Isaías 55:8 - Biblia Enxet

^8-9 Hakte megkaxnawok ko'o ektémakxa nak élchetamso ewáxok ma'a ektémakxa nak kéxegke élchetamso kélwáxok, megkaxnawok nahan sélane aqsok ma'a ektémakxa nak kéxegke kéllánéyak aqsok —axta aptáhak Wesse' egegkok. Cham'a ektémakxa nak ekyetno néten kóneg ma'a xapop, cháxa ektémakxa ko'o xa élchetamso ewáxok xa tén han aqsok sélane, kóneg egyetnók ma'a ektémakxa nak kéxegke élchetamso kélwáxok tén han ma'a aqsok kéllánéyak nak.”

Isaías 55:8 ပူးပေါင်းရင်းမြစ်များ

2 Samuel 7:19

¡Háwe han ekwánxa agkok peya henteméssesek negko'o xa ektáha nak Wesse' ahagkok, xénchek makham apwáxok ma'a étawán'ák peya nak elántépok netámen, cham'a egmonye' sa', ko'o sektáha nak apkeláneykha! ¡Méko xama énxet etnehek xa aptémakxa nak xép, Wesse' egegkok!

2 Reyes 5:11

Aplókók apagko' axta han Naamán, axta aptáhak appaqmétegkokxo s'e: —Éneyk xeyk hemok takha', tén han etnamha ewónmakha m'a Dios Wesse' apagkok, keñe han etnehek ketók apmek ma'a ekmasagkexa nak émpehek, keñe hemasséssesek ma'a ektepelchamaxche nak émpehek.

Job 35:5

Yenmexho hana néten, elano, netnók ma'a yaphope apyetseksek nak.

Salmos 25:10

Enaqlakxak chá'a yetlo apkelásekhayo, tén han melyenyaweykha m'a ektáha nak chá'a apkeláneyak ekhémo mók nélpaqhetchásamáxkoho apagkok nak, tén han ma'a apkeltémókxa nak antéhek.

Salmos 33:11

megkamassegwomek eyke m'a aqsok apmáheyo nak chá'a elának Wesse' egegkok.

Salmos 40:5

Wesse', Dios ahagkok, xámok agko' nak la'a exchep senlánésso aqsok éltaqmela, xámok agko' aqsok senlánésso ekxeyenma apwáxok negko'o. ¡Méko aphawo exchep! Émenyeyk eykhe ko'o axének xa, tén han alyetsetek, mowanchek eyke, xámok agko'.

Salmos 92:5

Oh Wesse', élyawa agko' nak la'a m'a aqsok apkelane nak! ¡askehek agya'asagkohok ma'a ektémakxa nak élchetámeykha apwáxok!

Proverbios 21:8

Háwe ekpéwomo m'a apkeltémakxa nak chá'a énxet'ák élmasagcha'a nak aptémakxa'; tásek eyke chá'a katnehek aqsok apkelane m'a énxet meyke nak aptémakxa'.

Proverbios 25:3

Mogwanchek agya'asagkohok ektémakxa m'a néten, tén han ekwánxa ekmattawóneg ma'a xapop nak, keñe han ma'a ektémakxa nak élchetámeykha apkelwáxok ma'a apkelwesse'e apkelwányam.

Isaías 14:24

Naqsók aptáha appeywa Wesse' ekha nak apyennaqte s'e: “Megkatnehek sa' megkalánamáxche m'a sekxeyenma axta ko'o kalanaxche'; aqsok sekmámenyého axta katnehek, katnehek sa'.

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Isaías 58:13

“Kóltaqmelches chá'a ekhem sábado; nágkólyánmagkasaxche chá'a ekhem ahagkok ekpagkanamaxchexa nak. Kóltemésses ekhem ekpayheykekxexa kélwáxok xa ekhem nak, ekhem ekpagkanamaxche' apagkok ma'a Wesse' egegkok tén han ekpayhémókxa chá'a kaxének kélwáxok; nágkóltawasha, nágkóllána chá'a m'a aqsok kélmáheyo nak chá'a kóllána', nágkóltegyaha nahan chá'a m'a kélagkok kélagko' nak chá'a aqsok, nágkólyánmagkasaxche nahan chá'a.

Isaías 65:2

Yókxoho ekhem ko'o sélhaxanma sekmáheyo eykhe almok takha' m'a énxet'ák sénmexeykekxa nak chá'a, apkelmahéyak nak ma'a eyesagkexa nak ámay apkelyetleykekxo m'a ekmáheyókxa agko' nak chá'a apkelwáxok elanagkok;

Jeremías 3:1

Aptáhak Wesse' egegkok se'e: “Yenyókek agkok aptáwa' xama énxet, keñe ektepa enxoho aphakxa xa kelán'a nak, kamekxak pók énxet, yawanchek kay'ókxak makham ma'a apmonye' atáwa' axta. ¡Ekmanyása agko' sa' katnéssesek apchókxa ektáha enxoho xa ektáha nak! Keñe exche' Israel, kelánéseykegkek nentémakxa ekmaso mansexta apxámokma apagko' ma'a élásekhayókxa nak. ¡Keñe kaxwo' ekmako makham ko'o hey'óta'! Ko'o sekxeyenma xa, sektáha nak Wesse'.

Ezequiel 18:29

“Hexének sa' eyke ko'o énxet'ák Israel megkapéwo m'a aqsok sélane. ¿Yagkapéwók ko'o aqsok sélane? ¿Háweya énxet'ák Israel ma'a megkapéwomo nak chá'a aqsok apkelánéyák?

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”