Isaías 66:16 - Biblia Enxet

¹⁶ Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Isaías 66:16 ပူးပေါင်းရင်းမြစ်များ

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 27:1

Elyetxák sa' sókwenaqte apagkok Wesse' egegkok yéwa ekwányam ekwesey nak Leviatán xa ekhem nak, cham'a sókwenaqte apagkok ekmahamta nak, tén han ekyawe, ekha nak ekyennaqte, yéwa ekwányam élyaqseykekxohol'a, yéwa ekwányam ekpexyaweykegkohol'a náxop kaxog, yaqhek sa' nahan ma'a yegmen askok ekyawe ekyetnama nak ma'a wátsam ekwányam.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Isaías 30:30

Eltamhok sa' kañexchek appeywa eyeymáxkoho nak ma'a Wesse' egegkok, exekmósek sa' nahan apmopwána, cham'a peya nak elának yetlo aplómo apagko', yetlo m'a táxa eyáléwe élwatnamo nak aqsok, tén han takha' aplo yetlo ekmámeye tén han yegmen élyennaqte.

Isaías 31:8

kalnápok sa' sókwenaqte m'a énxet'ák apheykha nak Asiria, háwe sa' eyke énxet yaqwayam elnápok. Kamenxenek sa' kempakhakma m'a énxet'ák apagkok, keñe sa' ma'a wokma'ák kempakhakma yapmeyk nak katnéssesek kélásenneykha naqsa;

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Isaías 65:12

ekmaso ektáhakxa kelhaxnak kéxegke: sókwenaqte sa' wának kalnápok. Hakte élwóneyha axta ko'o kéxegke keñe mehélátegmowágko; élpaqhetchessek axta eykhe', keñe mehélhaxnawo; kélláneykegkek aqsa m'a mamámenyého nak ko'o, kélyéseykha m'a aqsok megkaleklamakxa nak ko'o ewáxok.”

Jeremías 25:31

Wokmók éxtegyawà m'a néxa nak xapop, hakte peyk elyekpelchásseshok pók aptémakxa énxet'ák ma'a Wesse' egegkok, elwónmakha sa' yaqwayam elyekpelkohok ma'a apyókxoho énxet'ák apkeletsapmo nak, yaqwayam yának kólnápekxak ma'a élmasagcha'a nak apkeltémakxa. Wesse' egegkok apxeyenma xa.’”

Jeremías 25:33

Kaxnagkok sa' aphopák ekyókxoho yókxexma nak keso náxop apkelnapma nak Wesse' egegkok xa ekhem nak. Méko sa' kalekxagwaha kalano', méko sa' nahan kalmekxak aphopák yaqwayam kalátawañek; exnagkokxak sa' aqsa náxop ektémól'a aqsok ekteyásekha.

Jeremías 45:5

¿Apmenyéya exchep hélmaxnak yaqwayam megkaxók ektáhakxa apha m'a pók énxet'ák nak? Ná hélmaxna aqsa, hakte wáphaksek sa' ko'o aqsok ekmaso nepyeseksa apyókxoho énxet'ák. Wának sa' eyke ko'o exchep megyetsepe', cham'a apmahágkaxa enxoho chá'a. Ko'o sekxeyenma xa, sektáha nak Wesse'.’”

Jeremías 46:15

¿Yaqsa ektáha ekxeganakmo nak Apis, weyke kennawók kéláyókxa nak? ¿Yaqsa ektáha megkayagqa aqsa? Ko'o ekyaqnegkásak, sektáha nak Wesse'.

Ezequiel 28:18

Xámok agko' axta apkelane mey'assáxma, aptawásamákpók apagko' axta eñama m'a aqsok apkexeykekxa, weykmók axta apnaqtawáseykha m'a tegma appagkanamap apagkok. Tén axta ko'o séltamho katyapok táxa nepyeseksa exchep yaqwayam enxoho kawatnek. Apyókxoho énxet kaxwók apwanchek xép elwetak aptamheykekxa táhap ma'a néten xapop.

Ezequiel 38:17

“Ektáhak ko'o sekpeywa s'e, sektáha nak Wesse': Xép axta sekxeyenma axta chá'a m'a nanók axta, sekxeyenma axta eñama m'a séláneykha apkellegasso nak sekpeywa m'a Israel; apkelxeyenmeyk axta chá'a sekxeyenma ko'o wának exegmak xép se'e ekhem nak, yaqwayam ektámegmak ma'a Israel.”

Ezequiel 5:15

Élanak sa' agkok ko'o yetlo seklómo ahagko' ma'a sekxénakxa axta atnéssesek xeye', tén han seklegassásegkoho sa' ekyawe agko', apyókxoho énxet sa' ewanyaha, etaqnawak sa' nahan, ekpexchesso apyempe'ék ekyawe agko' sa' katnéssesek ma'a énxet'ák apwakhaya nak neyáwa'. Ko'o sekxeyenma xa, sektáha nak Wesse'.

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Amós 7:4

Keso sexekmósa axta ko'o Wesse' egegkok se'e: ekwet'ak axta apcháphasa táxa ekmexanma agko' yaqwayam hẽllegássesagkoho', yamássek axta ekyókxoho m'a wátsam ekwányam ekmattawóneg nak, kelwatneyk axta han ekyókxoho aqsok ma'a yókxexma.

Nahúm 3:15

Sa' kalwatnek kéxegke táxa m'a, tén han kalnápok kempakhakma, máxa sawa' aptól'a aqsok, sa' kóltéhek kólmasséssók kélyókxoho. ¡Kólxámasaxche sa' aptémól'a sawa'! ¡Kólxámasaxche sa' ektémól'a séta'!

Nahúm 3:3

¡Apkelchánteyk yátnáxeg peya ektámegma'! ¡Kelyenmeyk sókwenaqte, kelyenmáha sawhéwa! ¡Apxámok apagko' apkelyense, apxámok apagko' han apkeletsapma! ¡Meyke néxa kélhapák! ¡Kelpelápagkassek chá'a kélhapák ma'a énxet'ák!

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.