Isaías 54:9 - Biblia Enxet

⁹ “Ektáhak ko'o kaxwók sekxéna exche' peya mataqnókehe' tén han maxének kaxwók añássesagkoho', sektémakxa axta seyanagkama m'a Noé séltémo axta megkápekxók chá'a kaxwók yegmen ekyawe keso náxop, cham'a natámen axta eyapma yegmen ekyawe.

Isaías 54:9 ပူးပေါင်းရင်းမြစ်များ

Génesis 8:21

Xama axta aptekhana Wesse' egegkok xa ekmátsa nak ekpaqneyam, aptáhak axta s'e: “Wánxa kaxwók sektaqnagko keso náxop, eñama apkeltémakxa énxet'ák, hakte apketkok apkeynmókxa énxet wánxa kaxénmakha apwáxok elának aqsok ekmaso. Mamasséssemek han chá'a kaxwók ma'a ekyókxoho aqsok nawha'ák, sektáhakxa nak se'e kaxwo' nak.”

Job 11:16

kamaskok sa' kaxének apwáxok ma'a ektémakxa nak aplegeykegkoho; kalwánaqmak sa' ektémól'a yegmen kaxog.

Salmos 104:9

cham'a néxa axta apkeltémókxa megkamalláne', yaqwayam enxoho megkápekxók chá'a m'a xapop.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 49:18

Kalyeheykha, kasawheykha exma neyáwa', kalano ektáhakxa apwakhegwa'akto apyókxoho énxet, tén han ektáhakxa apkelye'eykekta exche'. “Naqsók ko'o sekxéna, sektáha nak Wesse' peya elxohok aqsok étkók élmomnáwa xa apyókxoho nak yaqwayam sa' kawakhésaxchek xeye', ektémól'a kélnáxegkáseykha m'a xama kelán'a ekmáheyól'a kalyamhápok.

Isaías 51:22

Aptáhak Dios Wesse' kélagkok se'e ektáha axta apkelmasma m'a énxet'ák apagkok: “Eymentemekxak sa' ko'o kéxegke s'e egheykok élnápeykencha'a nak chá'a kélyeta m'a kañe'; megkólyenekxók sa' chá'a kaxwók ma'a egheykok kélyeta nak seklo.

Isaías 51:6

“Kólenmexho néten, keñe sa' kólenmexentámhok náxop: máxa éten sa' katnehek kamassegwók ma'a néten, kakpelchexchek sa' ma'a xapop, máxa apáwa nentaxno sa' katnehek, keñe sa' ma'a énxet apheykha nak ma'a awáxok máxa páye sa' etnehek eletsapok. Megkamassegwomek sa' eyke m'a nélwagkásamáxche teyp ahagkok nak, meyke néxa sa' katnehek ma'a ekpéwomo nentémakxa sekpekkenma nak ko'o.

Isaías 51:8

hakte elxohok sa' elmassegwók ma'a apáwa nentaxno askok ektól'a, ektémól'a m'a nepkések apwa' askok ektól'a. Megkamassegwomek sa' eyke m'a ekpéwomo nentémakxa sekpekkenma nak ko'o, yókxoho apyeyam sa' chá'a keytek ma'a nélwagkásamáxche teyp ahagkok nak.”

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Jeremías 31:37

Kélwanchek sa' agkok kélyetsátegko xama ekhem ekwánxa ekyawe m'a néten, tén han kéllanawo enxoho xapop, ekweykekxoho m'a awhak nak, akxák sa' ko'o énxet'ák Israel xa ekhem nak, eñama m'a ekyókxoho aqsok ekmaso apkeláneyak. Ko'o sekxeyenma xa, sektáha nak Wesse'.”

Ezequiel 16:42

Keñe sa' kamaskok ko'o sektaqnagko exche', kamaskok sa' ma'a ektémakxa nak sénmexeykha; awanmeyekxak sa', kamaskok sa' seklawa.

Ezequiel 39:20

Alanaksek sa' ko'o ektámaxche ekyawe, yaqwayam sa' katawagkok ekwokmoho elyaqkanakmo, cham'a yátnáxeg aphápetek tén han ma'a apkelchánte nak chá'a yátnáxeg, tén han ma'a sẽlpextétamo tén han ma'a pók aptémakxa nak chá'a kempakhakma yapmeyk. Ko'o sekxeyenma sektáha nak Wesse'.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”