Isaías 56:3 - Biblia Enxet

³ Apya'aweykxeyk agkok Wesse' egegkok xama énxet apkeñama nak mók nekha, megkeyméxchek etnehek appeywa s'e: “Hétnakhaksek sa' ko'o Wesse' egegkok nepyeseksa m'a énxet'ák apagkok.” Megkeymexchek nahan etnehek appeywa énxet kélteme nak yágkelwána s'e: “Ko'o sekteme xama yámet ekyamaye.”

Isaías 56:3 ပူးပေါင်းရင်းမြစ်များ

2 Crónicas 6:32

“Tén han ma'a énxet apkeñama nak mók nekha, metnaha nak énxet'ák apagkok, apkeñama nak xapop makhawók agko', eñama aplege exchep apwesey ekyawe, tén han ma'a apmopwána, appayhentámho enxoho etnehek nempeywa nélmaxnagko s'e tegma appagkanamap nak,

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 39:7

Kawomhok sa' kélnaqleykekxa Babilonia nápakha m'a aptawán'ák neptámen apancha'awo nak, yágkelwán'ák sa' kóltamhagkok, keñe sa' kólteméssesagkok apkeltamheykha m'a kañe' nak wesse' apwányam apxagkok apyawe.’

Isaías 56:5

almésagkok sa' ko'o aqsok éltaqmalma agko' megkaxnawo nak ma'a kélketchek apkelennay'a nak tén han ma'a kelwán'ák nak; almések sa' ko'o yaqwayam kaxnagkok apkelwesey kélnaqtáxéséyak meyke néxa m'a kañe' tegma appagkanamap ahagkok nak, cham'a kañe' nak meteymog kélhaxta nepyáwa exagkok; almések sa' meyke néxa apkelwesey, yaqwayam sa' megkamassésaxcheyk xama enxoho.

Isaías 56:6

Keñe sa' ma'a énxet'ák apkeleñama nak mók nekha sey'eykekta ko'o, yaqwayam etnehek sétleykha tén han seyásekhayo, yaqwayam nak etnahagkok séláneykha, apchekawók agkok ma'a ekhem sábado metwáseyncha'a enxoho, melyensakmo enxoho apkelyeheykekxoho m'a ekhémo mók sélpaqhetchásamáxkoho,

Jeremías 50:5

Etegyaha sa' amya'a ekpayhókxa ámay ma'a Sión, tén sa' elpéwhok ma'a, sa' etnehek apkelpeywa s'e: ‘Agyo'ókxak Wesse' egegkok, agyepetchegwakxak yetlo nenlane ekhémo mók nélpaqhetchesamaxkoho megkamassegwayam, megkalwagqámomáxche nak chá'a xama enxoho.’

Levítico 21:20

essenhan apkekhé nak, essenhan ma'a apyaqwate nak, essenhan élmope apaqta'ák, essenhan nélyensómaxche apyempehek, essenhan élenmogéyak nak apyempehek, tén han élmaso nak apancha'ák.

Levítico 25:45

Apwanchek han elmok ma'a énxet apkeleñama nak mók nekha apheykha nak kélnepyeseksa kéxegke, tén han ma'a apketchek appalleyam nak neyseksa apheykha s'e kélókxa nak kéxegke; eyke kélwanchek kéxegke kólmok ekha ekyánmaga xa yaqwayam kóltéhek kélagkok

Sofonías 2:11

Asagkók agko' sa' katnehek apteméssesakxa Wesse' egegkok ma'a énxet'ák nak. Emasséssók sa' ekyókxoho aqsok kéláyókxa nak chá'a m'a apchókxa, sa' aqsa wánxa kólpeykeshok chá'a ekyókxoho apheykegkaxa m'a, kawakxohok sa' ma'a énxet'ák apheykha nak neyáwa wátsam ekwányam.

Números 18:4

Kéméxcheyk eltemeykha xamók xép ma'a kélpakxanma appagkanamap nak, tén han ma'a ekyókxoho kéltamheykha ekpayhawo nak chá'a kóllána'. Méko sa' eyke xama énxet apwanchek elyepetchegwomhok kéxegke, megkatnaha nak aptamheykegkaxa;

Números 18:7

Xép sa' eyke aqsa chá'a elának aptamheykha ektémakxa nak chá'a apkeltamheykha apkelmaxnéssesso Dios énxet'ák apagkok yetlo apketchek ma'a ekwatnamáxchexa nak chá'a aqsok, essenhan élánamáxche nak chá'a aqsok ma'a teyp nak apáwa. Kéxegke kéltamheykha xa nentamheykha nak, hakte ko'o axta sekmésso kéxegke kélmowána kóllának xa ektémakxa nak apkeltamheykha m'a apkelmaxnéssesso Dios énxet'ák apagkok. Yetneyk sa' agkok énxet apkelane aptamheykha ektémakxa nak chá'a apkeltamheykha apkelmaxnéssesso Dios énxet'ák apagkok, neyseksa metne, ematñekxak sa'.”

Deuteronomio 23:9

“Kélyo'ókmek sa' agkok chá'a kéxegke kempakhakma kólempakhak ma'a kélenmexma nak, nágkóllána chá'a xama enxoho m'a aqsok ényetséssamo nak chá'a egyempehek, cham'a kélpakxenwánxa enxoho chá'a.