Isaías 54:8 - Biblia Enxet

⁸ Yaqwatakxoho seklo axta ko'o ektemék sekxeganegkessama exche', megkamassegwayam seyásekhayo eyke keñamak eyósegwokmo makham sélano exche'.” Axta aptáhak ma'a Wesse' agkok, ektáha axta apwagkasso teyp.

Isaías 54:8 ပူးပေါင်းရင်းမြစ်များ

Salmos 103:17

Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,

Salmos 103:4

apteme semallahanchesso nétsapmakxa m'a, tén han seyeykhássesseykmoho segkésso seyásekhayo, tén han ektaqmeleykha apwáxok sélányo,

Salmos 13:1

Wesse', ¿háxko sa' ekwánxa kammok megkaxeyenma apwáxok ko'o? ¿Kamaskohok agko' ya sa' ekxeyenma apwáxok ko'o? ¿Háxko sa' ekwánxa katnégwók néxa séxánegkesso ko'o?

Salmos 27:9

¡Ná héxánegkes aqsa ko'o! ¡Ná hétnakhés aqsa hetaqnók! ¡Xép apwánxa apagko' sepasmo! Ná heyenyow aqsa exakko', ná hetnésses meyke sekya'awánxa, hakte xép apteme Dios ahagkok, tén han sewagkasso teyp.

Salmos 30:5

Hakte megkawegqók chá'a aplo m'a, megkamassegwomek eyke m'a ektaqmeleykha nak chá'a apwáxok henlano'. Nenlekxagweyha agkok chá'a axta'a, keñe axto'ók chá'a kapayhekxak egwáxok.

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.

Isaías 40:27

Israel, ¿yaqsa ektáha appaqméteyncha'a nak? Jacob, ¿yaqsa ektáha aptáha nak se'e? “Melányók ektémakxa sekha m'a Wesse' egegkok; mopmenyeyk hélanok ma'a Dios.”

Isaías 45:15

Xép apteme Dios magwete, Dios apwagkasso nak teyp ma'a Israel.

Isaías 47:6

Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Isaías 48:17

Aptáhak Wesse' egegkok se'e, apwagkasso nak chá'a teyp, Dios aptaqmalma nak ma'a Israel: “Ko'o sekteme Dios Wesse' apagkok; élxekmóssegkek axta ko'o exchep aqsok yaqwayam nak kapasmok, ekxekmóssegkek axta m'a ámay eyeyméxchexa nak étlók.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Isaías 49:13

¡Néten, kalpáxamha kapayhekxak awáxok! ¡Xapop, kayánchesho agko' ekpayheykekxa awáxok! ¡Meteymog élekhahéyak, kólpáxamha ekyennaqte kólessawasha! Hakte apkelpeykessásekxeyk makham apkelwáxok Wesse' egegkok ma'a énxet'ák apagkok, apkelásekhákxók makham ma'a apkellegeykegkoho nak ekyentaxno apkelwáxok.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 54:10

Kayaqmagkasek sa' eykhe mók élámhakxa m'a meteymog élekhahéyak nak, kalyaqnenagkok sa' eykhe nahan ma'a egkexe nak, megkayaqmagkasek eyke mók ma'a ektémakxa nak ko'o seyásekhayo exche', megkaltaqheykha nahan ma'a sekhéssamo axta mók sélpaqhetchásamáxkoho meyke ektáhakxa egwáxok nak.” Axta aptáhak ma'a Wesse', ektáha axta eyósegwayam apkelányo exche'.

Isaías 54:5

hakte sa' emok etnehek aptáwa' m'a ektáha axta apkelane. Wesse' ekha apyennaqte apwesey m'a; cha'a apwagkasso teyp xeye' m'a Dios Aptaqmalma nak Israel, apteme nak Dios ekyókxoho keso náxop.

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 60:10

Énxet'ák mók nekha apkeleñama sa' elánekxak ma'a meteymog kélhaxta nak nepyáwa Jerusalén, keñe sa' ma'a kelwesse'e apkelwányam kélagkok nak kóltéhek kélásenneykha; aplo axta eyke keñamak apkellegassáseykegkoho m'a Wesse' egegkok, apkelásekhayo eyke keñamak kaxwók kéleyósegwokmo apkelano.

Isaías 63:7

Peyk ko'o axének Wesse' egegkok segásekhayo, peyk alpeykeshok eñama m'a ekyókxoho sekteméssessamakxa axta negko'o, eñama apkelásekhayo ekwányam agko' ma'a énxet'ák Israel, eñama m'a apteméssessamakxa axta chá'a ektaqmeleykencha'a apwáxok apkelányo tén han apkelásekhayo ekwányam agko'.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Jeremías 31:3

makhawók axta ko'o ekxekmowásamáxkoho. Megkamassegweykmok ko'o makham sélásekhayo; cháxa keñamak sélenxáneykmoho nak ko'o ektaqmeleykha ewáxok sélányo.

Jeremías 33:26

malyetnakhaksek sa' chá'a ko'o m'a Jacob aptawán'ák neptámen, tén han ma'a David séláneykha nak, megkatnehek sa' chá'a matnéssesso xama nepyeseksa yaqwayam etnehek wesse' apwányam nepyeseksa m'a Abraham aptawán'ák neptámen, Isaac tén han ma'a Jacob. Hakte apyósekak sa' chá'a ko'o alanok ma'a, ayaqmagkassesek sa' mók ma'a ektémakxa nak apheykha.”

Jeremías 51:5

apkeláneykegkek eykhe melya'assáxma nahaqtók ko'o m'a énxet'ák Israel tén han Judá, apsawheyáseykekxók melya'assáxma m'a apchókxa, makke akxakhák ko'o makham, sektáha nak Wesse' ekha sekyennaqte, Dios Appagkanamap nak Israel.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.

Zacarías 1:16

Cháxa keñamak sektáha nak sekpeywa, ko'o sektáha nak Wesse': Ekya'aweykteyk ko'o makham yetlo seyásekheykekxoho m'a Jerusalén, wának sa' kólxátekhásekxak ma'a tegma appagkanamap tén han ma'a apyókxoho tegma apwányam nak.’”

Zacarías 10:6

Aptáhak Wesse' egegkok se'e: “Agkések sa' ko'o apkelyennaqte m'a Judá aptawán'ák neptámen, alwagkasek sa' teyp ma'a José aptawán'ák neptámen. Anaqlakxak sa' makham ma'a apkelókxa apagko' nak, hakte apyósekak ko'o sélányo m'a. Etnahagkokxak sa' makham ma'a ektémakxa axta maltaqnaweykegko axta chá'a ko'o, hakte ko'o sekteme Dios Wesse' apagkok, sekháxenmo nak chá'a m'a apkelmaxneyéyak.