Isaías 7:6 - Biblia Enxet

⁶ Agketamagkok sa' Judá, ólyegwakkasek sa' énxet'ák, agmok sa', anteméssesek sa' wesse' apwányam ma'a Tabeel apketche.

Isaías 7:6 ပူးပေါင်းရင်းမြစ်များ

1 Reyes 12:16

Xama axta apkelwet'a énxet'ák Israel melyahákxo aptáhakxa apkelpeywa m'a wesse' apwányam, aptáhak axta apcháneya s'e: “¡Mogmenyeyk negko'o David! ¡Méko xama aqsok sempekkencháseykekxa Jesé axta apketche! ¡Énxet'ák Israel, óltaqhekxa'! ¡Eltaqmelcheshok sa' apagkok ekheykha apxagkok ma'a David!” Yetlókok axta apkeltaqheykekxa apxanák apyókxoho m'a israelitas.

2 Reyes 11:2

Keñe axta m'a Joseba, wesse' apwányam Joram axta apketche, apyáxeg kelwána axta Ocozías, ekxegánegkesa m'a Joás, Ocozías axta apketche, ekyetnakhasa nepyeseksa m'a nápakha apketchek axta m'a wesse' apwányam, cham'a aptekyawa axta. Póssessek axta amonye' m'a Atalía, yetlo m'a eyássáseyak axta chá'a nam'agkok, ektaxnésa kañe' tegma apwáxok eknaqténamáxchexa axta chá'a. Keñe axta mematña,

2 Crónicas 13:8

Kéltamhók kaxwók kéxegke kólenmexekxak ma'a énxet apkelyéseykha nak Wesse' egegkok, appekkenchesso axta m'a David aptawán'ák neptámen, kélásennagkamchek kéxegke kélxámokma, tén han ekyetnama m'a weyke étkók kéleykmássesso sawo ekyátekto ekmomnáwa, apkelánesso axta m'a Jeroboam yaqwayam kóltéhek chá'a aqsok kéláyókxa'.

2 Crónicas 21:7

Axta eyke emáheyók emasséssók Wesse' egegkok ma'a David axta aptawán'ák neptámen, eñama m'a apkelane axta ekhémo mók apkelpaqhetchásamákpoho m'a David, apkeltennassama axta megkamassegwomek chá'a aptamhéyak apkelwesse'e apkelwányam ma'a aptawán'ák neptámen.

2 Crónicas 28:5

Axta keñamak Dios Wesse' apagkok apmésa yaqwayam emok ma'a wesse' apwányam nak Siria, apmenxenchek axta m'a sirios, apxámok apagko' axta han apkelma apnaqlákxo m'a Damasco. Apméssek axta han Wesse' egegkok yaqwayam emok ma'a wesse' apwányam nak Israel, apnaqtawásegkók apagko' axta apkelnapa.

Salmos 21:11

Emáwhok sa' eykhe etnéssessamhok exma ekmaso exchep, elánekxak sa' eykhe apkelpeywa yaqwánxa etnéssesek yenmexek xép, megkatyepek sa' eyke yaqwánxa etnahagkok,

Salmos 83:3

Apkelyexákpók apkelánegkokxo yaqwánxa etnéssesek ma'a énxet'ák apagkok, ¡apkelmasmo nak chá'a exchep!

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Isaías 7:1

Apketámegkek axta Jerusalén ma'a wesse' apwányam Siria apwesey axta Resín, tén han ma'a wesse' apwányam Israel apwesey axta Pécah, apketche axta m'a Remalías, apmakók axta eykhe emok, mopwanchek axta eyke. Cháxa ektémakxa axta xa, aptémakxa axta wesse' apwányam Judá m'a Ahaz, cham'a Jotam axta apketche, aptáwen axta m'a Ozías.

Isaías 7:5

Apkelánekxeyk apkelpaqmeyesma apmako etnéssessamhoxma ekmaso m'a sirios tén han ma'a énxet'ák Israel yetlo m'a wesse' apwányam apagkok Remalías apketche. Aptáhak apkelpeywa s'e:

Isaías 7:7

Keñe Wesse' egegkok aptáha s'e: ¡Megkatnehek sa' xa!

Isaías 8:6

“Apkelwanyeyha énxet'ák se'e yegmen Siloé, ektaqmelchessamo nak aqsa ényé, eñama apkelaye m'a wesse' apwányam Resín tén han ma'a Remalías apketche nak,