Isaías 65:6 - Biblia Enxet

⁶ Táxésamaxcheyk eyke sekhakxa ko'o ekyókxoho xa, mawanmeyha sa' aqsa nahan ko'o; atnéssesek sa' ekpayhawo nak atnéssesek;

Isaías 65:6 ပူးပေါင်းရင်းမြစ်များ

Salmos 107:17

Apkelháxamákpek axta eñama apkeltémakxa ekmaso, kellegeykegkok axta apkelwáxok eñama apkeltémakxa melya'assáxma,

Salmos 109:14

Kaxénwakxohok sa' apwáxok Wesse' egegkok aptémakxa ekmaso axta apyáp, memasséssesek sa' aqsa han chá'a megkay'assáxma m'a egken;

Salmos 50:21

Cháxa kéltémakxa kéxegke xa ektáha nak, ekwanmagkamchek eyke aqsa ko'o; ¡kélanagkamchek axnémók ko'o kéxegke! Kélnápaqta'awók sa' ko'o alxénchásekxohok kéltémakxa, ¡ayaqmagkásekxak sa' mók kéltémakxa!

Salmos 50:3

Apxegakmek Dios egagkok, makke ewanmeyakmok, xegakmek apmonye' m'a táxa ekmassésseykmoho nak ekyókxoho aqsok, wakha'ak éxchahayam ekyennaqte agko' ma'a nepyáwa'.

Salmos 56:8

Apya'ásegkok xép sélyexanmeykencha'a; apkelyetsáteykegkek xép ekwánxa ahaqta'ák égmen'ák. ¿Ya etáxéssók xép weykcha'áhak apagkok xa?

Salmos 79:12

Oh Wesse', eyaqmagkásekxa sa' senteméssessamakxa negko'o m'a apheykha nak negyáwa', ekweykmoho siete, eñama aptaqnaweykha chá'a exchep;

Éxodo 17:14

Tén axta Wesse' egegkok aptáha apcháneya Moisés se'e: —Etaxés sa' xép xama weykcha'áhak se'e, yaqwayam enxoho kaxénwakxohok chá'a kélwáxok. Eltennés sa' nahan Josué sekmako ko'o amasseksek apyókxoho m'a amalecitas.

Isaías 26:21

Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Isaías 42:14

Aptáhak Wesse' egegkok se'e: “Ahóxek agko' sekwanmeyeykha aqsa, ekwanmagkamchek aqsa, mapaqméteykha xama enxoho; awhesha sa' kaxwo', máxa sa' atnehek ma'a ektémól'a kelán'a káskok awáxok kamáwhok katnehek naqláwa, wápentegmakha sa', atekkesha sa' nahan sénnama.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 64:12

Wesse', ¿Melañeya sa' aqsok xép apwet'a enxoho ektáha xa ektáha nak? ¿Ewanmaya sa' aqsa? ¿Eyánchessamhoya sa' aqsa sẽllegassáseykegkoho?

Isaías 66:6

Wesse' egegkok apkextegyawasso xa ektepa nak éxtegyawà m'a tegma apwányam tén han ekyennamáxma ektepa nak ma'a tegma appagkanamap, yaqwayam eyaqmagkásekxak apkeltémakxa m'a apkelenmexma nak.

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Ezequiel 11:21

Keñe sa' meyenyeykekxa nak apkelane xa ektéma nak aqsok ekmaso élánamáxche tén han ma'a aqsok ekmanyása nak, alyetsetchásekxak sa' ko'o m'a aptémakxa ekmaso. Ekméssek ko'o sekpeywa, sektáha nak Wesse'.’”

Ezequiel 22:31

Cháxa keñamak sekyenyénto nak ko'o séllegassáseykegkoho nepyeseksa xa énxet'ák nak tén han sekmasséssekmo yetlo seklómo ahagko', yaqwayam enxoho ayaqmagkásekxak ma'a apkeltémakxa. Ko'o sekxeyenma xa, sektáha nak Wesse'.’”

Ezequiel 9:10

Megkalepyósek sa' ko'o alanok xama enxoho m'a, ayaqmagkásekxak sa' ko'o mók ma'a apkeltémakxa nak.”

Joel 3:4

“¿Yaqsa kélmako hélteméssesek ko'o, Tiro, Sidón, tén han Filistea? ¿Kélmakóya kólyaqmagkásekxak sekteméssesakxa'? ¿Kélmakóya kólmok ekyánmaga sekteméssesakxa'? ¡Kaxwók sa' ayaqmagkásekxak ko'óxa kéltémakxa!

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)

Deuteronomio 32:34

“Ektaqmelchessegkek ko'o ekyókxoho xa aqsok nak; máxa xama aqsok ekmomnáwa ekteméssessók sektaqmelchessama,