Isaías 64:9 - Biblia Enxet

⁹ Wesse', ná elwoho apagko' aqsa, nágkaxénwakxoho chá'a apwáxok ma'a nentémakxa élmasagcha'a nak. ¡Negko'o nenteme énxet'ák apagkok!

Isaías 64:9 ပူးပေါင်းရင်းမြစ်များ

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Salmos 119:94

¡Hewagkas teyp, hakte ko'o sekteme exchep apagkok, ekyetlamchek ma'a apchánamakxa nak antéhek!

Salmos 38:1

Wesse', ná hepaqhetches aqsa ko'o ekyennaqte eñama setaqnagko, ná heñássesagkoho aqsa ko'o aplawa enxoho.

Salmos 6:1

Wesse', náhetaqnow aqsa ko'o aplawa enxoho, ná heñássesagkoho aqsa ko'o setaqnawaya enxoho.

Salmos 79:13

keñe sa' negko'o nenteme nak énxet'ák apagkok, nenteme nak nepkések apkelleykha yókxexma apagkok, agmések sa' chá'a ekxeyenma egwáxok xép, ¡agmeneykmássesek sa' chá'a negko'o negmeneykmasso, keso kaxwo' nak tén han megkatnégwayam néxa!

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Isaías 60:10

Énxet'ák mók nekha apkeleñama sa' elánekxak ma'a meteymog kélhaxta nak nepyáwa Jerusalén, keñe sa' ma'a kelwesse'e apkelwányam kélagkok nak kóltéhek kélásenneykha; aplo axta eyke keñamak apkellegassáseykegkoho m'a Wesse' egegkok, apkelásekhayo eyke keñamak kaxwók kéleyósegwokmo apkelano.

Isaías 63:18

¡Yaqwatakxoho agko' aptemék apagkok apchókxa m'a énxet'ák apagkok apkelpagkanamap nak! Apkelteyammeykha tegma appagkanamap apagkok ma'a sẽlenmexma nak negko'o.

Isaías 63:19

Máxa entemék metnama enxoho exchep Wesse' egegkok, máxa entemék mantéma enxoho énxet'ák apagkok.

Isaías 63:8

Aptáhak axta s'e: “Ko'o énxet'ák ahagkok xa, étchek yaqwayam sa' mehelyexanchesha chá'a.” Axta nahan apkelwagkasso teyp

Jeremías 10:24

Hẽllegássesagkoho sa' negko'o, yetlo ekpéwomo senteméssesakxa, háwe sa' yetlo aplo, hakte hegmasséssók katnehek.

Jeremías 3:12

Exeg sa', emhók sa' ma'a ekpayho nak nexcheyha, eñes sa' se'e amya'a nak: “Aptáhak Wesse' egegkok se'e: ¡Hey'óta' ko'o, Israel sénmexeykekxo nak! Ataqmelcheshok sa' ko'o amok takha exche', mawenaqtésók sa' nahan seklo, hakte ko'o sekteme ektaqmeleykha ewáxok. Ekméssek ko'o sekpeywa, sektáha nak Wesse' kélagkok.

Jeremías 44:21

—¿Kélanagkamcheya kéxegke mey'ásegkok Wesse' egegkok tén han kalwagqeykmok kélméssama axta chá'a kéxegke aqsok ánek ekmátsa nak ekpaqneyam éten agkok mók aqsok kéláyókxa m'a tegma apkelyawe nak Judá, tén han ma'a ámay nak Jerusalén, tén han ma'a kélyapmeyk nano' axta, yetlo kelwesse'e apkelwányam kélagkok, tén han ma'a apkelámha apmonye'e kélagkok axta, ekweykekxoho m'a apyókxoho énxet'ák nak?

Lamentaciones 2:7

Aptaqnókek Wesse' egegkok ma'a ekwatnamáxchexa nak chá'a aqsok, apyenyókek ma'a tegma appagkanamap apagkok; apméssek yaqwayam elyaqnegkesagkok apkelenmexma m'a kélhaxtegkesso ekmasma nak chá'a tegma apwányam. ¡Legáxcheyk kélwehéseykha m'a Wesse' egegkok nak tegma appagkanamap apagkok, ektémól'a kañexchek kélwehéseykha kélessawássessamo!

Lamentaciones 5:18

Meteymog ektaháneykekxa mók tamheykekxak ma'a egkexe Sión; cha'a élweynchámeykegkaxa nak kaxwók yammáleg ma'a.

Lamentaciones 5:20

¿Yaqsa ektéma ekmassegweykmo agko' nak negko'o ekxeyenma apwáxok? ¿Yaqsa ektéma segkexakhama nak ekwenaqte agko'?

Lamentaciones 5:22

Ẽltaqnaweykegkók apagko' eyke exchep; aplómok apagko' xeyep senlányo.

Ezequiel 29:16

metnekxók sa' nahan chá'a kaxwók apcháyo énxet'ák Israel ma'a Egipto, hakte sa' kaxekmósek ekyetna melaqhémo apkelmahágko axta aptegyágko ekpasmo m'a. Keñe sa' elya'ásegwók ko'o sektáha Wesse'.’”

Levítico 26:31

Apmopsagcha'a sa' atnessásekxak tegma apkelyawe kélagkok, amasséssók sa' ma'a kélpeykessamókxa nak aqsok kéláyókxa, kamaskok sa' ekleya ewáxok ekpaqneyam ma'a sokmátsa kélagkok.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Malaquías 1:4

Aptemék sa' agkok énxet'ák apheykha nak Edon se'e, cham'a aptawán'ák neptámen nak Esaú: “Ẽltawassáseykha eykhe negko'o negókxa, anxátekhásekxak sa' eyke makham,” Tén sa' etnehek Wesse' egegkok se'e: “Exátekhásekxak sa' makham apchókxa m'a, atwássesha sa' eyke ko'o makham. Kaltamhaxchek sa' apchókxa ‘Apchókxa Ekmaso Ektémakxa', tén han ‘Énxet'ák Apkeltaqnagko nak Wesse' egegkok meyke néxa.”