Isaías 6:10 - Biblia Enxet

¹⁰ Elyennaqtésses sa' apkelwáxok xa énxet'ák nak; eláhakkásekxa sa' apeyk'ák, yaqwayam sa' mellegye', eláhakkásekxa sa' apaqta'ák, yaqwayam sa' melwetyehe' tén han melyekpelchágwome', yaqwayam sa' metnekxék ko'o mehey'ásseyam, keñe sa' mamasséssesek ma'a ektamheykegkaxa nak.”

Isaías 6:10 ပူးပေါင်းရင်းမြစ်များ

Salmos 119:70

Mopwanchek elya'asagkohok aqsok, peykáseykekxeyk eyke ko'o ewáxok ma'a nélxekmowásamáxche apagkok nak.

Salmos 17:10

Kalyeyha'ak apkelwáxok ma'a, kaleyxkohok han chá'a apkelpeywa;

Salmos 69:23

¡Yána katnahagkok meyke apaqta'ák, tén han kalpexyennamok apyay'ák meyke néxa!

Éxodo 10:27

Wesse' egegkok axta eyke apyennaqtessásak apwáxok ma'a faraón, maxta eltamhók nahan elxog.

Éxodo 11:10

Apkelánegkek axta Moisés tén han Aarón ekyókxoho xa aqsok ekpelakkasso nak agweta', nápaqtók ma'a faraón. Axta yahayók elántépok faraón israelitas ma'a Egipto, hakte axta ñémekxa apteméssessama ekyennaqte apwáxok ma'a Wesse' egegkok.

Éxodo 14:17

Ko'o sa' eyke alyennaqtéssesek apkelwáxok ma'a egipcios, wának sa' nahan emenxenek; tén sa' axekmósek ekwánxa sekmowána m'a faraón tén han ma'a apyókxoho sẽlpextétamo apagkok, ekweykekxoho m'a yátnáxeg apkelyenyawasso apagkok, tén han ma'a apkelchánte nak yátnáxeg.

Éxodo 7:3

Eynaqtéssesek sa' eyke ko'o apwáxok ma'a faraón, alának sa' nahan ekxámokma aqsok magkenatchesso nak agweta', tén han aqsok segyegwakkassamo nak agwetak ma'a Egipto.

Proverbios 16:30

Enaqtenchesha chá'a apaqta'ák ma'a énxet'ák élxeyenma nak chá'a apkelwáxok elanagkok aqsok ekmaso; elmagkok chá'a apatña'ák ma'a appenchásegko enxoho apkeláneyak aqsok.

Eclesiastés 3:3

Yetneyk ekhem nénnapmakxa', tén han nentaqmelchesseykenxa'. Yetneyk ekhem néletsagkassamakxa aqsok, tén han nenláneykekxexa aqsok.

Isaías 19:22

Ellegássesagkohok sa' Wesse' egegkok ma'a énxet'ák Egipto, keñe sa' natámen eltaqmelchásekxak makham. Elyo'ókxak sa' makham Wesse' egegkok ma'a, keñe sa' elásekhekxohok makham, eltaqmelchessók sa' nahan.

Isaías 28:13

Ékeso éñamakxa peya nak etnehek elpaqhetchesek Wesse' egegkok ma'a ektémól'a sakcha'a apketcheyetse', kaxwe éltámeyél'a apkelyetsete. Keñe sa' apkelxega enxoho chá'a, elsekhohok sa' chá'a elyaqnenek kasawhaxkohok apmagkok, elyensagkok sa' nahan, kalmok sa' ma'a kelhanma, elmakpok sa' nahan.

Isaías 29:10

Hakte apcháhakkassegkek kéxegke teyn ekyentaxno agko' ma'a Wesse' egegkok. Dios appeywa apkellegasso eykhe chá'a apkeltennaséyak aqsok ma'a énxet'ák, apkeláhakkassessegkek eyke apáwa nápaqta'a m'a Wesse' egegkok.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Isaías 44:18

Melya'ásegkok aqsok xa énxet'ák nak; méko agko' ma'a apaqta'ák, mopwanchek elwetaxma, méko agko' apkelya'áséyak, mopwanchek elyekpelkoho'.

Isaías 63:17

Wesse', ¿yaqsa ektéma apkeltémo nak ólyetnakhágwók nélyetlo m'a ámay apagkok? ¿Yaqsa ektéma sẽlyennaqtéssessama nak egwáxok yaqwayam enxoho magakyehek xép? Hẽgyo'óta makham, eñama apkelásekhayo m'a apkeláneykha nak tén han ma'a pók aptémakxa nak chá'a énxet'ák ektáha nak xép apagkok.

Jeremías 17:9

“Méko xama enxoho ekyeykhágweykmoho ekmowána amya'a tén han ekmaso ektémakxa ektéma nak apwáxok ma'a énxet. ¿Yaqsa awanchek kay'asagkoho'?

Jeremías 5:21

‘Kóleyxho sa' se'e, énxet'ák élyeyháxma meyke nak kélya'áseyak, ekha nak eykhe kélaqta'ák, megkólwetyehek eyke, ekha nak eykhe kélheyk'ák, megkóllegyehek eyke.

Jeremías 6:10

Ektáhak axta ko'o seyátegmowágkokxo s'e: “¿Yaqsa sa' ko'o heyeyxhok sélpaqhetchesa enxoho, tén han séltennasa enxoho xa amya'a nak? Wesse', apkelapmeyk apeyk'ák ma'a, mopmenyeyk nahan eleyxho'; ey'ássamhok nahan ma'a appeywa nak xép, megkalchek apkelwáxok.

Lamentaciones 3:65

Etnésses meyke apkelya'áseykegkoho, ellegássesagkoho.

Zacarías 11:15

Aptáhak axta seyáneya Wesse' egegkok se'e: “Exnésakpoho sa' kaxwo' keláneykha nepkések megkeytnakhassamo nak apwáxok apnaqtósso.

Zacarías 7:11

Axta eyke elyahákxohok ma'a énxet'ák. Apyókxoho axta apkelpeynchákpok, máxa meyke apeyk'ák axta aptamhágkok.

Deuteronomio 2:30

“Axta eyke yahayók negko'o ólyeykhak xapop apagkok ma'a wesse' apwányam Sihón, hakte Dios Wesse' kélagkok nak kéxegke axta apkeltémo melyahakxeyk ma'a énxet'ák nak, yaqwayam enxoho yának kólmok kéxegke m'a, ekhawo nak makham ektémakxa s'e kaxwo' nak.

Deuteronomio 29:3

kéxegke kélteme kélweteykegkoho m'a aqsok ekyawe ekteyapma axta m'a, tén han ma'a magkenatchesso nak agweta' tén han ma'a aqsok sempelakkasso nak agweta'.

Deuteronomio 29:4

Weykmók eyke makham megkésso Wesse' egegkok kélya'áseyak se'e negwánxa nak, meltémók makham kólya'ásegwók ektémakxa ekyókxoho xa aqsok nak.

Deuteronomio 31:20

Hakte élántaxnéssek sa' agkok ko'o m'a xapop séltennassamakxa axta ko'o m'a apyapmeyk nanók axta, cham'a xapop ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, tén han aptókagko sa' ekwokmoho apkelyaqkanakmo tén han apnaqmel'a sa', keñe sa' elyetlakxak ma'a mók kéláyókxa nak, elpeykeshok sa' nahan, keñe sa' ko'o hetaqnawágwók, etwasha sa' ma'a ekhémo mók nélpaqhetchásamáxkoho ahagkok nak.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.