Isaías 59:2 - Biblia Enxet

² Aqsok ekmaso kélláneyák akke keñamak kéxegke ekhaxtegkessama kélmonye'e m'a Dios; megkólya'assáxma keñamak melányo chá'a kéxegke m'a tén han megyaháxenmo chá'a kélpeywa.

Isaías 59:2 ပူးပေါင်းရင်းမြစ်များ

Proverbios 15:29

Melanók Wesse' egegkok ma'a énxet'ák élmasagcha'a nak apkeltémakxa', emok eyke chá'a takha' nempeywa nélmaxnagko apagkok ma'a énxet'ák élpéwomo nak apkeltémakxa.

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Isaías 58:4

kélátegmómaxchexa chá'a kéltemessáseykekxak ma'a ekhem mantamakxa nak nento tén han kélnápomáxchexa, kóltekpagaxchek chá'a ekyennaqte agko'. Magweyxók ko'o kélmaxnagko kéltáha enxoho chá'a kélláneyak ekhem megkólteykegkaxa kéltéyak xa ektáha nak.

Jeremías 5:25

Megkólya'assáxma eyke keñamak kéxegke ekyaqmagkassama mók ektémakxa aqsok, tén han megkatassama m'a aqsok éltaqmalma.

Lamentaciones 1:8

Awanhók agko' élane megkay'assáxma m'a Jerusalén cháxa keñamak ekpayhémo nak kólwanyaha. Aptaqnawágwokmek kaxwók ma'a apcháyo axta chá'a, hakte apwet'ak kaxwók meyke apáwa. Cháxa keñamak élekxagweyncha'a nak tén han ekmegqaya ekpeyncháxko ekpósa nát.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Josué 7:11

Apkelánegkek melya'assáxma m'a énxet'ák Israel, massék apkelánegko m'a ekhémo mók nélpaqhetchásamáxkoho séltémo axta elanagkok. Apkelmágkek ma'a aqsok séltémo axta eykhe kólmasséssók; apkelmenyexágkek han, apkelya'ásegkók eykhe apkelánegko aqsok ekmaso, keñe han apkelpóssákxo m'a neyseksa ekheykegkaxa nak apkelnaqta.

1 Samuel 4:3

Xama axta apkelwákxo makham sẽlpextétamo israelitas ma'a apkelpakxeneykegkaxa axta, aptáhak axta apkeláneya apkelámha apmonye'e Israel se'e: “¿Yaqsa ektáha apcha'awo nak Wesse' egegkok segmenxena negko'o sakhem ma'a filisteos? ¡Agwakxak sa' Wesse' egegkok yántéseksek apagkok ma'a ekyetnama nak Siló, yaqwayam sa' exog negyeseksa negko'o m'a Wesse' egegkok, tén han hegmenxenchesek neyseksa apmáheyo hẽlmok nélenmexma!”