Isaías 65:8 - Biblia Enxet

⁸ Aptáhak Wesse' egegkok se'e: “Awanhek agkok égmenek ma'a anmen yámet ekyexna, metwasha énxet, hakte awanhek katnehek apkelane m'a vino. Sa' atnehek ko'o xa ektáha nak eñama sélásekhayo m'a séláneykha, mamasséssemek sa' apyókxoho énxet'ák.

Isaías 65:8 ပူးပေါင်းရင်းမြစ်များ

Génesis 18:26

Keñe axta Wesse' egegkok aptáha apchátegmowágko s'e: —Ekwet'ak sa' agkok ko'o cincuenta énxet meyke apkeltémakxa m'a tegma apwányam nak Sodoma, alásekhekxohok sa' ko'o apyókxoho apheykha m'a, eñama xa.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 10:21

Etnekxak sa' makham melya'ásseyam Dios ekha nak apmopwána apkeleymomap nak apqántawók ma'a Jacob énxet'ák apagkok.

Isaías 10:22

Apxámok sa' eykhe etnehek xép, énxet'ák apagkok, Israel, ektémól'a m'a wátsam xóp ekxámokmal'a, apqántawók sa' eyke elwata'. Xénáxcheyk kólmasséssók, kólteméssesek sa' ma'a ekpayhawo nak kólteméssesek.

Isaías 48:9

“Axta eyke apekhésamaxchek alwok eñama seyásekhayo sekwesey, seyeymáxkoho axta keñamak sekmágweykekxo yaqweykenxa atnehek, tén axta mamassésseykmo.

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Jeremías 30:11

Ekxénchek ko'o, sektáha sélxegexma'a kéxegke yaqwayam alwagkasek teyp, ko'o sektáha nak Wesse'. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Joel 2:14

Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.