Isaías 66:24 - Biblia Enxet

²⁴ “Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Isaías 66:24 ပူးပေါင်းရင်းမြစ်များ

Salmos 110:6

exének sa' chá'a yaqwánxa kólteméssesek ma'a apyókxoho énxet'ák; ethanchásekxak sa' mók kélhapák; ¡elpáxqátek sa' kélpátek ekyókxoho keso náxop!

Isaías 1:28

alyaqtennagkok sa' eyke m'a élyennaqte nak apkelwáxok tén han ma'a melya'assáxma nak, eletsapok sa' ma'a seyamasma nak.

Isaías 1:31

Pa'at apák sa' etnekxak ma'a énxet apyennaqte nak, keñe sa' ma'a aqsok apkelane nak katnekxak táxa éllo: káléwhok sa' nahan xamók xa ánet nak, méko sa' nahan xama enxoho kaspanchesek.”

Isaías 14:11

Keso néxa exchep apcheymákpoho s'e tén han apháxenmo apkelpáwá m'a arpa apagkok. Élchónamaxche kaxwók ma'a apyetnamakxa néten, yápa apketkók nahan ma'a apchaqlamap.’

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 34:10

Megkaspónhek sa' ekhem tén han axta'a; kapaqnek sa' aqsa chá'a; kataqmopagkohok agko' sa' meyke néxa; méko sa' kaxwók kapéwhok ma'a ekpayhókxa nak.

Isaías 34:3

Kólchexák sa' aqsa m'a apkeletsapma nak, kampak sa' ekpaqneyam ektahapma m'a kélhapák, kasawhekxohok sa' éma m'a néten meteymog élekhahéyak nak.

Isaías 48:22

Méko ektaqmalma apheykha m'a élmasagcha'a nak apkeltémakxa. Wesse' egegkok apxeyenma xa.

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 51:8

hakte elxohok sa' elmassegwók ma'a apáwa nentaxno askok ektól'a, ektémól'a m'a nepkések apwa' askok ektól'a. Megkamassegwomek sa' eyke m'a ekpéwomo nentémakxa sekpekkenma nak ko'o, yókxoho apyeyam sa' chá'a keytek ma'a nélwagkásamáxche teyp ahagkok nak.”

Isaías 65:15

Elmaha sa' kélwesey kéxegke m'a sélyéseykha nak ko'o yaqwayam sa' elyemnaha tén han eltamhok yetsapok ma'a pók, alyaqmagkassesek sa' eyke ko'o mók apkelwesey m'a séláneykha.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Daniel 12:2

Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.

Zacarías 14:12

Ellegássesagkohok sa' eyke ekyentaxno agko' Wesse' egegkok ma'a pók aptémakxa énxet'ák ektáha axta chá'a apkelnápomap ma'a Jerusalén: kaltepelchexchek sa' aphápetek meletsapakxoho m'a énxet'ák apagkok nak tén han ma'a kañe' apaqta'ák nak ekweykekxoho m'a apaxkok nak.