Isaías 64:2 - Biblia Enxet

² katnehek ma'a ektémól'a táxa kalwatnek ma'a yámet aktegák apák enxeykel'a nahan ma'a ektémól'a katnetchásegmak ma'a yegmen. Keñe elya'asagkohok apwesey m'a apkelenmexma nak elpexyennók nahan nápaqtók ma'a pók aptémakxa nak chá'a énxet'ák.

Isaías 64:2 ပူးပေါင်းရင်းမြစ်များ

Salmos 106:8

Apkelwagkassegkek axta eyke teyp ma'a Dios, apxekmóssegkek axta apmopwána eñama apmasma m'a apwesey.

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Salmos 79:10

Nágyoho etnehek apkelpeywa m'a pók énxet'ák nak: “¿Háxko aphakxa Dios apagkok?” ¡Hégho negko'o anlanha aphéssessamo mók apkeletsapma m'a apkeláneykha! ¡Keñe sa' elya'asagkohok han ma'a melpeykessamo nak chá'a exchep!

Salmos 83:13

Dios ahagkok, elyettelegwasák aptémól'a pegke apwa', ektémól'a yámet áwa' élyamaye, élpexyawáseyak la'a éxchahayam;

Salmos 9:20

Wesse', elyegwakkas xép, ¡yána elya'asagkohok aptamhéyak aqsa énxet!

Salmos 99:1

¡Wesse' egegkok apteme Wesse' Apwányam! ¡Yetnegkek aptaháno m'a apyetseksa'ák nak apkeláneykha ekha nak apxempenák! Énxet'ák kólpexyennem, tén han ekyókxoho xapop nak.

Éxodo 14:4

Eynaqtéssesek sa' eyke ko'o apwáxok ma'a faraón, wának sa' nahan emenxenek; tén sa' axekmósek ko'o ekwánxa sekmowána ekweykekxoho m'a apyókxoho sẽlpextétamo apagkok, tén sa' ma'a egipcios elya'ásegwók ko'o sektáha Wesse'.” Aptamhágkek axta nahan israelitas xa ektáha nak.

Isaías 28:21

Sa' etnehek elának aqsok Wesse' egegkok ma'a aptémakxa axta egkexe Perasim, sa' etnehek elwok ma'a aptémakxa axta aplama m'a ekyapwátegweykenxa nak xóp Gabaón, yaqwayam sa' elának ma'a aqsok apmáheyo nak elána', magweteya nak, yaqwayam sa' epenaksek ma'a aqsok apkelane, aqsok apkelane magya'áseyak nak.

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Amós 4:12

“Sa' atnéssesek xépxa xa Israel, ekhawo nak xa; ¡elánekxa sa' aptáhakxa yaqwayam elanyexagkok ma'a Dios apagkok! hakte peyk atnéssesek xép xa ektáha nak.”

Miqueas 1:4

Kalpayhekxak sa' chá'a egkexe apkelteyagwánxa enxoho ektémól'a pápa' kólpekkenek ma'a nátex, kalmayhekxak sa' chá'a neyseksa m'a élyapwátegweykenxa nak xapop, ektémól'a yegmen ényé ekyennaqte élpexyaweykental'a.

Zacarías 14:4

Etnegwaták sa' néten Egkexe Olivos Wesse' egegkok xa ekhem nak, émha nak ekpayhókxa m'a Jerusalén, cham'a ekteyapmakxa ekhem nak. Kamayhekxak sa' neyseksa m'a Egkexe Olivos, ekyapwate ekyawe xapop sa' katnehek ma'a neyseksa eñama m'a ekteyapmakxa ekhem nak ekweykekxoho m'a taxnegwánxa ekhem nak. Kaqxegagkokxak sa' xama nekha egkexe m'a ekpayho nak nexcheyha, keñe sa' xama nekha nahan kaqxegagkokxak ma'a ekpayho nak nepyeyam,

Deuteronomio 2:25

Sakhem sa' ko'o weynhok sekmésso apkelmenaye kélmonye'e kéxegke m'a apyókxoho énxet apheykha nak keso náxop. Apkelleg'ak sa' agkok chá'a kólxénaxchek kéxegke, elpexyennók sa' chá'a apkelaye, kallegagkohok sa' chá'a apkelwáxok.’