Isaías 56:1 - Biblia Enxet

¹ Aptáhak Wesse' egegkok se'e: “Kóllána chá'a aqsok ekpéwomo tén han ma'a ekpayhawo nak chá'a kóllána', hakte chágketwa'ak ma'a nélwagkásamáxche teyp ahagkok; kaxwók sa' axekmósek sekmowána segwagkassamo nak teyp.

Isaías 56:1 ပူးပေါင်းရင်းမြစ်များ

Salmos 106:3

Apkeleñémo énxet apkelane nak chá'a aqsok ekpéwomo, tén han apkelane nak chá'a ekpayhawo nak chá'a etnehek.

Salmos 50:23

énxet segkésso nak chá'a ekxeyenma apwáxok, cháxa seyáyo ko'o xa. ¡Awagkashok chá'a ko'o teyp ma'a aptaqmelchásamákpoho nak chá'a sétleykha!”

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Isaías 33:5

Méko kayeykhágwomhok ma'a Wesse' egegkok, hakte aphegkek ma'a néten; cha'a apsawheyáseykekxoho ekpéwomo nentémakxa Sión ma'a tén han ektaqmalma nentémakxa,

Isaías 46:13

Eyágketchessa'ak ko'o m'a sektamheykha segwagkassamo nak teyp; yahamók agko' ko'o kawak ma'a nélwagkásamáxche teyp ahagkok nak, megkeytnók makhawo'. Awagkasek sa' ko'o teyp ma'a Sión agkések sa' Israel ma'a ektémakxa nak seyeymáxkoho.

Isaías 51:5

Chágketwa'ak kaxwók ma'a ekpéwomo nentémakxa ahagkok, ketók kaxwók ekweykxa m'a nélwagkásamáxche teyp ahagkok; yetlo sekmowána sa' ko'o atnehek alanha m'a énxet'ák. Héleyxek sa' ko'o m'a énxet'ák apheykha nak apkelókxa neyáwa wátsam ekwányam, yásenneykxak sa' ma'a ektémakxa nak ko'o sekmowána.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 61:8

Hakte yásekhohok Wesse' egegkok ma'a ekpéwomo nak nentémakxa, etaqnawho eyke m'a negmenyexma nak tén han ma'a nenlane nak aqsok ekmaso agko'. Sa' elmések nahan ekyaqmageykekxa m'a ekhawo aptáhakxa axta apkeltennasso, elának sa' nahan ekhémo mók apkelpaqhetchásamákpoho meyke néxa.

Isaías 64:5

Emhohok xép takha' m'a énxet apkelane nak chá'a aqsok ektaqmela yetlo ekpayheykekxa apwáxok, megkalwagqayam nak chá'a elának ma'a apmopmenyého nak chá'a exchep. Aplamchek axta exchep, hakte nenláneykegkek axta negko'o mólya'assáxma; nanók agko' axta nenlókáséyak.

Daniel 9:24

“Setenta semána sa' kayeykhak kólmasséssók apkeltémakxa élmasagcha'a m'a énxet'ák apagkok tén han melya'assáxma, tén han tegma apwányam appagkanamap nak, yaqwayam sa' megkólyaqmagkásekxeyk ma'a apkeltémakxa élmasagcha'a, tén han keytek ekpéwomo nentémakxa meyke néxa, yaqwayam sa' katnehek ma'a ektémakxa axta aqsok apwete, tén han ekxénamaxche' kéltemessásekxo sa' appagkanamap apagko' ma'a Tegma Appagkanamap nak.

Oseas 12:7

Aptáhak Wesse' egegkok se'e: “Apmeykha énxet'ák Canaán ma'a kelyetsáteyak ekmenyexmo nak, hakte atsek chá'a emáwhok emenyexek pók.

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.

Malaquías 4:4

“Kaxénwakxoho sa' kélwáxok ma'a segánamakxa sekméssama axta ko'o séláneykha Moisés ma'a egkexe nak Horeb. ¡Segánamakxa axta m'a, apkelánémap axta elanagkok ma'a apyókxoho énxet'ák Israel!