Isaías 57:9 - Biblia Enxet

⁹ “Kólnaqtémagkokxohok axta chá'a kólsakxések pexmok égmenek ma'a dios Mélec tén han ekxámokma agko' ma'a sokmátsa; kéláphassegkek axta nahan chá'a apseykha amya'a ekweykmoho m'a makhawók agko' nak, kélwagkassamók axta chá'a m'a apkelmaheykegkaxa nak chá'a apkeletsapma.

Isaías 57:9 ပူးပေါင်းရင်းမြစ်များ

Proverbios 7:17

éxpaqhákxók xeyk han ma'a aqsok ánek ekmátsa nak ekpaqneyam, tén han mók aqsok élmátsa nak élpaqneyam.

Isaías 2:9

Apkelmegqásamákpekxoho apagko' aptamheykegkok, apnaqtawásamakpekxoho apagko' aptamheykegkok. ¡Ná elásekhekxoho!

Ezequiel 16:33

Kólmésagkok chá'a ekyánmaga m'a ekyókxoho kelán'ák ekma nak chá'a ekyánmaga ekpathetéyak énxet; keñe exche', kalmésagkok aqsa chá'a aqsok élmésso naqsa m'a ektáha nak chá'a élpathetéyak, kayánmagkasek nahan chá'a kaláneyha elxegmak énxet elenyék ma'a ekyókxoho apheykegkaxa yaqwayam epathetagkok xeye'.

Ezequiel 23:16

Xama axta élwet'a xa énxet'ák Babilonia nak, amenyeyk agko' axta élano tén axta éláphasa apseykha amya'a m'a Babilonia;

Ezequiel 23:40

“Keláphássek axta apseykha amya'a éltamho elxegmak énxet'ák apkeleñama m'a makhawo', apkelxegakmek axta nahan. Yaqpásegkek axta yegmen xa ánet nak, kelyápaqmatchásegkokxeyk axta nahan aqta'ák, kelnatmegkokxeyk axta nahan aqsok étkók agkok éltaqmalma élmomnáwa, yaqwayam enxoho kalmok takha';

Daniel 11:36

“Elának sa' chá'a ekyókxoho ekxénakxa enxoho chá'a apwáxok elának ma'a wesse' apwányam apha nak nexcheyha. Keyxkohok agko' sa' apwáxok, yának sa' eyeykhágweykmohok ma'a ekyókxoho aqsok kéláyókxa nak chá'a, exénmakha sa' ekmaso agko' yenmexek ma'a Dios apmámnaqsoho nak; katyapok sa' ekyókxoho m'a aqsok apkelane, ekwokmoho aplegassásegkoho m'a Dios; hakte megkatnehek melane Dios ma'a apmakókxa enxoho elána'.

Oseas 12:1

Apteykegkek éxchahayam ma'a énxet'ák Efraín: yókxoho ekhem chá'a apkelyetleykha m'a éxchahayam eñama nak ekteyapmakxa ekhem. Apxámáseykekxeyk apkelmopwancha'a amya'a, tén han apkelyennaqteyáseykha chá'a apyempe'ék apnaqtawáseykegkoho apnámakkok, aphéssamók chá'a mók apkelpaqhetchásamákpoho m'a Asiria, apkeláphassegkek chá'a apkelmésso naqsa pexmok égmenek ma'a Egipto.”

Oseas 7:11

Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.