Isaías 6:13 - Biblia Enxet

¹³ Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Isaías 6:13 ပူးပေါင်းရင်းမြစ်များ

Génesis 22:18

apkeleñémo sa' kólteméssesagkok ma'a apyókxoho énxet'ák apheykha nak keso náxop, eñama m'a aptawán'ák neptámen, hakte élyeheykekxók ko'o exchep.’

Esdras 9:2

Apkelmeykegkek aptamheykegko apnaqteyegka'a apyapmeyk ekweykekxoho apketchek apkelennay'a apketchek kelwán'ák nak se'e énxet'ák nak; cháxa keñamak appaxqeykekxo nak Dios énxet'ák apagkok ma'a énxet'ák megkatnaha nak appeywomo xamo'. Apkelámha apmonye'e han chá'a sekxók apkeláneyak apmonye'e xa ektéma nak melya'assáxma, tén han ma'a apkeltaqmelchesso nak chá'a apchókxa.”

Esdras 9:8

Segásekhayo eyke keñamak xép Dios Wesse' egagkok, apkeltémo elmallánek neghekha negko'o, tén han hegwetaksek negko'o negheykegkaxa m'a xapop ekpagkanamaxche nak; egmeyásekxeyk makham xép axnagkok negweteykekxa', egméssek makham ketsék néllókasso nélyampe neyseksa nenteme sẽlásenneykha naqsa.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 11:1

Etyapok sa' xama Jesé aptáwen neptámen; máxa sa' etnehek ma'a ektémól'a yámet awhak éltektépeykekxal'a, éltekteyapwayam la'a m'a kepmenák nak.

Isaías 4:3

Eltamhakpok sa' “apkelpagkanchásamap Wesse' egegkok ma'a” énxet'ák apkeleymomap nak meletsapma m'a Sión, cham'a apkelwayam nak teyp ma'a Jerusalén apkelxawéyak nak yaqwayam exmakha m'a.

Ezequiel 6:8

Wának sa' eyke ko'o kólwomok teyp kélnápakha kéxegke tén han megkóltekyewe, kólexpaqnek sa' kólmahagkok ma'a nepyeseksa nak pók aptémakxa énxet.

Amós 5:3

Aptáhak apkelxéna israelitas Dios Wesse' egegkok se'e: “Apkelápháseykpek agkok mil énxet ey'ammok kempakhakma xama tegma apwányam, cien sa' aqsa chá'a elwaták meletsapma; keñe sa' kéláphasa enxoho chá'a cien, diez sa' aqsa chá'a elwata'.”

Miqueas 5:6

Sa' etnahagkok kelwesse'e apkelwányam Asiria m'a, cham'a apchókxa Nimrod, yetlo apmeykha sókwenaqte, hẽlmallahanchesek sa' nepyeseksa asirios apkelántaxna enxoho negókxa, appayhékxo enxoho m'a kañe' xapop egagkok.

Sofonías 3:12

Alheyásekxak sa' ko'o kélnepyeseksa kéxegke m'a énxet'ák kéltemessáseykekxa nak meyke éleymáxkoho apkelwáxok tén han mékoho, yaqwayam sa' melya'ássók ma'a sekwesey nak.

Zacarías 13:8

Eletsapok sa' chá'a apqánet ektáhakxa enxoho chá'a apqántánxo apheykha s'e apchókxa nak: sa' aqsa chá'a yeymakpok ma'a xama nak apkeymomap apkeletsapma nak chá'a apqánet apnámakkok. Keñe sa' xa apkeymomap nak chá'a xama ayenyók neyseksa táxa; amópéssásekxak sa' apyempehek sa' atnéssesek ma'a ektémól'a kólmópeyásekxak ma'a sawo ekmope ekmomnáwa; aláxñásekxak sa' ektémól'a kóláxñásekxak ma'a sawo ekyátekto ekmomnáwa. Keñe sa' hewónmakha ko'o m'a, wátegmowagkok sa' nahan. Sa' atnehek alának se'e: ‘Énxet'ák ahagkok’, keñe sa' etnehek heyátegmowagkokxak se'e: ‘Wesse' egegkok apteme Dios egagkok.’ Ekxénchek ko'o xa, sektáha nak Wesse'.”

Malaquías 2:15

¿Háweya apkelane negyókxa tén han eghagák xa Dios nak? ¿Yaqsa apmenyeyk xa Dios nak? Apmenyeyk kaxek kélketchek yaqwayam etnehek apkelpagkanchásamap ¡Kóllanha sa' kéxegke kélwáxok kélagko' nak, kóllána sa' ma'a kélxeyenma axta kóllána' kéltennassama axta m'a kéltáwa' kélmoma axta kéltémakxa wokma'ák!

Deuteronomio 28:62

Keñe sa' kéxegke énxet'ák Israel, kélteme axta eykhe énxet apxámokma apagko' apweykenxal'a apxámokma yaw'a m'a néten, kélqántawók sa' kóltemekxa', eñama megkólyeheykekxa m'a Dios Wesse' kélagkok.

Deuteronomio 7:6

Hakte kéxegke kélteme énxet'ák kélpagkanamaxche apagkok ma'a Dios Wesse' kélagkok; apkelyéseykha axta kéxegke Wesse' egegkok nepyeseksa m'a apyókxoho énxet'ák nak keso náxop, yaqwayam enxoho kóltéhek kéxegke énxet'ák apagkok apagko'.