Isaías 6:12 - Biblia Enxet

¹² tén han apkeltamho sa' kólnaqlakxak Wesse' egegkok megkatnahakxa apkelókxa m'a énxet, tén han ektamhákxo sa' meyke agko' xama aqsok ma'a apchókxa.

Isaías 6:12 ပူးပေါင်းရင်းမြစ်များ

2 Reyes 25:11

Tén axta Nebuzaradán apnaqlákxo Babilonia m'a apkeleymomap axta makham apheykha m'a tegma apwányam nak, ekweykekxoho m'a appasmeykekxa axta wesse' apwányam Babilonia, tén han ma'a apkeleymomap axta apkeláneyak chá'a aqsok.

Isaías 13:12

Apqántawók apagko' sa' ko'o atnessásekxak ma'a énxet, mexók sa' ma'a ekweykenxal'a ekteme ántawók ma'a sawo ekyátekto éltaqmalma éleñama nak Ofir.

Isaías 26:15

Wesse', apxámáseykekxeyk xép pók aptémakxa énxet'ák; apxámáseykekxeyk yaqwayam kataxchek chá'a m'a apcheymákpoho, apyáncháseykegkek chá'a m'a ekyókxoho nak néxa xapop apkelókxa.

Isaías 5:9

Naqsók ko'o aptáha appeywa seyáneya Wesse' ekha nak apyennaqte s'e: “Apxámok sa' tegma kólmasséssók; cham'a apkelyawe nak tén han ma'a apkeltaqmalma nak, méko sa' kaxnekxak xama m'a.

Jeremías 12:7

“Éxakkek ko'o énxet'ák ahagkok, ektaqnawágwokmek ma'a ektáha axta ahagkok. Ekméssek ko'o yaqwayam elmok apkelenmexma m'a énxet'ák aptáha axta ko'o sélásekhayókxa.

Jeremías 15:4

Wának sa' elpexyennók apkelaye elanok apyókxoho énxet'ák apheykha nak ekyókxoho keso náxop yaqwánxa sa' ko'o atnéssesek ma'a, eñama apteméssessamakxa axta Jerusalén ma'a Manasés, wesse' apwányam axta m'a Judá, Ezequías axta apketche.

Jeremías 4:29

Apkelántekkek apkenyahágko apyókxoho énxet'ák apmonye'e apkelleg'a apkelwóncheseyam ma'a apkelchánte nak yátnáxeg, tén han ma'a apkelmeykha nak yágke; apkelyexánegwokmek ma'a émpagqaxa nak, tén han ma'a meteymog áxwa nak. Apkeltaqmópegkek apyókxoho m'a tegma apkelyawe, méko kaxwók xama énxet apheykekxa m'a.

Lamentaciones 5:20

¿Yaqsa ektéma ekmassegweykmo agko' nak negko'o ekxeyenma apwáxok? ¿Yaqsa ektéma segkexakhama nak ekwenaqte agko'?

Sofonías 1:3

Amasséssók sa' énxet'ák, tén han aqsok kélnaqtósso, tén han náta tén han kelasma, alpelápagkasek sa' ma'a élmasagcha'a nak apkeltémakxa, amasséssók sa' énxet keso náxop.” Keso aptáhakxa axta appeywa Wesse' egegkok se'e:

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.