Isaías 60:14 - Biblia Enxet

¹⁴ Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Isaías 60:14 ပူးပေါင်းရင်းမြစ်များ

Génesis 27:29

Apxámok sa' nahan etnehek énxet apkeláneykha, eltekxeyagkok sa' chá'a aptapnák nápaqtók xép pók aptémakxa énxet'ák. Etne sa' apkemha apmonye' nepyeseksa m'a apkelyáxeg'a, ¡eltekxeyagkok sa' han aptapnák apmonye' exchep! Eltaqnaweykpok sa' chá'a m'a apyemneykha nak chá'a exchep. Apkeleñémo sa' chá'a kólteméssesek ma'a ektaqmeleykha nak chá'a appeywa exének xép.”

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 48:2

¡Tásók agko' nak la'a m'a egkexe netno' nak Sión, cham'a ekpayho nak nexcheyha! ¡Cha'a élpeykessáseykekxa chá'a apwáxok apyókxoho énxet'ák apheykha nak keso náxop! Wesse' apwányam tegma apwányam apagkok ma'a.

Salmos 87:3

Dios tegma apwányam apagkok, tásók agko' nak la'a chá'a exchep katnehek apxénamap:

Proverbios 14:19

Elháxahagkok sa' chá'a énxet'ák élmasagcha'a nak apkeltémakxa' apmonye'e m'a énxet'ák éltaqmalma nak apkeltémakxa'; keñe sa' ma'a melya'assáxma nak, elpaqmésmakha sa' átog apagkok eltamhok epasmok ma'a énxet'ák élpéwomo nak apkeltémakxa.

Isaías 1:26

Wának sa' exnekxak makham énxet'ák segyekpelchémo apagkok, ektéma axta m'a nanók axta, tén han ma'a appékessáseyak nak chá'a apnámakkok, ektéma axta m'a sekxók axta. Ekpenchessek sa' agkok ko'o sekteméssesso xa, kóltemessásekxak sa' makham apwesey ‘Tegma apwányam ekyetnamakxa sẽltaqmelchessáseykekxa negha’, Tegma apwányam magyenseyam ‘Wesse' egegkok’

Isaías 45:14

Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

Isaías 45:23

Ekxénaxchekxók ko'o ahagko', ekxénchek ma'a amya'a ekmámnaqsoho nak, katnehek sa' nahan xa sektáhakxa nak sekxeyenma: apyókxoho énxet sa' eltekxeyagkok aptapnák emonye' ko'o, apyókxoho énxet sa' hexének ko'o hélpeykesho'.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Ezequiel 36:15

Magwohok sa' chá'a kaxwók kóllegekxohok apkelxéneykha ekmaso m'a pók aptémakxa nak chá'a énxet'ák apkeleñama mók apkelókxa; kamaskok sa' kaxwók apkelenmexeyncha'a xa énxet'ák nak, hakte megkóltemessásekxók sa' chá'a kaxwók kéxegke meyke apketchek ma'a énxet'ák kélagkok. Ko'o sekxeyenma xa, sektáha nak Wesse'.’”

Ezequiel 39:7

Wának sa' ko'o elya'asagkohok sekwesey ektaqmalma m'a énxet'ák ahagkok Israel, magwohok sa' chá'a kaxwók kóllenxanmagkohok kéltawáseykha. Keñe sa' ma'a énxet'ák apkeleñama nak mók apkelókxa elya'ásegwók sektáha ko'o sektaqmalma m'a kañe' Israel, ko'o sektáha nak Wesse'.

Joel 3:8

Akxakkasek sa' ekha ekyánmaga kélketchek apkelennay'a, tén han kelwán'ák nak almések ma'a judíos, yaqwayam sa' ekxeykxak ekha ekyánmaga elmések ma'a sabeos, énxet apheykha nak makhawók agko'. Ko'o sekxeyenma xa, sektáha nak Wesse'.”

Sofonías 3:19

Cháxa ekhem nak, allegássesagkohok sa' ko'o apyókxoho m'a ektáha nak chá'a apnaqtawáseykegkoho. Apasmok sa' ma'a nepkések apyaqteyeykha nak, almekxak sa' han ma'a apkelxegányam nak; ekha kéláyo sa' atnessásekxa' tén han kélya'áseykegkoho ekyókxoho yókxexma keso náxop, eñama kélwanyeykha.

Zacarías 8:23

Diez énxet sa' chá'a emássesagkok aptaxno xama Judío énxet xa ekhem nak, cham'a apkeleñama nak chá'a mók apkelókxa, keñe sa' etnehek chá'a yának se'e: ‘¡Negmakók negko'óxa ólyetlakxak kéxegke, hakte nenlegayak chá'a amya'a apha kélnepyeseksa m'a Dios!’”