Isaías 57:13 - Biblia Enxet

¹³ Kélpáxamáha sa' agkok kóltegyaha ekpasmo, megkapasmehek sa' ma'a kéleykmássesso kélagkok nak, megkalwagkasek sa' teyp. Éxchahayam sa' kalsók ekyókxoho xa; xama ekwátekhapma sa' kamasséssók. Keñe sa' ma'a ektáha nak chá'a ko'o seyáyo exek sa' chá'a m'a apchókxa, exek sa' chá'a m'a egkexe ekpagkanamaxchexa ahagkok nak.”

Isaías 57:13 ပူးပေါင်းရင်းမြစ်များ

2 Reyes 3:13

aptáhak axta Eliseo apcháneya m'a wesse' apwányam nak Israel: —¡Mowanchek ko'o apasmok xép! Ey'ókxa elmaxnegwakxak ma'a énxet'ák apkelmaxnéssesso axta chá'a aqsok kéleykmássesso apagkok ma'a apyáp axta tén han egken. Apkelenxanakmek axta eyke m'a wesse' apwányam nak Israel: —Ma', Wesse' egegkok negko'o ennaqláyekmok egqántánxo nentáha nak kelwesse'e apkelwányam yaqwayam hẽlmések ma'a moabitas.

Job 21:18

¿Agwethoya chá'a kólexpánchesek, ektémól'a pa'at apák kalsók samaxche éxchahayam agkok?

Salmos 1:4

Megkaxnawok ma'a énxet'ák élmasagcha'a nak apkeltémakxa, hakte aphawók ma'a pa'at apák élsó nak éxchahayam.

Salmos 118:8

Tásek antéhek negáyo Wesse' egegkok, kaxnók antéhek negáyo énxet.

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Salmos 37:11

Sa' eyke elxewekxak xapop ma'a megkaleymáxkoho nak apkelwáxok, awanhók agko' sa' katnehek meyke ektáhakxa apheykha.

Salmos 37:22

Elxewekxak sa' xapop ma'a ektaqmalma nak chá'a apkelxéneykha Wesse' egegkok, keñe sa' ma'a ekmaso nak chá'a apkelxéneykha, kólmasséssók sa'.

Salmos 37:29

Énxet'ák meyke apkeltémakxa sa' elxawagkok ma'a xapop, exmakha sa' chá'a meyke néxa m'a.

Salmos 37:3

Ná ey'ássem Wesse' egegkok, elána aqsok ektaqmela, ná eyensem apyetleykha neyseksa apha xapop apagkok.

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Salmos 37:9

Kólántekkesek sa' apchókxa xa énxet'ák élmasagcha'a nak apkeltémakxa, keñe sa' ma'a énxet'ák melya'ásseyam nak Wesse' egegkok, elmok etnehek apagkok.

Salmos 58:9

eláléwak sa' ektémól'a yámet ekha nak am'ák kólwatnek, amonye' apkelya'ásegwayam; kólpátekkesek sa' yetlo apkeltaqnómap apagko', ektémól'a pa'at axnancha'ák.

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Proverbios 28:25

Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.

Isaías 11:9

Méko sa' xama enxoho kalának ekmaso ekyókxoho m'a egkexe ekpagkanamaxchexa ahagkok nak, hakte kasawhekxohok sa' apya'áséyak Wesse' egegkok ma'a ekyókxoho nak apchókxa, sa' katnehek ma'a ektémól'a ekláneyo yegmen ma'a wátsam ekwányam.

Isaías 14:32

¿Háxko sa' kóltéhek kólátegmowagkokxak ektáha nak élápháseykha m'a apchókxa nak? “Dios appekkenma m'a Sión. Sa' elyexánegwakxak chá'a énxet'ák apagkok ekyentaxnamo nak chá'a apheykha m'a”.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 40:24

Máxa m'a aqsok kélcheneykekxa megkalyennaqtél'a, kaxwe kélcheneykekxal'a, kaxwe élatchessól'a kepmenák ma'a xapop. Apwátekhapchek agkok nepyeseksa m'a Dios, elapyósek, keñe kalsók ma'a éxchahayam ekyennaqte, ektémól'a m'a yámet áwa' apák.

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Isaías 45:20

“Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Isaías 49:8

Aptáhak Wesse' egegkok se'e: “Wokmek yaqwánxa axekmósek seyásekhayo, eyátegmowágkokxeyk nahan; wokmek ekhem nélwagkásamáxchexa teyp, ekpasmeyk nahan. Ektaqmelchessegkek ko'o exchep yaqwayam sa' elánekxak makham ekhémo mók sélpaqhetchásamáxkoho m'a énxet'ák, yaqwayam sa' elánekxak makham ma'a apchókxa, tén han etnehek apagkok ma'a xapop kélsawhomo axta aqsok ekhéyak ma'a kañe',

Isaías 56:7

anaqlanták sa' ko'o m'a egkexe ahagkok ekpagkanamaxchexa nak alpeykessásekxak sa' apkelwáxok ma'a exagkok ektamhomaxchexa nak chá'a nempeywa nélmaxnagko. Almok sa' ko'o takha' aqsok apkelwatno tén han apkelnapma apnegkenweykekxa chá'a m'a néten nak ekwatnamáxchexa aqsok sélmésso, hakte eltamhakpok sa' ko'o exagkok ektamhomaxchexa nempeywa nélmaxnagko apagkok ma'a apyókxoho énxet'ák.

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 65:11

Keñe sa' kéxegke sélyamasma nak ko'o, sektáha nak Wesse', élwagqáméyak nak ma'a egkexe ekpagkanamaxchexa ahagkok, kélmésso nak chá'a kélto tén han vino m'a Gad tén han Mení, kéláyókxa kélxeyenma nak cha'a segmésso negmásewho,

Isaías 65:25

Katwohok sa' xamók ekto wáwo m'a nepkések apketkok, katwok sa' pa'at ma'a méwa ektémól'a weyke, keñe sa' ma'a yéwa katwok xapop. Méko sa' xama enxoho kalának ekmaso m'a ekyókxoho nak egkexe ekpagkanamaxchexa ahagkok.” Wesse' egegkok apxeyenma xa.

Isaías 65:9

Wának sa' exek aptawán'ák neptámen ma'a Jacob, wának sa' nahan exek énxet ma'a Judá yaqwayam sa' exnakha m'a néten meteymog élekhahéyak ahagkok nak. Sa' etnehek apagkok xapop ma'a sélyéseykha nak chá'a ko'o, sa' exnakha séláneykha nak ko'o m'a.

Isaías 66:20

Wának sa' ko'o elchexyók apyókxoho kélókxa xamo' nak kéxegke, apkelenyeykta m'a ekyókxoho apkelókxa apkelchánte m'a yátnáxeg, yátnáxeg apkelyenyawasso, tén han ma'a yántéseksek kélpatmeykegkól'a énxet, élyeheykok tén han ma'a yányátnáxeg. “Etnehek sa' xama aqsok sélmésso naqsa ko'o m'a kañe' Jerusalén, egkexe ekpagkanamaxchexa ahagkok nak, ektémól'a m'a aqsok sélmésso naqsa apkelseykental'a chá'a israelitas egheykok élmópeyo m'a tegma appagkanamap ahagkok. Ko'o sekxeyenma xa, sektáha nak Wesse'.

Jeremías 2:28

Énxet'ák Judá, ¿háxko ekheykegkaxa m'a aqsok kéláyókxa kélláneyak axta? ¡Xámok agko' kéxegke aqsok kéláyókxa, hawók ma'a tegma apkelyawe kélagkok nak! ¡Tásek sa' kalxegmak ma'a, awanchek sa' kexaha kalwagkasek teyp eyáhapwa'a sa' ekmaso kélheykha!

Jeremías 22:20

“¡Énxet'ák Judá, kólchenát sa' néten egkexe Líbano, tén sa' kólyennaqtések kélpeywa! ¡Kólpáxamha sa' ma'a ekpayho nak élámhakxa meteymog Basán! Kólwónches sa' ma'a ekpayho nak naw'ék egkexe Abarim, hakte apmenxenákpek ma'a appasmeykekxa axta kéxegke!

Jeremías 22:22

Éxchahayam sa' kalsók ma'a apyókxoho apkelámha apmonye'e kélagkok, kólnaqlakxak sa' megkatnahakxa apkelókxa m'a appasmeykekxa axta chá'a kéxegke. Kólmegqágwakxohok kélagko' sa', eñama m'a ekyókxoho kéltémakxa ekmaso nak.

Jeremías 30:14

Massegkek nahan élxeyenma apkelwáxok kéxegke m'a apyókxoho kélásekhayókxa nak; massegkek élyetnakhassamo apkelwáxok kéxegke. Élyensassegkek axta ko'o kéxegke, máxa axta ektemék ma'a apteméssessamól'a elyensaksek ma'a kélenmexma, éllegassáseykegkok axta ekyentaxno agko' eñama ekxámokma kéltémakxa ekmaso, tén han ekxámokma agko' ma'a megkólya'assáxma.

Ezequiel 20:40

Apyókxoho énxet'ák Israel sa' ko'o hélpeykeshok ma'a néten egkexe ekpagkanamaxchexa ahagkok nak, cham'a egkexe netno nak ma'a Israel, ekpayhókxa nak ma'a seyókxa. Ko'o sekxeyenma xa, sektáha nak Wesse'. Sa' almok ko'o takha' m'a; sa' wának nahan hélanaksek aqsok sélmésso naqsa m'a, tén han hélsantagkasek chá'a m'a émha amonye' apnakxo nak aqsok apkeneykekxa tén han ma'a ekyókxoho aqsok ekyetnakxa nak apmáheyo hepagkanchesek.

Oseas 13:3

Cháxa keñamak peya nak elxohok ma'a téyáméten ekteyapmól'a axto'o, ektémól'a m'a yálye ektéyam la'a amonye' élseye, ekmanyehe nak chá'a kamassegwók, elxohok sa' ma'a ektémól'a pa'at apák élsól'a éxchahayam, tén han ektémól'a éten ekteyapmól'a m'a néten ekpánmakxa'.

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Zacarías 7:13

Aptáhak axta s'e: “Magweyxók sa' ko'óxa sewóneyncha'a enxoho xa énxet'ák nak, ekhawo aptamhágkaxa nak megyahaxnawo sélwóneyncha'a ko'o.

Jueces 10:14

¡Kólxeg kólmaxnegwakxa yaqwayam kapasmok ma'a aqsok kéláyókxa kélyéseykha axta kéxegke! ¡Sa' kalwagkasek teyp kéxegke m'a neyseksa ekyentaxno kélheykha!”