Isaías 7:23 - Biblia Enxet

²³ Cháxa ekhem nak, katnekxak sa' émhakxa yenta'a ekha nak am'ák tén han ekmompánaqma m'a émhakxa axta chá'a ekxámokma agko' ma'a anmen yámet, ekteyapmo axta chá'a ekyánmaga mil sawók selyaqye sawo ekmope élmomnáwa nak.

Isaías 7:23 ပူးပေါင်းရင်းမြစ်များ

Génesis 3:18

Katyapok sa' kaxwók am'ák xapop, tén han pegke, etwok sa' nahan chá'a m'a eñama nak naxma.

Isaías 32:10

Tásek kélheykha kéxegke s'e kaxwo nak, sa' eyke m'a aptáha sa' xama apyeyam kólpexyennók sa' kélaye, hakte kasawhaxchek sa' eknakxamáxche ekyexna m'a aqsok kélcheneykekxa, megkólnakxekxók sa' chá'a kaxwók ma'a anmen yámet ekyexna.

Isaías 5:10

Xama mahamo étkok sa' kaxwók katyapok anmen yámet égmenek ma'a trescientos metros nak ekwenaqte kélcheneykekxa m'a anmen yámet. Keñe sa' xama yágkentamáhak ekláneyo hótáhap ma'a diez yágkentamáhak élláneykegkoho nak kélyemlasso m'a hótáhap apaktek.”

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Isaías 7:24

Yetlo yágke sa' aqsa kélwanchek kóltaxnegwók yaqwayam kólnempaqwók ma'a, hakte émhakxa yenta'a ekha am'ák sa' katnekxak ekyókxoho m'a apchókxa tén han ekmompánaqma.

Jeremías 4:26

Eksawheykha axta exma, ekwet'ak axta ektamhákxo meyke xama aqsok ma'a kélcheneykekxexa nak pánaqte exnók, tén han aptamhákxo nápakha'a apketkók apyókxoho m'a tegma apkelyawe nak. Wesse' egegkok aplo ekmaso keñamak ekteméssesso ekyókxoho xa.

Ezequiel 12:20

Kólmasséssók sa' apyókxoho tegma apkelyawe apheykegkaxa nak chá'a énxet; meyke xama aqsok sa' katnekxak ma'a apchókxa. Keñe sa' kólya'ásegwók kéxegke sektáha ko'o Wesse'.’”

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.