Isaías 66:19 - Biblia Enxet

¹⁹ Agkések sa' ko'o xama aqsok magkenatchesso. Wohok sa' elxeganmok nápakha keñe sa' aláphaksek ma'a apheykegkaxa nak chá'a pók aptémakxa énxet'ák: cham'a Tarsis, Libia tén han ma'a Lidia, apkelókxa, apmopwancha'a nak elmaha m'a yágke, tén han ma'a Tubal, Grecia tén han ma'a apkelókxa makhawók agko' nak, neyáwa nak ma'a wátsam ekwányam, cham'a, mellegaya nak ko'o makham axénaxche', melweteya nak makham ma'a seyeymáxkoho; Sa' ellegaksek nepyeseksa pók aptémakxa énxet'ák seyeymáxkoho m'a.

Isaías 66:19 ပူးပေါင်းရင်းမြစ်များ

Génesis 10:13

Misraim axta apkeleñamak apkelánteyapma m'a ludeos, anameos, lehabitas, naftuhítas,

Génesis 10:2

Keso Jafet axta apketchek se'e: Gómer, Magor, Madai, Javán, Tubal, Mésec, tén han Tirás.

Génesis 10:22

Keso Sem apketchek axta s'e: Elam, Asur, Arfaxad, Lud, tén han Aram.

Génesis 10:4

Keso Javán axta apketchek se'e: Elisá, Tarsis, Quitim, tén han Rodanim.

Génesis 9:27

Dios sa' egkések Jafet apketchek apmopwána esawhekxohok yókxexma, exek sa' han ma'a apxagkok nak Sem, apchásenneykha naqsa sa' etnehek ma'a Canaán.”

1 Crónicas 1:11

Misraim axta apkeleñamak apkelánteyapma m'a ludeos, anameos, lehabitas, naftuhítas,

1 Crónicas 1:7

Javán apketchek: Elisá, Tarsis, Quitim tén han Rodanim.

1 Crónicas 16:24

Kólxén ektémakxa apcheymákpoho tén han ektémakxa aqsok sempelakkasso agwetak apkelane nápaqta'awók ma'a apyókxoho énxet'ák, tén han ekyókxoho yókxexma,

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Isaías 11:12

Ekxenchesek sa' néten aqsok magkenatchesso yaqwayam sa' elwetak ma'a pók aptémakxa nak chá'a énxet'ák, yánchásekxak sa' makham ma'a israelitas kélnaqleykekxa axta megkatnahakxa apkelókxa; yánchásekxak sa' makham ma'a apkelmahéyak axta ekyókxoho yókxexma cham'a énxet'ák Judá apkexpánma axta.

Isaías 18:3

Kólwetak sa' kéxegke kélyókxoho kélheykha nak keso nélwanmeygkaxa, kélchexna sa' néten meteymog ekwenaqte étseksek ma'a aqsok magkenatchesso, kóllegak sa' nahan ma'a ekpáwà enxoho kélaqkahasso.

Isaías 18:7

Cháxa ekhem nak, kólsantagkasek sa' aqsok kélmésso naqsa m'a Wesse' ekha nak apyennaqte, apagkok ma'a énxet'ák apkelwenaqte nak, éláxñeyo nak apyempe'ék, énxet'ák apkeleymáp nak chá'a ekyókxoho yókxexma, énxet'ák apkelyennaqte nak tén han apkeleymákpoho, apheykha nak ma'a xapop ekyetnamakxa nak wátsam yegmen. Kólsantagkasek sa' ma'a egkexe Sión, kélwóneykegkaxa nak chá'a apwesey m'a Wesse' ekha nak apyennaqte.

Isaías 2:16

tén han apyókxoho m'a apkene nak exnawok ma'a yántakpayhe élyawe éleñama nak Tarsis essenhan ma'a yántakpayhe éltaqmalma nak.

Isaías 29:24

Kaltámeyagkok sa' aptamhéyak ekha apkelmopwancha'a m'a énxet'ák melya'áseyak nak aptamhágkaxa, emok sa' nahan takha' kélxekmósso m'a énxet'ák apkelpaqméteykha nak chá'a ekmaso exének pók.”

Isaías 42:12

Kóltemésses apcheymákpoho m'a Wesse' egegkok, kóllegés kélmeneykmasso m'a apkelókxa ekhéyak nak neyáwa wátsam ekwányam.

Isaías 42:4

Mellókasek sa' apyampé, meyelqakpek sa' nahan, ekwokmoho aptaqmelchessásekxo apheykha énxet'ák keso náxop. Eleyxmakha sa' chá'a nélxekmowásamáxche' apagkok ma'a énxet'ák apheykha nak neyáwa wátsam ekwányam.”

Isaías 43:6

Sa' atnehek wának nexcheyha s'e: ‘Hélmeyásekxa’ sa', keñe sa' nepyeyam atnehek wának se'e: ‘Ná elmeyow aqsa. Kólnaqlanta sa' étchek apkelennay'a tén han kelwán'ák apheykha nak ma'a makhawo', néxa xapop nak keso nélwanmeygkaxa,

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 49:12

¡Kólenmexho! Makhawók apkeleñamak ma'a: nápakha apkeleñamak ma'a nexcheyha, keñe nahan nápakha m'a taxnegwánxa ekhem nak, keñe nahan nápakha m'a yókxexma Asuán.

Isaías 49:22

Aptáhak Wesse' egegkok se'e: “Ay'ássesek sa' ko'o néten émek ma'a pók aptémakxa nak chá'a énxet'ák; apekkenchessek sa' xama aqsok magkenatchesso yaqwayam sa' elqeynenták enaqlantagkasek ma'a étchek apkelennay'a nak, tén han ma'a kelwán'ák nak.

Isaías 51:5

Chágketwa'ak kaxwók ma'a ekpéwomo nentémakxa ahagkok, ketók kaxwók ekweykxa m'a nélwagkásamáxche teyp ahagkok; yetlo sekmowána sa' ko'o atnehek alanha m'a énxet'ák. Héleyxek sa' ko'o m'a énxet'ák apheykha nak apkelókxa neyáwa wátsam ekwányam, yásenneykxak sa' ma'a ektémakxa nak ko'o sekmowána.

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 52:15

sa' katnehek nahan kalpelakkasek elwetak ma'a apyókxoho pók aptémakxa nak chá'a énxet'ák; apkelwet'ak sa' agkok ma'a kelwesse'e apkelwányam nak, elwanmeyagkok sa' aqsa, hakte elwetak sa' ma'a aqsok megkóltennassama axta, elyekpelkohok sa' ma'a mellegaya axta kaxénaxche'.

Isaías 55:5

Elwónmakha sa' xép ma'a énxet'ák melya'ásegko nak; enaqtémegmak sa' elya'áwak xép ma'a énxet'ák melweteya nak, hakte ekteméssessegkek ko'o exchep ekha kéláyo ko'o sektáha nak Wesse' apagkok, Dios Aptaqmalma nak ma'a Israel.

Isaías 60:9

Yántakpayhe xa élmeyókmo nak kélhágkaxa, Tarsis yántakpayhe élyawe m'a élámha amonye'e nak élxegayam, makhawók apkelenyekták eknaqlántegkesa m'a énxet'ák kélagkok, yetlo m'a sawo ekyátekto élmomnáwa apagkok tén han ma'a sawo ekmope élmomnáwa, eñama m'a Wesse' kélagkok, Dios Aptaqmalma nak ma'a Israel, apteméssessama nak kéleymáxkoho.

Isaías 62:10

Kólántép yókxexma, kólántép teyp nak atña'ák, kóllanés ámay ma'a énxet'ák ahagkok. Kóltaqmelchesho sa' kéllane ámay, kólyetnakhés sa' ma'a meteymog; kólchenegkes sa' aqsok magkenatchesso yaqwayam sa' melchenatchesek elwetak ma'a pók aptémakxa nak chá'a énxet'ák.

Isaías 65:1

Aptáhak Wesse' egegkok se'e: “Ey'aweykteyk ko'o m'a énxet'ák mehelmaxneyeykencha'a axta chá'a aqsok; éteyákxeyk ko'o m'a énxet'ák mehétamsama axta chá'a. Axta ektáhak ko'o séláneya énxet'ák mehewóneykencha'a axta chá'a s'e: ‘Keso sekha s'e.’

Jeremías 46:9

“¡Kólxeg kélchánte nak yátnáxeg! ¡Kólxeg kélchánte nak yátnáxeg apkelyenyawasso! ¡Kólxeg kempakhakma yapmeyk: sẽlpextétamo nak Etiopía, tén han Libia, kólmekxa kéláhakkásamáxche'; tén han sẽlpextétamo nak Lidia, apmopwancha'a nak elmaha yágke!

Ezequiel 27:10

Kempakhakma yapmeyk axta nahan aptemessáseykegkok xép ma'a énxet'ák apkeleñama nak Persia, Lidia tén han ma'a Libia; apwakhassegkek axta apyempehek ma'a apkeláhakkásamap nak tén han ma'a apkelatchesso apqatkok nak, tén axta ektaxnéssamo.

Ezequiel 27:13

Axta nahan apkelyánmagkásamákpok chá'a exchep ma'a énxet'ák apkeleñama nak Grecia, Tubal tén han ma'a Mésec, eltennaksek axta chá'a eyánmagkasek ma'a énxet'ák kélásenneykha naqsa nak chá'a, tén han ma'a aqsok étkók éltaqmalma élmomnáwa sawo ekyexwase.

Ezequiel 30:5

Etekyók sa' nahan kempakhakma m'a sẽlpextétamo apkeleñama nak Etiopía, Libia, tén han ma'a Lidia, tén han ma'a ekyókxoho nak Arabia, Cub tén han ma'a pók énxet'ák nak, tén han ma'a mók nekha apkelókxa ektáha nak chá'a appasmeykekxa.

Ezequiel 32:26

“Cháxa Mésec apyetna nahan xa tén han Tubal, apyókxoho m'a sẽlpextétamo apagkok, apwakhayak ma'a takhaxpop apagkok nak, cham'a apyókxoho énxet'ák melya'áseyak nak Dios, apkeletsapma axta neyseksa kempakhakma, apkelyegwakkáseykencha'a axta chá'a m'a énxet'ák meletsapma nak.

Ezequiel 39:1

“Xép akke énxet, eltennés sa' yaqwánxa ko'o atnéssesek ma'a Gog. Etne sa' yának se'e: ‘Keso aptáhakxa exchek appeywa Wesse' egegkok se'e: Gog, apkemha apmonye' ekyawe kéláyo nak ma'a yókxexma Mésec tén han Tubal, ekxénchek ko'o exchep aptáha sénmexma.

Ezequiel 39:6

Wáphaksek sa' ko'o táxa m'a kañe Magog tén han nepyeseksa m'a énxet'ák ektaqmalma nak apheykha m'a apkelókxa, ekhéyak nak neyáwa wátsam ekwányam. Keñe sa' elya'ásegwók ko'o sektáha Wesse'.

Daniel 11:18

Keñe sa' ektamagkok han ma'a tegma apkelyawe aphéyak nak neyáwa wátsam ekwányam, elmok sa' han apxámokma m'a; xama sẽlpextétamo wesse' sa' eyke emasséssók xa ektémakxa nak megkannawagko, emegqaksek sa' ma'a wesse' apwányam apha nak nexcheyha.

Sofonías 2:11

Asagkók agko' sa' katnehek apteméssesakxa Wesse' egegkok ma'a énxet'ák nak. Emasséssók sa' ekyókxoho aqsok kéláyókxa nak chá'a m'a apchókxa, sa' aqsa wánxa kólpeykeshok chá'a ekyókxoho apheykegkaxa m'a, kawakxohok sa' ma'a énxet'ák apheykha nak neyáwa wátsam ekwányam.

Sofonías 3:10

Elmaxneyeynták sa' elchexyók énxet'ák ahagkok apkexpánma axta hélsantagkasek aqsok sélmésso naqsa, cham'a apheykha nak neyp wátsam Etiopía.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.