Isaías 7:25 - Biblia Enxet

²⁵ Xámók sa' katnehek yámet ekha nak am'ák ma'a egkexe kélcheneykekxexa axta chá'a aqsok yetlo kélmeykha m'a sówaxpehek. Kampagqeykxak sa', méko sa' kamhagkok ma'a. Weyke ekteykegkaxa pa'at sa' aqsa katnehek ma'a tén han nepkések.

Isaías 7:25 ပူးပေါင်းရင်းမြစ်များ

Isaías 17:2

Etaqmopagkohok apagko' sa', pa'at émhakxa sa' katnekxa'; katawagkok sa' pa'at kélnaqtósso meyke kélmenxeneykha m'a.

Isaías 5:17

Kólmasséssók sa' ma'a tegma apkelyawe, etawagkok sa' pa'at nepkések tén han yát'ay ma'a nepyeseksa nak tegma aphopák appalleyam.

Isaías 7:19

Apyókxoho sa' elxegmak ma'a, elánegwak sa' apheykegkaxa m'a élyapwate élmattawóneg nak tén han ma'a meteymog áxwa'ák nak, tén han ma'a ekyókxoho nak élaqneykegkaxa m'a yenta'a ekha nak am'ák tén han ma'a ekyeneykegkaxa nak chá'a yegmen ma'a aqsok kélnaqtósso.

Isaías 7:24

Yetlo yágke sa' aqsa kélwanchek kóltaxnegwók yaqwayam kólnempaqwók ma'a, hakte émhakxa yenta'a ekha am'ák sa' katnekxak ekyókxoho m'a apchókxa tén han ekmompánaqma.

Oseas 4:16

Hénmexekxohok ma'a Israel, máxa weyke étkok ekmeymente; ¿Apwancheya enaqlók kéxegke Wesse' egegkok ma'a ektaqmelakxa nak pa'at, ektémól'a m'a nepkések apketkók la'a?

Sofonías 2:6

Émhakxa pa'at sa' katnekxak ma'a apchókxa ekyetno nak neyáwa wátsam ekwányam, yaqwánxa sa' chá'a yaqnekxak ma'a keláneykha nepkések, tén han yaqwánxa sa' chá'a kóllánésagkok aphaxta apagkok ma'a nepkések.”