Isaías 65:7 - Biblia Enxet

⁷ ekhawo nak chá'a apkeláneyak aqsok ekmaso agko' ma'a ekweykekxoho m'a apyapmeyk nak. Apkelwatneykegkek chá'a néten meteymog élekhahéyak ma'a aqsok ekmátsa nak ekpaqneyam éten agkok, elókáseykegkek chá'a m'a néten egkexe nak. Alyetsetchásekxak sa' sekxók apkeltémakxa ekmaso, keñe sa' atnéssesek ma'a ekpayhawo nak atnéssesek.” Wesse' egegkok apxeyenma xa.

Isaías 65:7 ပူးပေါင်းရင်းမြစ်များ

1 Reyes 22:43

Péwók axta ekyókxoho aqsok apkelane m'a Josafat, aptéma axta m'a Asá, apyáp axta. Tásek axta aqsok apkelane nápaqtók Wesse' egegkok. Axta eyke kóltegkessók ma'a apkelpeykessamókxa axta chá'a aqsok apkeláyókxa m'a énxet'ák melya'áseyak nak Dios, apkelnapmakxa axta chá'a aqsok apnaqtósso m'a énxet'ák, tén han apwatnéssamakxa axta chá'a aqsok ekmátsa nak ekpaqneyam éten agkok ma'a aqsok kéleykmássesso.

1 Reyes 22:44

Aphéssamók axta han mók apkelpaqhetchásamap Josafat ma'a wesse' apwányam nak Israel yaqwayam melnapakpehek chá'a.

2 Reyes 12:3

Axta eyke kólmassésseykmok ma'a kélpeykessamókxa axta chá'a aqsok kéleykmássesso, apkelméssamakxa axta makham aqsok apkelnapma m'a énxet'ák, tén han apkelwatnamakxa axta chá'a m'a aqsok ekmátsa nak ekpaqneyam éten agkok.

2 Reyes 14:4

axta kólmassésseykmok ma'a kélpeykessamókxa axta chá'a aqsok kéleykmássesso, cham'a apkelméssamakxa nak makham aqsok apkelnapma m'a énxet'ák, tén han apkelwatnamakxa nak makham aqsok ekmátsa nak ekpaqneyam éten agkok.

2 Reyes 15:35

hakte apkeláneyak axta m'a átog ekyetno nak néten Wesse' egegkok tegma appagkanamap apagkok. Axta eyke kólmassésseykmok ma'a kélpeykessamókxa axta chá'a aqsok kéleykmássesso, apkelméssamakxa nak makham aqsok apkelnapma m'a énxet'ák, tén han apkelwatnamakxa nak makham aqsok ekmátsa nak ekpaqneyam éten agkok.

2 Reyes 16:4

Apkelnapmeyk axta han chá'a aqsok kélnaqtósso, apkelwatnegkek axta han chá'a aqsok ekmátsa nak ekpaqneyam éten agkok ma'a néten kélpeykessamókxa nak chá'a kéleykmássesso, cham'a néten egkexe nak, keñe han kóneg ekyókxoho yenta'a élyentaxno nak pessesse agkok.

2 Crónicas 21:11

Apkelánegkek axta han kélpeykessamókxa chá'a aqsok kéleykmássesso m'a egkexe nak Judá, axta keñamak han apkelwátessáseyak apkelyetleykha Wesse' egegkok ma'a énxet'ák apheykha nak Jerusalén, tén han apkelyetnakhásseyam ma'a énxet'ák nak Judá.

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 22:14

Tén axta sexekmowásekpoho ko'o m'a Wesse' ekha nak apyennaqte. Aptáhak axta seyáneya s'e: “Malásekhekxók sa' ko'o xa megkólya'assáxma nak; kóletsapok sa' kéxegke eñama xa kéltémakxa nak.” Wesse' egegkok ekha nak apyennaqte appeywa xa.

Isaías 26:21

Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Isaías 28:21

Sa' etnehek elának aqsok Wesse' egegkok ma'a aptémakxa axta egkexe Perasim, sa' etnehek elwok ma'a aptémakxa axta aplama m'a ekyapwátegweykenxa nak xóp Gabaón, yaqwayam sa' elának ma'a aqsok apmáheyo nak elána', magweteya nak, yaqwayam sa' epenaksek ma'a aqsok apkelane, aqsok apkelane magya'áseyak nak.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Isaías 30:13

cháxa keñamak kéltáha nak kélsexnánémaxche kélagko' kéxegke. Kélhawók ma'a meteymog kélhaxtal'a nepyáwa tegma netna'awo élmayhel'a, ekpelakkassól'a aqsa kayaqnenek neyseksa megkaxeyenma kélwáxok katnehek;

Isaías 30:14

máxa sa' kóltéhek kólmasséssók ma'a ektémól'a yátegwáxwa apkelánamap la'a yelpa', appaqxamól'a apyókxoho, megyeymomap la'a xama nápakha'a apketkok appaqxo negmowána enxoho agmaha antahanchesek átex ólmok ma'a neyseksa táxa nak, essenhan yaqwayam enxoho agyáwak yegmen ma'a yámelchet.”

Isaías 57:12

Axének sa' eyke ko'o kaxwók kéltémakxa kéxegke, kélanagkamchek chá'a kéxegke kataqmalmak kéltémakxa.

Isaías 57:7

Kélnegkeneykegkek néten egkexe netnók ma'a kélyetnamakxa néten nak, cha'a kélmeyeykekxexa nahan chá'a kóllánegwakxak aqsok ektekyawa kélmésso m'a.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 65:6

Táxésamaxcheyk eyke sekhakxa ko'o ekyókxoho xa, mawanmeyha sa' aqsa nahan ko'o; atnéssesek sa' ekpayhawo nak atnéssesek;

Isaías 66:4

Alyéssesha sa' eyke ko'o xa apkellegeykegkoho yaqwayam almések ma'a, wáphássesek sa' ma'a aqsok apkeláyo apagko' nak chá'a. Hakte élwóneykha axta eykhe, keñe méko seyátegmoweykegko, élpaqhetchessegkek axta eykhe keñe méko xama seháxenmo; apkeláneykegkek axta aqsa m'a aqsok mamámenyého nak ko'o, apkelyéseykha axta m'a megkaleklamakxa nak ko'o ewáxok.”

Jeremías 13:25

Cháxa yaqwánxa katnehek kéxegke xa, Israel, cháxa ekpayhawo nak ko'o atnéssesek kéxegke xa. Ko'o sekxeyenma xa, sektáha nak Wesse'. Hakte megkaxénweykmok kélwáxok ko'o, kélásenneykekxeyk aqsa m'a aqsok kéleykmássesso élmowancha'a amya'a nak.

Jeremías 13:27

Ekweteyak ko'o m'a aqsok kélyespagko nak, kélnaqtawáseykegkoho kélnaqteyegka'a kéllane chá'a mók, tén han kéltémakxa segmegqassamo kélhémo m'a kelán'a ekyaqmagkáséyak pók énxet ekpathetéyak ekma chá'a ekyánmaga; tén han kéltémakxa ekmaso agko' ma'a néten egkexe nak tén han ma'a yókxexma nak. ¡Xél'aye Jerusalén! ¿Háxko sa' ekwánxa katnégwók néxa ekteme ekmanyása émpehek?”

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Jeremías 5:29

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 5:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?

Ezequiel 18:6

mepásegwayam nak kalanaxchek ektámaxche ekyawe m'a egkexe netno nak yaqwayam kólpeykeshok ma'a aqsok kéleykmássesso, tén han megyáyo nak ma'a aqsok kéláyókxa élmowancha'a amya'a nak ma'a Israel; mémenta nak ma'a pók aptáwa', tén han mepaknegweykmoho nak aptáwa' ekwákxo enxoho ekhem ekyenyaweykekxexa ekto;

Daniel 9:8

Wesse' egegkok, nélmegqaktegkek negko'o, ekhawo nak ma'a apkelwesse'e apkelwányam egagkok, apkelámha apmonye'e, tén han ma'a ẽlyapmeyk nano' axta, hakte nenlánegkek negko'o mólya'assáxma nénmexeykekxo exchep.

Oseas 11:2

Yágweykmók axta aqsa seyamasma sekwóneykencha'a, elmések axta chá'a aqsok ektekyawa aqsok kéláyókxa élmowancha'a amya'a énxet'ák ahagkok, elwatnések axta han chá'a aqsok ekmátsa nak ekpaqneyam éten agkok ma'a kéleykmássesso.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Levítico 26:39

Keñe sa' ma'a kéleymomáxche nak megkóletsapma m'a xapop apagkok nak kélenmexma, kóletsapok sa' eñama kéltémakxa ekmaso; ¡kóletsapok sa', kólhágwakxohok sa' ma'a kélyapmeyk nano', eñama apkeltémakxa ekmaso m'a!

Números 32:14

Keñe kaxwók kéxegke, apketchek nak ma'a kélyapmeyk nanók melya'assáxma, kélmakók kólyetlakxak ma'a apkeltémakxa axta kélyapmeyk nano', yaqwayam enxoho kóllókasek makham Wesse' egegkok eltaqnaweygkok ma'a énxet'ák Israel.