. Tén axta aptáha seyáneya Wesse' egegkok se'e: —Máxa yámet ekyexna élmakhetma aptamhágkok ma'a énxet'ák Israel; malásekhekxók sa' chá'a ko'o kaxwók xama enxoho m'a.

Zacarías 4:2

“¿Yaqsa apwet'a?” Tén axta ko'o sektáha seyátegmowágkokxo s'e: “Ekwet'ak ko'o xama cháléwasso ekyawe sawo ekyátekto ekmomnáwa, yetlo xama kélyátamakxa égmenek ekyetno m'a néten. Siete cháléwasso étkók nahan ekhéyak ma'a netno nak, siete nahan kélyetmeykegkaxa nak chá'a m'a égmen'ák.

Zacarías 5:2

Aptáhak axta sélmaxneyeyncha'a Dios apchásenneykha s'e: “¿Yaqsa apwet'a?” Tén axta ko'o sektáha seyátegmowágkokxo s'e: “Ekwet'ak ko'o xama weykcha'áhak kéltáxésso kélyaqsáseykekxa émpé; nueve metros ekwenaqte tén cuatro metros náxet mók ma'a ekpayhakxa.”

Números 17:8

keñe axta mók ekhem, apmeyákxo m'a kélpakxanma nak, apwet'ak axta éltektepa m'a Aarón aptasqapeykha, ektáha axta apagkok ma'a Leví énxet'ák apagkok: kelwegqak axta éltekteyapma, kelyapwa'ak axta nahan, yexneyk axta nahan, máxa axta ekmakhetma ekyexna m'a aqsok ekwesey nak almendras.