Isaías 63:9 - Biblia Enxet

⁹ ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Isaías 63:9 ပူးပေါင်းရင်းမြစ်များ

Génesis 48:16

tén han ma'a Dios apchásenneykha semallahanchessama axta ekyókxoho aqsok ekmaso, sa' elmésagkok aqsok éltaqmela s'e wokma'ák nak. Sa' kañék ekxénweykekxoho chá'a kélwáxok sekwesey, tén han apkelwesey m'a élyapmeyk Abraham tén han Isaac. Exámak sa' apketchek, exámekxohok apagko' sa' ekyókxoho keso nélwanmeygkaxa.”

Job 37:23

Mogwanchek agya'asagkohok ma'a Ekha nak Apyennaqte, apmeyhók apagko' ma'a, appéwomo nahan; péwók nahan aptémakxa, metnéssesek han apyeykhamap pók elanok énxet'ák.

Salmos 25:22

¡Dios ahagkok, elmallahanches énxet'ák Israel ekyókxoho m'a élyentaxnéssessamo nak chá'a apkelwáxok!

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Éxodo 14:19

Ñohok axta nahan ekyaqmagkasa mók élmeykegkaxa m'a Dios apchásenneykha tén han ma'a yaphope émha élxegamo axta chá'a apmonye'e neyseksa apkelxega m'a israelitas, chánweykxeyk axta ma'a neptámen.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Éxodo 19:4

‘Kélweteyak kéxegke sekteméssessamakxa axta ko'o m'a egipcios, tén han ma'a ektémakxa axta seknaqleykento ko'o kéxegke m'a sekhakxa nak, máxa axta kéltemék kélxegeykmo m'a ektémól'a náta ekyawe kaxnésha néten axempenák ma'a étkók.

Éxodo 33:14

—Ko'o ahagko' sa' atnehek sekxegexma exchep tén han allókassesek apyampe —axta aptáhak Wesse' egegkok.

Éxodo 33:15

Aptáhak axta apchátegmowágkokxo Moisés se'e: —Sa' agkok xeyep hẽlyetláwak, nágyána aqsa ólántépok se'e.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 43:4

hakte leklamók axta ewáxok kélmenyeyk axta kóltéhek kéláyo, eyásekhayók axta nahan ko'o exchep. Éxakhamchek axta ko'o énxet'ák sekmáheyo amok xép éxakhamchek axta pók aptémakxa énxet'ák sekmáheyo awagkasek teyp.

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Daniel 6:22

Apcháphássek xeyk apchásenneykha Dios ahagkok, apkeláhakkásegkokxeyk xeyk atña'ák yámakméwa, yaqwayam enxoho mehetnéssessamok exma ekmaso ko'o, hakte apya'ásegkok ko'o Dios sekteme meyke sektémakxa', malaneyk han xama aqsok ekmaso énmexma nak xép wesse'.

Oseas 1:7

Sa' aqsa wásekhekxohok ma'a apchókxa nak Judá: ko'o ahagko' sa' awagkasek teyp, sektáha nak Dios Wesse' apagkok. Háwe sa' eyke kempakhakma yaqwayam alwagkasek teyp, meyke yágke sa' atnehek tén han sókwenaqte, tén han meyke yátnáxeg, tén han ma'a énxet apkelchánte nak yátnáxeg.”

Joel 2:18

Tén axta Wesse' egegkok apchásekhákxoho m'a apchókxa' nak; apyósekak axta apkelano énxet'ák apagkok,

Zacarías 2:8

Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a.

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Deuteronomio 1:31

tén han ma'a yókxexma meykexa nak énxet. Dios Wesse' kélagkok axta chá'a apkelmeykegkok kélmék neyseksa kélxega yókxoho ámay, cham'a kélweynchámeykencha'a axta ekwokmoho kélwa'a s'e yókxexma nak, axta apteméssessók ma'a aptémól'a emha apmek apketche énxet.’

Deuteronomio 4:37

Apkelásekhayók axta kélyapmeyk nano' axta kéxegke m'a, apkelyéseykha axta nahan ma'a aptawán'ák neptámen nak, apkelántekkessegkek axta Egipto eñama ekyawe apmopwána.

Jueces 10:16

Tén axta israelitas apkexeygko m'a aqsok kéláyókxa éleñama nak mók nekha, yaqwayam elpeykeshok makham ma'a Wesse' egegkok. Massék axta ekyenna apwáxok Wesse' egegkok apkelano ektémakxa apkellegeykegkoho chá'a m'a israelitas.