Isaías 60:1 - Biblia Enxet

¹ Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Isaías 60:1 ပူးပေါင်းရင်းမြစ်များ

Salmos 102:16

cham'a apxátekhásekxo sa' makham ma'a Sión apxekmowáseykpekxoho sa' makham yetlo apcheymákpoho,

Salmos 87:3

Dios tegma apwányam apagkok, tásók agko' nak la'a chá'a exchep katnehek apxénamap:

Isaías 2:5

¡Nók, Jacob énxet'ák apagkok, ólxog éltátchesakxa nak Wesse' egegkok élseyéxma apagkok!

Isaías 24:23

Aptemék sa' agkok Wesse' apwányam egkexe Sión ma'a Wesse' ekha nak apyennaqte, cham'a Jerusalén nak, kapeysemekxak sa' ekhem tén han ma'a pelten, keñe sa' ma'a apkelámha apmonye'e nak énxet'ák apagkok elwetak sa' Wesse' egegkok apcheymákpoho.

Isaías 28:5

Etnehek sa' ekho kélháxaqxo élyenma ektaqmalma Wesse' ekha nak apyennaqte xa ekhem nak, ekho kélnatanma ektaqmalma apagkok ma'a énxet'ák apagkok apkeleymomap nak,

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 4:5

Etekkesek sa' yaphope néten ekyáqtessóxma ekhem Wesse' egegkok takháxet ekyókxoho m'a egkexe Sión, tén han takhapxet ma'a énxet'ák apchaqneykekxa nak ma'a, keñe sa' axta'a élseyéxma tén han táxa eyáléwe. Keytek sa' Wesse' egegkok élseyéxma apagkok takhapxet apyókxoho énxet,

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 58:8

Keñe sa' kápogwátek ma'a cháléwasso kélagkok, kaxhok sa' ma'a ektémól'a élseyéxma axto'o, ñohok sa' nahan kaltaqmelekxak ma'a kélyensé nak. Katnamok sa' kélmonye'e m'a kéltémakxa ekpéwomo kalyetlók sa' ma'a élseyéxma ahagkok.

Isaías 62:1

Mawanmeyha sa' aqsa ko'o eñama sélásekhayo kéxegke énxet'ák Sión; mallókassemek sa' ko'o sekyampe eñama sélásekhayo kéxegke, énxet'ák Jerusalén, ekwokmoho ektepa m'a kéltémakxa ekpéwomo ektémól'a katyapok ma'a ekhem, tén han ekwokmoho eyápogwata m'a kélwagkásamáxche teyp ektémól'a m'a táxa eyáléweykhal'a naw'a yántápak.

Isaías 62:2

Elwetak sa' kéltémakxa ekpéwomo m'a pók aptémakxa nak chá'a énxet'ák, elwetak sa' kéleymáxkoho m'a apyókxoho kelwesse'e apkelwányam nak. Keñe sa' kaxek axnagkok kélwesey; Wesse' egegkok apagko' sa' nahan etegyeksek kélwesey.

Isaías 66:11

hakte máxa xama egken ma'a, kalagkok sa' ma'a aqsok ekpeykeseykexoho nak egwáxok ekwokmoho kélyaqkanakmo.

Isaías 9:2

Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.

Ezequiel 43:4

taxneyk axta Wesse' egegkok élseyéxma apagkok ma'a tegma appagkanamap, ekpayho nak átog teyapmakxa ekhem.

Malaquías 4:2

Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.