Isaías 9:2 - Biblia Enxet

² Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.

Isaías 9:2 ပူးပေါင်းရင်းမြစ်များ

Job 10:21

amonye' sekxega meyke sekweyktamho chá'a, amonye' sekmahéyak ma'a ekyáqtéssamakxa agko' nak exma',

Salmos 107:10

Apheykha axta neyseksa ekyaqtéssamakxa agko' exma, negmomaxchexa' eklegeykegkaxa nak egwáxok, tén han cadenas,

Salmos 107:14

apkelántekkessegkek axta m'a neyseksa ekyaqtéssamakxa agko' nak exma, apkelyétekkessessegkek axta han cadenas.

Salmos 23:4

Ekxegkek agkok ekyáqtésakxa exma m'a ekyapwátegweykenxa nak xapop, magwakyek xama enxoho aqsok ekmaso, hakte sekxegexma ko'o exchep Wesse'; hegkések chá'a meyke ektamheykha ewáxok ma'a aptasqapeykha nak, apmeykencha'awól'a chá'a eltaqmelchesek nepkések.

Salmos 4:8

Wesse', eytek chá'a ko'o meyke sélya'ásekhaxma, ñohok nahan chá'a atyenek, hakte xép keñamak segkésso meyke ektáhakxa ewáxok.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 60:19

“Kamaskok sa' kólámenyéhok ekhem yaqwayam kalsássesexma m'a ekhem, kamaskok sa' nahan kólámenyéhok pelten yaqwayam elsássesexma m'a axta'a, hakte ko'o sa' atnehek, cháléwasso kélagkok meyke néxa, sektáha nak Wesse'; ko'o sa' atnehek élseyéxma kélagkok sektáha nak Dios kélagkok.

Isaías 9:1

Mopwanchek sa' elxeganmok ma'a apkellegeykegkoho nak ekyentaxno apheykha. Kónegók axta aptemessáseykekxak Dios Galilea m'a sekxók eyeynókxa axta, cham'a Zabulón xapop apagkok nak tén han ma'a Neftalí, nekha apheykegkaxa nak ma'a énxet'ák melya'áseyak nak Dios, eyeynamo nak neyp wátsam Jordán, ekweykekxoho m'a neyáwa wátsam ekwányam nak; tén axta natámen apmeyásekxo makham ekyawe agko' kéláyo.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.

Jueces 5:30

‘Aqsok kexa apmelasseykpok apkelma neyseksa kempakhakma. Apmelasseykpek kexa xama essenhan ánet kelán'a chá'a xama kempakhakma yáp; keñe xa Sísara apkelxaka apáwa apkeltaqmalma nak apkeltáxama: xama essenhan apqánet chá'a m'a kélótma nak chá'a ekxámokma aptáxama, yaqwayam kólchexenchesek apyespok ma'a apmallane nak.