Isaías 57:11 - Biblia Enxet

¹¹ “¿Yaqsa xa aqsok kéláyókxa kéláya nak chá'a kéxegke tén han kéláyo nak chá'a, yaqwayam enxoho hélyensók ko'o sélyetleykha tén han kamassegwomhok agko' ekxeyenma kélwáxok ko'o? Ekwanmagkamchek axta aqsa ko'o mehéláyo axta, máxa malweteya axta ektemék.

Isaías 57:11 ပူးပေါင်းရင်းမြစ်များ

Salmos 50:21

Cháxa kéltémakxa kéxegke xa ektáha nak, ekwanmagkamchek eyke aqsa ko'o; ¡kélanagkamchek axnémók ko'o kéxegke! Kélnápaqta'awók sa' ko'o alxénchásekxohok kéltémakxa, ¡ayaqmagkásekxak sa' mók kéltémakxa!

Salmos 78:36

Kaltaqmalmakha axta chá'a apkelpeywa, atsek axta chá'a katnehek apkelpeywa etnahagkok apkelmopwancha'a amya'a,

Proverbios 29:25

Asagkek ageyk ma'a énxet'ák, yetneyk eyke katnehek apmeyámap ma'a énxet apteme nak apcháyo Wesse' egegkok.

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Isaías 26:10

Elepyóshok sa' eykhe elanok xép ma'a élmasagcha'a nak apkeltémakxa, megkaltámeyagkek sa' eyke yaqwayam elanagkok aqsok ekpéwomo m'a; élmasagcha'a agko' apkeltémakxa nepyeseksa énxet'ák ekha nak apkelyeheykekxoho m'a, melya'ásegkok nahan ektémakxa nak apteme apwányam apagko' ma'a Wesse' egegkok.

Isaías 30:9

Énxet'ák apkenmexeykekxa chá'a Dios xa énxet'ák nak, apyenseyam chá'a apkelyetleykha, megkalmopmenyého nak yeyxhok ma'a Wesse' egegkok nélxekmowásamáxche apagkok.

Isaías 42:14

Aptáhak Wesse' egegkok se'e: “Ahóxek agko' sekwanmeyeykha aqsa, ekwanmagkamchek aqsa, mapaqméteykha xama enxoho; awhesha sa' kaxwo', máxa sa' atnehek ma'a ektémól'a kelán'a káskok awáxok kamáwhok katnehek naqláwa, wápentegmakha sa', atekkesha sa' nahan sénnama.

Isaías 44:20

Máxa apteykegko enxoho táhap xa. Apchahayók élyexancháseykencha'a m'a ektémakxa nak élchetámeykha apkelwáxok megkamámnaqsoho. Mopwanchek elwagkasakpok teyp xa énxet'ák nak. Mopwanchek elyekpelkohok apkelmeykencha'a m'a ektémakxa nak apkelmopwancha'a amya'a.

Isaías 47:7

Axta temék chá'a ekpeywa s'e: ‘Atnehek sa' chá'a wesse' meyke néxa'; keñe megkalchetagkáseykencha'a exche' awáxok ektémakxa xa aqsok nak, megkaxeyenmak nahan awáxok yaqweykenxa katnéssesek.

Jeremías 2:32

¿Kalwánaqmohoya chá'a xama kelán'a aqsok étkók agkok élmomnáwa, tén han élmeykha axta chá'a élnáxameykha m'a élyamhopma? Keñe énxet'ák ahagkok, nanók ekmasse élxéneykha apkelwáxok ko'o.

Jeremías 3:21

“Legáxcheyk élpayheykha kélatña'ák ma'a néten egkexe ekyamáyekxa nak exma: ¡israelitas ma'a apkellekxagweyncha'a nak, apkeltamho nak kalepyóshok kóllano'! Apkelyetnakhágweykmek apkelyetlo ámay ekpéwomo, megkalxeyenmak apkelwáxok ko'o, sektáha nak Dios Wesse' apagkok.

Jeremías 38:19

Aptáhak axta Sedequías apchátegmowágko s'e: —Eyekak eyke ko'o m'a Judíos appaxqeykekxa nak caldeos, segkexakhama nak negko'o; emeyk agkok ko'o m'a, hetwasagkohok sa'.

Jeremías 41:18

yaqwayam enxoho yenyahagkok apmonye'e m'a caldeos, hakte apkeláyak axta eñama apchaqhe Ismael ma'a Guedalías, apteméssessama axta apkeláneykha apchókxa m'a wesse' apwányam Babilonia.

Jeremías 42:20

Awanhók agko' kéxegke megkólaqhémo kéltáhakxa peya nak kalsexnena', hakte kéxegke kélagkók axta kéltémo ay'ókxések ma'a Dios Wesse' kélagkok, axta kéltáhak séláneya s'e: ‘Hẽlmaxnésses negko'o Dios Wesse' egagkok, hegya'ássesagkoho sa' nahan ekyókxoho m'a aptáhakxa enxoho apcháneya, yaqwayam enxoho negko'o anlána'.’

Ezequiel 13:22

Kélyélaqtéssessegkek kéxegke apkelwáxok eñama kélyexancháseykha m'a énxet'ák meyke nak apkeltémakxa, cham'a mamámenyého nak ko'o alána', keñe kélwasqakkáseykekxoho kéltémo ellenxanmagkohok apkelánéyak apkeltémakxa ekmaso m'a énxet'ák élmasagcha'a nak apkeltémakxa, yaqwayam enxoho magkéshek ko'o élyennaqte apnegya'ák.

Oseas 11:12

“Ewakhassegkek ko'o apkelmopwancha'a amya'a m'a énxet'ák Efraín, ewakhassegkek ko'o sélyexancháseykha m'a énxet'ák Israel. Apyamasmeyk Dios ma'a Judá, melwátesseykmok kaxwók apkelyetleykha m'a aqsok kéleykmássesso.