Isaías 56:2 - Biblia Enxet

² Apkeleñémo énxet apyetlo nak xa segánamakxa nak tén han apkelane nak chá'a yetlo meyke apyenseyam, apcháyo nak chá'a m'a ekhem sábado metwáseykha nak chá'a, apkeláneykegkoho nak chá'a aptáhakxa yaqwayam melanyek xama aqsok ekmaso.”

Isaías 56:2 ပူးပေါင်းရင်းမြစ်များ

Nehemías 13:17

Keñe axta sélpaqhetchesa ekyennaqte m'a apkelámha apmonye'e nak Judá, sektáha séláneya s'e: —Asagkók agko' nak la'a kéltáhakxa kéltawáseyncha'a m'a ekhem sábado.

Salmos 106:3

Apkeleñémo énxet apkelane nak chá'a aqsok ekpéwomo, tén han apkelane nak chá'a ekpayhawo nak chá'a etnehek.

Salmos 112:1

¡Aleluya! Apkeleñémo énxet apcháyo nak chá'a Wesse' egegkok, ekpeykeseykekxoho nak chá'a apwáxok ma'a apkeltémókxa nak chá'a antéhek.

Salmos 119:101

Meytleykekxak chá'a m'a ekyókxoho ámay ekmaso, yaqwayam alyahakxohok ma'a appeywa.

Salmos 128:1

Apkeleñémo exchep apcháyo nak chá'a Wesse' egegkok, tén han apkelyaheykekxoho nak chá'a.

Salmos 34:14

Kólyetnakhés nentémakxa ekmaso, kóllána aqsok ektaqmela; kólchetam meyke ektáhakxa nak negha, nágkólyensem nahan.

Salmos 37:27

Étnakhés nentémakxa ekmaso, elána' aqsok ektaqmela, tén sa' kaxek chá'a aphamakxa.

Éxodo 20:10

wánxa eyke m'a ekhem siete ekteme néllókassamakxa nélyampe kélpagkanchessamakxa m'a Dios Wesse' apagkok. Ná elána' xama enxoho aptamheykha xa ekhem nak, ekweykekxoho m'a apketche apkenna nak, tén han ma'a kelwána nak, tén han ma'a apchásenneykha kelwána nak, tén han ma'a apkenna nak, tén han ma'a aqsok apnaqtósso nak, tén han ma'a énxet apkeñama nak mók apkelókxa apha nak ma'a apxagkok.

Éxodo 20:8

“Kaxén sa' apwáxok ma'a ekhem sábado, yaqwayam epagkanchesek ma'a Wesse' egegkok.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 16:17

Negyamasma aqsok ekmaso apkeltémakxa nak ma'a énxet'ák élpéwomo nak apkeltémakxa; nenláneykegkoho nentémakxa', cháxa negmasma negyennaqte xa.

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Proverbios 4:13

Emyow sa' ma'a sélxekmowáseyak axta, ná eyenyekxa aqsa; elána' sa' chá'a, hakte cháxa yaqwayam chá'a kagkések ekyennaqte apnények xa.

Proverbios 4:27

Ná étnakhágwom chá'a ámay apagkok; nágyoho kasógwok apxega.

Eclesiastés 7:18

Ektaqmelakxoho exchep emagkok ekyennaqte s'e aqsok nak, meyke apyenyeykekxa apméyak ma'a mók aqsok nak. Énxet apteme nak apcháyo Dios, emallánek chá'a xa ekyókxoho aqsok nak.

Isaías 56:4

Hakte aptáhak Wesse' egegkok se'e: “apkelakawók agkok chá'a ekhem ahagkok sábado m'a énxet'ák yágkelwán'ák nak, apkelánegko enxoho chá'a m'a sekmámenyého nak chá'a ko'o, melyensakmo enxoho chá'a m'a ekhémo mók sélpaqhetchásamáxkoho nak,

Isaías 56:6

Keñe sa' ma'a énxet'ák apkeleñama nak mók nekha sey'eykekta ko'o, yaqwayam etnehek sétleykha tén han seyásekhayo, yaqwayam nak etnahagkok séláneykha, apchekawók agkok ma'a ekhem sábado metwáseyncha'a enxoho, melyensakmo enxoho apkelyeheykekxoho m'a ekhémo mók sélpaqhetchásamáxkoho,

Isaías 58:13

“Kóltaqmelches chá'a ekhem sábado; nágkólyánmagkasaxche chá'a ekhem ahagkok ekpagkanamaxchexa nak. Kóltemésses ekhem ekpayheykekxexa kélwáxok xa ekhem nak, ekhem ekpagkanamaxche' apagkok ma'a Wesse' egegkok tén han ekpayhémókxa chá'a kaxének kélwáxok; nágkóltawasha, nágkóllána chá'a m'a aqsok kélmáheyo nak chá'a kóllána', nágkóltegyaha nahan chá'a m'a kélagkok kélagko' nak chá'a aqsok, nágkólyánmagkasaxche nahan chá'a.

Ezequiel 20:12

Élya'assásegweykmek axta nahan ma'a ekhem ahagkok sábado, yaqwayam enxoho katnehek magkenatchesso nepyeseksa m'a tén han ko'o xa, tén han ekxénweykekxoho chá'a apkelwáxok ektáha ko'o sekpagkanchesso, ko'o sektáha nak Wesse'.

Ezequiel 20:20

kóltemésses nahan chá'a ekpagkanamaxche m'a ekhem ahagkok sábado, yaqwayam sa' katnehek xama aqsok magkenatchesso kélnepyeseksa kéxegke tén han ko'o xa; keñe sa' kólya'ásegwók, sektáha ko'o Dios Wesse' kélagkok.

Levítico 19:30

“Kólteme kéláyo ekhem ahagkok sábado. Kóltaqmelches chá'a m'a sélpeykessamókxa nak chá'a. Ko'o sekteme Wesse'.