Isaías 60:3 - Biblia Enxet

³ Elya'áwak sa' apyókxoho énxet'ák ma'a élseyéxma kélagkok nak, elya'áwak sa' kelwesse'e apkelwányam ma'a élyenmakxa nak ekhem axnagkok kélagkok.

Isaías 60:3 ပူးပေါင်းရင်းမြစ်များ

Génesis 49:10

Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

Salmos 102:16

cham'a apxátekhásekxo sa' makham ma'a Sión apxekmowáseykpekxoho sa' makham yetlo apcheymákpoho,

Salmos 102:22

apchaqnákxo sa' yaqwayam elpeykeshok apyókxoho énxet'ák apheykha nak keso náxop.

Salmos 138:4

Apyókxoho apkelwesse'e apkelwányam sa' elpeykeshok xép apheykha nak keso náxop, apkelleg'a enxoho aqsok apmáheyo elának xép.

Salmos 2:10

Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Salmos 68:29

Keñe m'a tegma appagkanamap apagkok netno' nak, cham'a Jerusalén, apkelseykekxéssamakxa nak chá'a apkelmésso naqsa aqsok ma'a kelwesse'e apkelwányam,

Salmos 72:11

¡Apyókxoho kelwesse'e apkelwányam sa' eltekxeyagkok aptapnák apmonye'! ¡Apyókxoho pók aptémakxa énxet'ák sa' elyahakxoho'!

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 45:14

Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

Isaías 45:22

“Énxet'ák, kélheykha nak ekyókxoho apkelókxa keso náxop hélyo'óta ko'o, ko'o sa' alwagkasek teyp, hakte ko'o sekteme Dios, méko pók.

Isaías 49:12

¡Kólenmexho! Makhawók apkeleñamak ma'a: nápakha apkeleñamak ma'a nexcheyha, keñe nahan nápakha m'a taxnegwánxa ekhem nak, keñe nahan nápakha m'a yókxexma Asuán.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 56:8

Wának sa' ko'o elchexyók ma'a apheykha nak makham megkatnahakxa apkelókxa, wának sa' yaqnekxak makham.” Wesse' egegkok apxeyenma xa, apkeltémo axta elchexyók makham elyepetchegwaták israelitas ma'a apkexpaqneykha nak mók nekha.

Isaías 60:10

Énxet'ák mók nekha apkeleñama sa' elánekxak ma'a meteymog kélhaxta nak nepyáwa Jerusalén, keñe sa' ma'a kelwesse'e apkelwányam kélagkok nak kóltéhek kélásenneykha; aplo axta eyke keñamak apkellegassáseykegkoho m'a Wesse' egegkok, apkelásekhayo eyke keñamak kaxwók kéleyósegwokmo apkelano.

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Isaías 62:2

Elwetak sa' kéltémakxa ekpéwomo m'a pók aptémakxa nak chá'a énxet'ák, elwetak sa' kéleymáxkoho m'a apyókxoho kelwesse'e apkelwányam nak. Keñe sa' kaxek axnagkok kélwesey; Wesse' egegkok apagko' sa' nahan etegyeksek kélwesey.

Isaías 66:12

Hakte ektáhak ko'o sekpeywa s'e sektáha nak Wesse': Wának sa' ko'o káhapwak meyke ektáhakxa egwáxok ma'a ektémól'a kaxegmak ma'a yegmen ényé, tén han ma'a aqsok ekxámokma apagkok nak ma'a pók aptémakxa énxet'ák ektémól'a m'a yegmen ekyawél'a, ekteyapmal'a m'a neyáwa'. Sa' kalagkok kéltéyak kéxegke m'a, kalqeynmakha sa' nahan, kaláhapmakha sa' kaxnésha awáxok.

Amós 9:12

yaqwayam sa' etnekxak makham apagkok Israel ma'a apkeleymomap nak ma'a Edom, tén han ma'a apyókxoho énxet'ák ektáha nak ko'o ahagkok.” Apméssek appeywa m'a Wesse' egegkok, elának sa' nahan.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.