Isaías 60:22 - Biblia Enxet

²² Exámekxohok apagko' sa' ma'a apqántawók apagko' nak chá'a; énxet apxámokma sa' etnahagkok ma'a apqántawo nak chá'a. Ko'o sekteme Wesse', kaxwók sa' ko'o wának kalanaxchek xa, ekwokmo enxoho ekhem agkok.”

Isaías 60:22 ပူးပေါင်းရင်းမြစ်များ

Isaías 10:22

Apxámok sa' eykhe etnehek xép, énxet'ák apagkok, Israel, ektémól'a m'a wátsam xóp ekxámokmal'a, apqántawók sa' eyke elwata'. Xénáxcheyk kólmasséssók, kólteméssesek sa' ma'a ekpayhawo nak kólteméssesek.

Isaías 5:19

Kéxegke kélteme nak chá'a kólpaqmétek se'e: “Tásek sa' elának heykxe Dios ma'a aptamheykha apmáheyo nak elána', yaqwayam sa' agweta'; tásek sa' epekhaksohok elának Dios Appagkanamap nak Israel ma'a ekxeyenma nak apwáxok elána', yaqwayam sa' agya'asagkoho'.”

Isaías 51:2

kaxénwakxoho kélwáxok ma'a Abraham, kélyáp axta kéxegke, tén han ma'a Sara egken axta, ektáha axta élántekkesso kéxegke keso náxop. Apxakkók axta sekxók sekwóneykencha'a ko'o m'a, tén axta séltémo exámekxak ma'a aptawán'ák neptámen.

Isaías 66:8

¿Yaqsa eklegaya kaxének ekhémo xa ektéma nak aqsok? ¿Yaqsa ekweteya ekhawo xa ektéma nak? ¿Katyaphoya chá'a xama ekhem agko' ma'a xama apchókxa? ¿Elántéphoya chá'a énxet ekmanyehe agko'? Xama axta ekmako kañegkohok ekmáske m'a Sión yetlókok axta ekteme naqláwa ekwet'a étchek.

Daniel 2:35

Ánek agko' axta tamhákxak ma'a sawo ekyentaxno, yelpa', sawo ekyexwase, sawo ekmope tén han ma'a sawo ekyátekto ekmomnáwa nak, ektémól'a kataxchek ma'a ekmexanmakxal'a exma, kélchexakkassamakxal'a chá'a apyempe'ék ma'a hótáhap apaktek, kelsókek axta éxchahayam meyke eyeymomáxche'. Keñe m'a meteymog ektégweykta axta m'a kéleykmássesso, ektamhákxo m'a meteymog émha ekyawe, eksawheykekxoho axta ekyókxoho xapop.

Daniel 2:44

Epekkenek sa' xama apchókxa megkólmowána nak kólmasséssók ma'a Dios apha nak néten, neyseksa aptamhéyak apkelwesse'e apkelwányam xa apkelwesse'e nak, memek sa' xama enxoho m'a pók wesse', kamasséssók sa' ekyókxoho mók apkelókxa nak, megkamassegwomek sa'.

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.