Isaías 59:9 - Biblia Enxet

⁹ Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Isaías 59:9 ပူးပေါင်းရင်းမြစ်များ

Job 19:8

Apchápeykxeyk ámay ahagkok Dios yaqwayam enxoho ko'o mayeykhe'; ekyáqtessóxma aptemessásekxak ma'a ámay ahagkok nak.

Job 30:26

Élhaxanmeyk axta ko'o kapayhekxak ewáxok, keñe seyáhapwaya m'a ekyaqhápeykha ewáxok; élhaxanmeyk axta kawak élseyéxma, keñe seyáhapwaya ekyaqtessóxma.

Salmos 82:5

“Makke kólya'ásegkok kéxegke, megkólyekpelcheyk nahan; kélweynchámeykha aqsa ekyáqtésakxa exma. Yawheykha m'a awhak nak xapop.

Proverbios 4:19

Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!

Isaías 5:30

Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Isaías 59:11

Máxa méwa élyexwéweykha nentemék negko'o negyókxoho nélpáxameykencha'a, máxa yágwáx'ay apkelpáweykha nentemék nélápentegeykencha'a; nélhaxanmeyk eykhe m'a nélwagkásamáxche teyp, makke kaweyk; nélhaxanmeyk eykhe m'a sẽlmallahanchesso nak aqsok ekmaso, tayépe eyke ekyetnamakxa.

Isaías 59:14

Taqnómaxchek ma'a aqsok ekpéwomo nak, makhawók yetneyk ma'a aqsok ektaqmalma nak, kelpelapmeykha aqsok ekmámnaqsoho m'a apkelweynchámeykegkaxa nak chá'a énxet'ák apxámokma, keñe m'a meyke nak nentémakxa yawanchek ekmáheyo kawa'.

Isaías 59:8

Melya'ásegkok ma'a ekyetnamakxa nak meyke ektáhakxa egwáxok, méko ekpéwókxa enxoho m'a aqsok apkelánéyak. Éltaqhahéyak ma'a ámay apkelyetlamakxa nak chá'a; melweteyk meyke ektáhakxa egwáxok ektáha nak apkelyetlo xa ámay nak.

Isaías 8:21

Máxa sa' elmahagkok ma'a énxet'ák, yetlo élyaqhápeykha apkelwáxok tén han meyk élnapma, Kallókashok agko' sa' ma'a meyk élnapma. Elyemnaha sa' ma'a wesse' apwányam apagkok tén han ma'a aqsok apkeláyókxa nak chá'a. Elsekhekxohok sa' néten,

Isaías 8:22

keñe sa' elanok makham náxop, elwetak sa' katnehek ekmaso apheykha tén han ekyaqtéssóxma, ekyaqtéssóxma tén han élyaqhápeykha apkelwáxok. Kápok sa' ekyaqtéssóxma ekyókxoho aqsok.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 8:15

Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Lamentaciones 3:2

Ey'assegkek axta m'a ekyáqtéssamakxa nak exma, éntameykekxeyk axta m'a meykexa nak élseyéxma;

Lamentaciones 4:14

Apkelyawheykha aqsa apkelweynchámeykencha'a m'a ámay nak tegma apwányam, máxa meyke apaqta'ák aptamheykegkok; apkeltexnémakpek éma, méko kamáwhok kapaknegwomhok ma'a apkelnaqta nak.

Amós 8:9

“Wának sa' ko'o katxek ekhem ektáhakxoho yetseksók ekhem xa ekhem nak —axta aptáhak Wesse' egegkok—, ektáhakxoho ekhem sa' wáhakkasek ekyaqtéssóxma xapop.

Miqueas 1:12

Apkelpexyawáha apkellegeykegkoho ekmáske m'a énxet'ák apheykha nak Marot, kelpekhéssek kataqmelwók apheykha, hakte Wesse' egegkok apkeltémo kawak aqsok ekmaso ekweykmoho m'a átog nak ma'a Jerusalén.

Habacuc 1:13

Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?