Isaías 59:7 - Biblia Enxet

⁷ wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

Isaías 59:7 ပူးပေါင်းရင်းမြစ်များ

Proverbios 1:16

hakte yahamók chá'a elanagkok aqsok ekmaso m'a; ¡yahamók chá'a keytek apkelyógkexma'!

Proverbios 15:26

Eltaqnawhok Wesse' egegkok ma'a apmáheyo nak chá'a elanagkok aqsok ekmaso, kalkohok eyke chá'a apwáxok ma'a kélpeywa meyke nak ekyepetche xama aqsok ekmaso.

Proverbios 24:9

Magya'assáxma m'a ekxéneykha nak chá'a apwáxok elának ma'a énxet ekyeyháxma; ¡apyókxoho énxet'ák chá'a etaqnawhok ma'a énxet ekyenneykha nak chá'a appeywa!

Proverbios 6:17

énxet apkeleymákpoho, énxet apkelmopwancha'a amya'a, énxet apkelnapma nak chá'a m'a énxet'ák meyke nak apkeltémakxa',

Proverbios 6:18

énxet élchetámeykha nak chá'a apkelwáxok elanagkok aqsok ekmaso, énxet ekmanyehe nak chá'a elanagkok aqsok ekmaso,

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 32:6

Hakte asagkek chá'a katnehek appeywa m'a énxet ekmaso nak aptémakxa, keñe m'a apwáxok nak kalchetmok chá'a ekmaso agko' yaqwánxa etnehek; ektamok chá'a yaqwánxa etnehek elának aqsok ekmaso agko', apmopwána amya'a nahan chá'a etnehek yenmexmakha m'a Wesse' egegkok; yáphaksek aqsa nahan chá'a etaqhekxak meyke apmésso apto m'a meyk áto nak, megyagkek nahan yegmen ma'a hem áto' nak.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Isaías 65:2

Yókxoho ekhem ko'o sélhaxanma sekmáheyo eykhe almok takha' m'a énxet'ák sénmexeykekxa nak chá'a, apkelmahéyak nak ma'a eyesagkexa nak ámay apkelyetleykekxo m'a ekmáheyókxa agko' nak chá'a apkelwáxok elanagkok;

Isaías 66:4

Alyéssesha sa' eyke ko'o xa apkellegeykegkoho yaqwayam almések ma'a, wáphássesek sa' ma'a aqsok apkeláyo apagko' nak chá'a. Hakte élwóneykha axta eykhe, keñe méko seyátegmoweykegko, élpaqhetchessegkek axta eykhe keñe méko xama seháxenmo; apkeláneykegkek axta aqsa m'a aqsok mamámenyého nak ko'o, apkelyéseykha axta m'a megkaleklamakxa nak ko'o ewáxok.”

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Jeremías 41:7

Xama axta apkelwokmo m'a nepyeseksa nak tegma apwányam, apkelnapchek axta nahan ma'a Ismael yetlo m'a apkelxegexma'a, apxatmeyk axta kañe' yámelchet.

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Ezequiel 18:12

aptawáseykegkoho nak chá'a m'a énxet apmopyósa nak tén han ma'a ekhakxa nak chá'a eyeyméxchexa aqsok apxagkok, tén han apmenyexchesso nak chá'a aqsok apagkok pók, tén han megkeyáseykekxa nak aqsa chá'a aqsok apmésso ekyaqmageykekxa apméyák ma'a pók, tén han apcháyo nak chá'a m'a aqsok kéláyókxa élmasagcha'a nak tén han apkelane nak chá'a m'a aqsok megkaleklamakxa nak chá'a ko'o ewáxok,

Ezequiel 22:6

Apháha kelwesse'e nak chá'a Israel ma'a, cham'a apheykencha'a nak chá'a nepyeseksa exchep, apkeláneykegko nak chá'a ekyókxoho, apmako enxoho chá'a elanagkok ma'a aqsok ekmaso agko' nak.

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.