Isaías 7:20 - Biblia Enxet

²⁰ Yásenneykxak sa' Wesse' egegkok wesse' apwányam Asiria xa ekhem nak, máxa sa' etnéssesek ma'a ektémól'a sawo kélmeykha naqsal'a eñama m'a teyp wátsam Éufrates, elmópésseshok sa' apqatkok elyésésagkok ma'a israelitas, tén han ma'a áwa' apatña'ák nak ekweykekxoho m'a áwa' apexchakkok.

Isaías 7:20 ပူးပေါင်းရင်းမြစ်များ

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Isaías 10:15

¿Awancheya kaxénmakha ekyeykhásseykmoho póte m'a ektáha nak chá'a apmeykha? ¿Awancheya nahan kaxénmakha ekyennaqte nápaqtók ektáha nak chá'a apmeykha apkelyepto yámet ma'a hó neym épakyek ekyawe nak? ¿Háxko katnehek kaxog kéltasqapeykha, ekteme nak aqsa wánxa yámet, mexña enxoho m'a énxet ektáha nak apseykha?

Isaías 11:15

Emeykessesek sa' xama ámay Wesse' egegkok ma'a neyseksa Wátsam Ekwányam Ekyexwase nak, ey'aksek sa' apmek ma'a ekpayho nak wátsam Éufrates, etekkesek sa' éxchahayam ekyennaqte agko', kameykásekxak sa' neyseksa, siete aktegák sa' kalána', keñe sa' apwanchek elyeykhekxak meyke apkelhaxyawasso apkeltéto apmagkok.

Isaías 36:1

Apketámeykegkek axta Senaquerib wesse' apwányam axta m'a Asiria apyókxoho tegma apkelyawe apkelyennaqte axta m'a Judá, cham'a ekweykmo axta catorce apyeyam apteme wesse' apwányam ma'a Ezequías. Apkelmomchek axta nahan.

Isaías 8:7

yáhakkasek sa' yegmen ekyawe ekyennaqte ényé wátsam Éufrates ma'a Wesse' egegkok, (wesse' apwányam Asiria m'a yetlo m'a ektémakxa nak apyennaqte). Kallanagkok sa' ekyókxoho m'a yegmen atamnek apagkok nak, kalántépok sa' ma'a neyáwa',

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 2:18

¿Yaqsa kagkések kéxegke kólmeyekxak Egipto kólyahagwakxak yegmen ma'a wátsam Nilo? ¿Yaqsa kagkések kéxegke kólmeyekxak Asiria kólyahagwakxak yegmen ma'a wátsam Éufrates?

Ezequiel 29:18

“Apketágkásegkek sẽlpextétamo apagkok Nabucodonosor yetlo apkelwasqakkáseykekxoho apagko' ma'a tegma apwányam Tiro, cham'a wesse' apwányam nak Babilonia; meyke apwa'ák nahan tamhágkok ma'a apyókxoho nak, kelpexyókek nahan ma'a apkap'ák; méko eyke xama aqsok enxoho apma eñama apwasqápeykekxoho apketámeyak ma'a tegma apwányam Tiro, cham'a Nabucodonosor tén han ma'a sẽlpextétamo apagkok.

Ezequiel 29:20

Wának sa' ko'o emok Nabucodonosor ma'a Egipto, ekyánmaga apwasqápeykekxoho apketámeyak ma'a tegma apwányam Tiro, hakte ko'o axta setnessáseykha m'a. Ko'o sekxeyenma xa, sektáha nak Wesse'.