Isaías 61:9 - Biblia Enxet

⁹ Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.

Isaías 61:9 ပူးပေါင်းရင်းမြစ်များ

Génesis 22:18

apkeleñémo sa' kólteméssesagkok ma'a apyókxoho énxet'ák apheykha nak keso náxop, eñama m'a aptawán'ák neptámen, hakte élyeheykekxók ko'o exchep.’

Génesis 30:27

Aptáhak axta Labán apchátegmowágko s'e: —Exa aqsa s'e sekhakxa nak. Ey'assásegweykmek ko'o aqsok ekha élmowancha'a sepasmoma m'a Wesse' egegkok eñama exchep.

Salmos 115:14

¡Exámassesagkok sa' kéxegke kélketchek ma'a Wesse' egegkok, tén han kéltawán'ák kélnentámen!

Isaías 43:5

Nágye' aqsa, ekheyk ko'o xamók xép. Wának sa' ko'o elchexyók énxet'ák apagkok yaqwayam ewakhegwata', sa' elenyenták ma'a teyapmakxa ekhem nak tén han ma'a taxnegwánxa ekhem.

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 53:10

Mékoho axta apkeltémok etnéssesek Wesse' egegkok apméssama aplegeykegkoho neyseksa apha m'a. Ahóxek sa' nahan katnehek apha eñama apmeyásamákpoho apagko' yaqwayam emátog ekyaqmageykekxa mólya'assáxma, kammohok sa' apkelwet'a m'a aptawán'ák neptámen nak; sa' kañék ekteyapma aqsok yaqwayam nak elának Wesse' egegkok xa.

Isaías 65:23

Megkaqhók sa' eltemeykha, méko sa' nahan katnehek életsapma apketchek ektáhakxoho étkók agko', hakte cha'a aptawán'ák neptámen ma'a apméssama nak ektaqmalma apheykha m'a Wesse' egegkok, kaxhok sa' nahan ektáhakxa m'a aptawán'ák neptámen nak xa énxet'ák nak.

Isaías 66:22

Aptáhak axta nahan Wesse' egegkok se'e: “Sa' kaxhok nahan ekwenaqte apheykha kéltawán'ák kélnentámen nak kéxegke tén han kélwesey m'a ekwánxa nak ekwenaqte ekyetno m'a néten axnagkok tén han xapop axnagkok sekmako nak ko'o alána'.

Jeremías 31:7

Aptáhak Wesse' egegkok se'e: “Kólmeneykmásses ekmátsa tén han élpayheykekxa kélwáxok ma'a Jacob énxet'ák apagkok, aptamhéyak nak apkelámha apmonye' nepyeseksa m'a apyókxoho énxet'ák. Kóleyxchesho kélmeneykmasso, sa' kóltéhek se'e: ‘Apkelwagkassek teyp énxet'ák apagkok Wesse' egegkok, apkeleymomap axta m'a Israel.’

Zacarías 8:13

Énxet'ák Judá tén han énxet'ák Israel. Sa' atnéssesek ko'o kaxwók alwagkasek teyp tén han wának kaltaqmalmakha apkelpeywa elxénmakha énxet'ák, ekhawo ektémakxa axta kélyemneykha ekmaso nepyeseksa m'a apyókxoho pók aptémakxa énxet'ák. ¡Nágkólé'! ¡Kólwasqápekxoho!”

Malaquías 3:12

Apyókxoho énxet'ák sa' chá'a exének kéxegke kéltáha kéleñémo, hakte tásek sa' katnehek kéxegke kélókxa. Ko'o sekxeyenma xa, sektáha nak Wesse' ekha sekyennaqte.”

Números 22:12

Tén axta Dios aptáha apcháneya Balaam se'e: —Ná elyetlakxa aqsa, nágyána han kaltemegwomhóxma m'a énxet'ák nak, hakte cham'a énxet'ák nak, ko'o sekmésso ektaqmalma apheykha.