Isaías 6:5 - Biblia Enxet

⁵ Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Isaías 6:5 ပူးပေါင်းရင်းမြစ်များ

Génesis 32:31

Tekkek axta ekhem apxega Jacob apkeñama m'a Penuel; apyaqteyágkek axta eyke apxega eñama ekleyamaxche awhak apyók.

Salmos 24:10

¿Yaqsa xa Wesse' apwányam apcheymákpoho nak? ¡Neykhe m'a Wesse' egegkok meyke nak ekhémo! ¡Cháxa Wesse' apwányam apcheymákpoho xa!

Éxodo 24:10

Apkelwetágwokmek axta nahan Israel Dios apagkok ma'a: kelyenmawók axta nahan aqsok ekyetno axta m'a kóneg apmagkok, máxa axta m'a kañe' tegma meteymog élyápaqmatél'a, keláxña'awók axta nahan, máxa axta m'a ektémól'a m'a néten eyáxñeyo.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Éxodo 33:20

Mopwanchek sa' eyke étak ma'a nahát, hakte méko xama énxet apwanchek hétak ko'o, yetsapok ma'a sét'a enxoho.

Éxodo 4:10

—¡Hay, Wesse' ahagkok! —axta aptáhak apchátegmowágkokxo Moisés—. Mowanchek ko'o sekpeywa, háwe ekwánxa agkok ma'a hemaxta, tén han se'e kaxwo' nak, appaqhetchesa nak xép se'e aptáha nak apkeláneykha, nanók agko' nahan, cham'a nentámen axta. Ekpaqmetchek agkok chá'a, megkeyqwomek chá'a ahaxkok.

Éxodo 6:12

Aptáhak axta Moisés apchátegmowágkokxo Wesse' egegkok se'e: —¿Háxko katnehek ko'o hélyahakxohok faraón, massék nahan ko'o sélyahákxoho m'a israelitas, mowanchek nahan chá'a ko'óxa sekya'asakxa sekpeywa?

Éxodo 6:30

Tén axta apchátegmowágkokxo m'a Moisés. Aptáhak axta s'e: —Wesse', mowanchek ahagko' ko'o chá'a sekya'asakxa sekpeywa, ¿háxko katnehek ko'o hélyahákxohok ma'a faraón?

Isaías 24:16

Nenleg'awók nahan aptáha apkelmeneykmasa énxet'ák apheykha nak ektemegwánxa néxa xóp se'e: “¡Apcheymákpoho ektáha nak appéwomo!” Tén axta ko'o sektáha s'e: ¡Ko'o laye, asagke nak la'a setnamakxa! ¡Yeykhágwokmók agko' nak la'a ekmaso aptamhágkaxa chá'a appelakkassesso apsexnenagko pók ma'a énxet'ák appelakkassesso nak chá'a esexnenak pók!

Isaías 29:13

Aptáhak ko'o seyáneya Wesse' egegkok se'e: “Apkelpeywa aqsa chá'a ko'o apkelxeyenmak sétleykencha'a xa énxet'ák nak, apatña'ák aqsa apkelxeyenmak chá'a ko'o seyáyo, keñe m'a apkelwáxok nak megkalxegkáseykencha'a heyáwhok ko'o, énxet apkeltémókxa antéhek nahan chá'a m'a aptamheykegkaxa nak chá'a hélpeykesho', apkeltámésamap apagko'.

Isaías 33:17

Éteyekxak sa' makham ma'a wesse' apwányam yetlo m'a ektémakxa nak apcheymákpoho; kawomhok sa' makhawók agko' néxa xapop ma'a apchókxa.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Isaías 64:6

Neghémók negko'o negyókxoho m'a énxet ekmanyásal'a apyempe'ék, máxa apáwa aphápak apmanyásal'a m'a ekyókxoho aqsok éltaqmalma nak chá'a nenlánéyak; nempalleykmek negko'o negyókxoho, ektémól'a m'a yámet áwa' élyamayél'a, máxa éxchahayam entemék sẽlchampassama m'a nentémakxa élmasagcha'a agko' nak.

Jeremías 1:6

Axta ektáhak ko'o seyátegmowágkokxo s'e: “¡Wesse' ahagkok, étkok ahagko' ko'o, mowanchek han sekpeywa!”

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Ezequiel 12:2

“Aphegkek xeyep nepyeseksa m'a énxet'ák sénmexeykekxa nak chá'a ko'o. Yetneyk eykhe apaqta'ák yaqwayam elweta', melwetyehek eyke; yetneyk eykhe nahan apeyk'ák yaqwayam ellega', mellegyehek eyke, hakte énxet'ák élyennaqte apkelwáxok ma'a.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Daniel 9:20

“Élenxanakmók axta ko'o sélmaxnagko tén han séltennáseykekxoho may'assáxma Wesse' egegkok, keñe han melya'assáxma m'a sekhawóxama nak énxet'ák Israel, élmaxnakkek axta ko'o Dios Wesse' ahagkok sélmaxnéssesa m'a egkexe ekpagkanamaxche apagkok nak.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.

Números 17:12

keñe axta israelitas aptáha apcháneya Moisés se'e: “¡Méko negko'o kaxwók antéhek! ¡Negyókxoho sa' óletsapok!

Jueces 13:22

tén axta aptáha apcháneya aptáwa' s'e: —Agmaskok sa', hakte negwet'ak ma'a Dios.

Jueces 6:22

Xama axta apya'ásegwokmo Gedeón aptáha Wesse' egegkok apchásenneykha m'a. Aptáhak axta s'e: —¡Hay Wesse'! ¡Ekwet'ak ko'o ahaqta'ák ahagko' ma'a Wesse' egegkok apchásenneykha!