Isaías 60:11 - Biblia Enxet

¹¹ Kalmayhagkok sa' aqsa chá'a kaxwók ma'a atña'ák kélagkok; megkólapagkokxeyk sa' chá'a ekhem tén han axta'a, yaqwayam sa' kólewának chá'a kólsantagkasek ma'a aqsok ekxámokma élmomnáwa apagkok nak ma'a pók aptémakxa énxet'ák, yaqwayam sa' elántaxnegwaták chá'a m'a kelwesse'e apkelwányam yetlo apkeláneykha.

Isaías 60:11 ပူးပေါင်းရင်းမြစ်များ

Nehemías 13:19

Tén axta séltémo ko'o kólapagkokxak chá'a atña'ák Jerusalén peya enxoho kayáqtések amonye' ekteme sábado, tén han maltémo kólmeykásegkokxak chá'a ekweykmoho mók ekhem. Éltémók axta han ko'o yaqnaha nápakha séláneykha m'a atña'ák nak, yaqwayam enxoho megkólxátawateyk aqsok kélchexeykekxa sábado m'a.

Salmos 149:8

yaqwayam enxoho kólpextétek ma'a kelwesse'e apkelwányam, keñe han kólpextétek cadena élyentaxno sawo m'a énxet'ák apkelyennaqte nak,

Isaías 24:21

Ellegássesagkohok sa' Wesse' egegkok aqsok ekhéyak nak néten ekha élmowancha'a xa ekhem nak tén han ma'a kelwesse'e apkelwányam nak keso náxop;

Isaías 26:2

Kólmeykesák atña'ák yaqwayam sa' elántexek ma'a énxet'ák apkelpéwomo melyenseyam nak apteme melya'ásseyam.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 56:7

anaqlanták sa' ko'o m'a egkexe ahagkok ekpagkanamaxchexa nak alpeykessásekxak sa' apkelwáxok ma'a exagkok ektamhomaxchexa nak chá'a nempeywa nélmaxnagko. Almok sa' ko'o takha' aqsok apkelwatno tén han apkelnapma apnegkenweykekxa chá'a m'a néten nak ekwatnamáxchexa aqsok sélmésso, hakte eltamhakpok sa' ko'o exagkok ektamhomaxchexa nempeywa nélmaxnagko apagkok ma'a apyókxoho énxet'ák.

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Isaías 60:5

Kélwet'ak sa' agkok kéxegke m'a, kalpayhekxohok agkók sa' kélwáxok, awanhók agko' sa' katnehek ekmátsa kélwáxok; kólsantagkasek sa' ma'a aqsok éltaqmalma éleñama nak ma'a apkelókxa neyáwa wátsam ekwányam, kólxawágwaták sa' ma'a aqsok élmomnáwa apagkok nak ma'a pók aptémakxa énxet'ák.

Isaías 61:6

Keñe sa' kéxegke kóltamhaxchek Wesse' egegkok kélmaxnéssesso énxet'ák apagkok, Dios egagkok apkeláneykha. Kólmagkok sa' aqsok apagkok ekxámokma nak ma'a pók aptémakxa énxet'ák, kaqheykha sa' kélwáxok kólmaha m'a aqsok éltaqmalma apagkok nak.

Isaías 62:10

Kólántép yókxexma, kólántép teyp nak atña'ák, kóllanés ámay ma'a énxet'ák ahagkok. Kóltaqmelchesho sa' kéllane ámay, kólyetnakhés sa' ma'a meteymog; kólchenegkes sa' aqsok magkenatchesso yaqwayam sa' melchenatchesek elwetak ma'a pók aptémakxa nak chá'a énxet'ák.