Isaías 64:4 - Biblia Enxet

⁴ Axta kañamaxchek xama enxoho amya'a; axta nahan kóteyamaxchek xama enxoho mók aqsok kéláyókxa élane xa ektéma nak aqsok, élánésso m'a ektáha nak chá'a apcháyo.

Isaías 64:4 ပူးပေါင်းရင်းမြစ်များ

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

Esdras 9:7

Nanók negko'o nentémakxa ekmaso agko' mólya'assáxma, ekwokmoho makham se'e kaxwo' nak, élmasagcha'a nentémakxa keñamak negko'o sẽlméssama m'a kelwesse'e mók apkelókxa, negko'o tén han ma'a kelwesse'e apkelwányam egagkok, tén han ma'a apkelmaxnéssesso nak Dios énxet'ák apagkok. Nanók ektémakxa negko'o sẽlyensasso chá'a, sẽlnaqleykekxa megkatnahakxa negókxa, sẽlmenyexchesso aqsok egagkok, tén han sẽlwanyeykha, cháxa sentémakxa nak makham se'e kaxwo' nak.

Salmos 103:18

apkeláneykegkoho nak chá'a m'a ekhémo mók nélpaqhetchásamáxkoho apagkok, meyenseyam nak chá'a apkelyaheykekxoho m'a apkeltémókxa nak etnahagkok.

Salmos 130:5

Élhaxanmeyk ko'o hepasmok Wesse' egegkok ekweykmoho kañók agko' ewáxok, may'ásseykmok han ma'a appeywa.

Salmos 31:19

¡Awanhek xép ektaqmeleykha apwáxok elanok ma'a ektáha nak chá'a apcháyo exchep! Apteméssessama nak máxa aqsok ekmomnáwa aptaqmelchessama apkelmeyáseykegkoho nak chá'a nápaqta'awók énxet'ák ma'a aptáha nak chá'a exchep mey'ásseyam.

Salmos 62:1

Dios apteme wánxa segkésso meyke ektáhakxa sekha; cha'a keñamak sekwayam teyp ma'a.

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 40:31

elxawagkok sa' eyke chá'a axnagkok apkelyennaqte m'a énxet'ák apcháyo nak chá'a Wesse' egegkok, apwanchek sa' elchampa' ektémól'a m'a náta élyawe; apwanchek sa' yenyahagkok chá'a meyke apkelennamágwayam, apwanchek sa' elxog chá'a meyke apkelyampágwayam.

Isaías 59:12

Xámók agko' negko'o nenmexeykha exchep, mólya'assáxma egagkok egagko' nahan ẽlsexnáneyákxa'; yetnegkek negyeseksa m'a aqsok magaqhémo, negya'ásegkók nahan ma'a aqsok ekmaso nenlánéyak.

Isaías 66:8

¿Yaqsa eklegaya kaxének ekhémo xa ektéma nak aqsok? ¿Yaqsa ekweteya ekhawo xa ektéma nak? ¿Katyaphoya chá'a xama ekhem agko' ma'a xama apchókxa? ¿Elántéphoya chá'a énxet ekmanyehe agko'? Xama axta ekmako kañegkohok ekmáske m'a Sión yetlókok axta ekteme naqláwa ekwet'a étchek.

Daniel 9:15

“Wesse' Dios egegkok, apxekmóssek axta exchep ekyawe agko' apmopwána apkelántekkessama énxet'ák apagkok ma'a Egipto, cháxa ekteméssessama axta apxénamap ekyókxoho yókxexma, eyeynókxa axta ekhem nak, ekwokmoho makham se'e negwánxa nak; nenláneykegkek eyke negko'o mólya'assáxma, tén han ma'a aqsok ekmaso.

Daniel 9:5

nenláneykegkek negko'o mólya'assáxma; tén han nentémakxa ekmaso; nenláneykegkek ma'a aqsok ekmaso; manlányók negko'o exchep; negyamasmeyk ma'a apkeltémókxa nak antéhek tén han segánamakxa apagkok.

Daniel 9:8

Wesse' egegkok, nélmegqaktegkek negko'o, ekhawo nak ma'a apkelwesse'e apkelwányam egagkok, apkelámha apmonye'e, tén han ma'a ẽlyapmeyk nano' axta, hakte nenlánegkek negko'o mólya'assáxma nénmexeykekxo exchep.

Oseas 7:7

Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

Zacarías 10:9

Éxpánchessegkek axta ko'o sélya'assama nepyeseksa m'a pók aptémakxa nak énxet'ák, megkeyxek sa' eyke nahan kalxénwók apkelwáxok ko'o, makhawók sa' eykhe katnehek apheykegkaxa, xama ekhem sa' elchexyók yetlo apketchek.