Isaías 62:4 - Biblia Enxet

⁴ Megkóltamhaxcheyk sa' chá'a kaxwók kéxegke “Kéltaqmópéyak”, megkatnehek sa' nahan chá'a kaxwók kaxénaxchek xapop kélagkok “Kéltawáseykha”, Sa' aqsa katnehek kélwesey s'e: “Ko'o sekmámenyého”, keñe sa' ma'a xapop kélagkok nak kaltamhaxchek, “ko'o etáwa'”. Hakte chá'a apmopmenyého m'a Wesse' egegkok, sa' etnehek nahan máxa atáwa' m'a xapop kélagkok nak.

Isaías 62:4 ပူးပေါင်းရင်းမြစ်များ

Salmos 149:4

Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.

Salmos 16:3

Kalyeyha'ak ma'a aqsok kéláyókxa nak apchókxa, etnehek chá'a elxének ma'a ekleklamo nak chá'a apkelwáxok elyetlakxa',

Isaías 49:14

“Keñe m'a Sión ektáha s'e: ‘Eyamasmeyk ko'o m'a Wesse' egegkok, massegkek ko'o ekxeyenma apwáxok ma'a Dios ahagkok.’

Isaías 54:1

Kelán'a megkate étche meyke nak chá'a étchek; kalpáxamha kapayhekxak awáxok; nágkeysagkoho kanneykmaksek negmeneykmasso yetlo ekmátsa awáxok, xeye' kelán'a, megkatné nak chá'a naqláwa xama enxoho, hakte aptáhak Wesse' egegkok se'e: “Xámók sa' katnehek étchek ma'a kelán'a ektaqmópeyak nak chá'a megkaxók sa' ma'a kelán'a apha nak chá'a atáwa'.”

Isaías 60:15

Megkóltaqmopagkehek sa' chá'a kaxwo', megkóltaqnaweyxcheyk sa' nahan chá'a, megkólchexáyhek sa' nahan chá'a kaxwók kélxakcha'awo', megkamassegwayam kéleymáxkoho sa' ko'o atnéssesek kéxegke, kélpeykessáseykekxa chá'a apkelwáxok énxet meyke néxa.

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Isaías 62:2

Elwetak sa' kéltémakxa ekpéwomo m'a pók aptémakxa nak chá'a énxet'ák, elwetak sa' kéleymáxkoho m'a apyókxoho kelwesse'e apkelwányam nak. Keñe sa' kaxek axnagkok kélwesey; Wesse' egegkok apagko' sa' nahan etegyeksek kélwesey.

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.

Isaías 65:19

Ko'o sa' nahan kapayhekxak ewáxok alanok ma'a Jerusalén, atsek sa' ewáxok alanok ma'a énxet'ák ahagkok. Kamaskok sa' kañexchek kéllekxagweykha m'a kañe' nak tén han ekpayheykha kélátog eñama ekyentaxno apkelwáxok énxet.

Jeremías 3:14

Aptáhak Wesse' egegkok se'e: “Kólchexyem makham, énxet'ák sénmexeykekxa nak ko'o, ko'o sekteme Wesse' kélagkok. Amok sa' chá'a ko'o kélxama xama tegma apwányam, keñe sa' apqánet chá'a m'a ektáha nak chá'a apnámakkok apagko', anaqlakxak sa' ma'a Sión.

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Ezequiel 36:35

Tén sa' etnehek chá'a elpaqmétek se'e: Keso xapop ektamheykekxa axta ekyamayéxma meyke xama aqsok se'e, keñe kaxwók ekhágweykxoho m'a yókxexma Edén; tegma apkelyennaqte nahan kaxwók aptamhágkok ma'a tegma apkelyawe kélnaqtawáseykha axta, tén han kélpalchesso axta tén han kéltemessáseykekxo axta aphopák, apháha nahan kaxwók énxet ma'a kañe'.

Oseas 2:21

Ko'o Wesse' ektáhak sekpeywa s'e: Apaqhetchesek sa' ko'o m'a néten, keñe sa' néten kaxének kaxwók awáxok xapop;

Oseas 2:22

tén sa' xapop kaxének awáxok katekkesek hótáhap, keñe han vino, pexmok égmenek, keñe sa' Jezreel kaxek xa aqsok nak.

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Malaquías 3:12

Apyókxoho énxet'ák sa' chá'a exének kéxegke kéltáha kéleñémo, hakte tásek sa' katnehek kéxegke kélókxa. Ko'o sekxeyenma xa, sektáha nak Wesse' ekha sekyennaqte.”

Deuteronomio 30:9

Keñe sa' Wesse' kélagkok etaqmelchessesek chá'a ekyókxoho m'a aqsok kéllanakxa enxoho chá'a, exámássesek sa' ma'a kélketchek, tén han ma'a weyke kélnaqtósso tén han ma'a aqsok kélcheneykekxa nak kélnakxo; naqso', kapayhekxak sa' makham apwáxok Dios Wesse' kélagkok ma'a ektaqmela sa' makham apteméssesakxa, ektéma axta ekpayheykekxo apwáxok apteméssessamakxa m'a kélyapmeyk nanók axta kéxegke,