Isaías 56:9 - Biblia Enxet

⁹ Kólchexyem, aqsok nawha'ák éllo; kólchempoho, aqsok nawha'ák élleykha nak naxma, kóltáswata nepkések;

Isaías 56:9 ပူးပေါင်းရင်းမြစ်များ

Salmos 104:20

Eyáqtéssesek chá'a exchep, keñe chá'a katnehek axta'a, keytlawhok han chá'a élánteyapma m'a aqsok nawha'ák élleykha nak naxma.

Isaías 18:6

Ekyókxoho aqsok sa' kaltaqmopagkok ma'a néten meteymog élekhahéyak nak, yaqwayam sa' katawagkok ma'a náta élyawe ektómo nak chá'a mók, tén han ma'a aqsok nawha'ák éllo nak. Kalyagqak sa' náta, ekhem ekmexanmakxal'a exma m'a, keñe sa' ekyókxoho aqsok nawha'ák éllo kallawha chá'a m'a ekhem apmopsamágexal'a.”

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Jeremías 12:9

Máxa náta éltaqmalmal'a ektáxama áwa' m'a énxet'ák ahagkok nak, étámeykmo nak chá'a m'a mók náta nak. ¡Kólchexyem, kélyókxoho aqsok nawha'ák élmeymentakcha'a nak; kólaqnekxa', kóllána ektámaxche ekyawe!

Jeremías 23:1

Aptáhak Wesse' egegkok se'e: “¡Keláneykha nepkések la'aye, apchahayo nak aqsa chá'a elxeganmok seknaqtósso nepkések, tén han yexpaqnek!”

Ezequiel 29:5

Ayenyók sa' ma'a yókxexma ekyamáyekxa nak exma, yetlo m'a ekyókxoho kelasma éleñama nak wátsam apagkok; etyegwók sa' ma'a yókxexma eyáxñeyo nak, méko sa' nahan kawakxak yaqwayam enxoho kólátawanyek. Wának sa' katwok ma'a aqsok nawha'ák éllo élleykha nak naxma tén han ma'a máma.

Ezequiel 39:17

Aptáhak axta seyáneya Wesse' egegkok se'e: “Yána sa' kaqnekxak ekyókxoho náta tén han aqsok nawha'ák éllo m'a neyáwa nak, yána sa' kalmeyenták ma'a meteymog élekhahéyak nak Israel, cham'a yaqwánxa sa' ko'o alanaksek ma'a aqsok ektekyawa. Katawagkok sa' ma'a ápetek, keynagkok sa' nahan ma'a éma;

Deuteronomio 28:26

Máma sa' etawagkok ma'a kélhapák nak kéxegke tén han ma'a aqsok nawha'ák éllo, méko sa' kamenxenchesha.